الحقو علي الغطاء الرديتر فيه شحم ؟؟؟؟؟

[ABO SLIMAN]

السلام كيف حالكم يااخوان

معي جيب /VXR 96
عندي مشكله الغطاء الرديتر يطلع شحم او زي الزيت الثقيل مع العلم اني مغير ماء الرديتر اصلي ومنظف الرديتر والغطاء المكينه كويس ما فيه ريحه ولا شي وش الحل يااخوان وهذي الصوره لتوضح المشكله
(الفزعه تكفووون لا تروح مكينتي )

[خنشلية]

هذي يمكن مبرد القير عندك انشق. لاتكون مسيخ الاديتر من قريب؟

[ABO SLIMAN]

والله مدري وين مكانه بظبط المبرد ؟

[خنشلية]

القيرالتوماتيك يجي له مبرد ياداخلي ياخارجي. انت شف موية الاديتر المسها بيدك اذا فيها زيت ولونها محمر معناه لازم يغير المبرد.شف اخونا اصيل حجازي له موضوع مفصل عن مبرد القير

[خالدعيد]

اعطيك معرفتي وهو يدخل عليه زيت شف الطبات العازله بين الماء والزيت في السلندر اومبرد القير

[كاشت وحداني]

اذا القير اوتوماتيك المبرد ماكله الصداء من الداخل وقام يهرب زيت القير لموية الرديتر

[ABO SLIMAN]

http://i.imgur.com/w2DNH.jpg

[هاوي قناصه]

اذا كان من مبرد القير ركب مبرد خارجي لان تويوتا في سياراتها تنزل مبرط القير والاديتر سوا
\المبرد الخارجي خذ حق جمس او فورد
وجهة نظر يابعدي

[ABO SLIMAN]

القير عااااادي ياشباب
وطبات سليمه
ارفقت صوره ليت انكم تشوفونها وشكرا

[ABO SLIMAN]

تسلم (هاويه قناصه )

[بواسامه]

اولا شيك على زيت المكينة
اذا مختلط الماء بالزيت في المكينه فعليها السلام انشعار في احد السلندرات
واذا الاختلاط فقط في الاديتر فغير المبرد وقاعدة المبرد وممكن تخليه خارجي وان شاء الله بيضبط بعدهن اغسل الاديتر
واظن التكلفه حول 2000 ريال بالقطع

[ABO SLIMAN]

المكينه (سليمه مرررره) يابو اوسامه والقير عاااادي وليس اتوماتيك

[ABO SLIMAN]

بنسبه للمبرد للقير العادي وين احصله ؟؟ ليت توضحون بصور الله لا يهينكم

[ABO SLIMAN]

حتا الخراطيش منتفخه من الزيت ؟ ومن برا عليها زي الزيت

[خالدعيد]

اخوى ابوسليمان تقول الطبات سليمه الطبات العازله داخليه ماتشوفه الا بعد فك المكينه

[انس بن سالم]

ما قصروا الاخوان

[1من نجد]

ممكن الوجيه تبع ثلاجة المكينة محتاجة تغيير وهي سبب التهريب للزيت

انت اذا كنت تعبي موية عادية تعدم عليك الوجية والطبات
واذا كنت تعبي موية وكالة مركزة زيادة عن اللزوم تحرق الوجيه أيضا
الأفضل ماء مقطر بنسبة 80%وماء مركز بنسبة 20%

[عبقري91]

انشا الله المكينه سليمه. شف طرمبة الماء اذا الوجيه تعبانه يصير كذا. واذا سيارتك فيها مبرد زيت مكينه يصير فيه تهريب. هو التهريب فيه فيه بس وينه لازم توديها لورشه واذا برياض انت فيه بصناعيه القديمه دكتور الحراره تراه جيد

[مركز حراره]

اخوي موضوعك بسيط ان شاءالله
بدل مبرد الزيت الي بلمكينه داخل تحت القزوز من الجهه اليمنى وبعد اغسل الرديتر والسرندل وحتى لو كان من الراس ممكن اصلاحه بسيط بدون فك

[ABO SLIMAN]

طيب تعرفون ورشه كويسه بالقصيم .
خبرتها المشاكل هذي

[عاشق الغرانيق]

حصلت نفس المشكلة معي في جيب شاص 96 ورحت للمكانيكي وغير وجة الثلاجة الي يركب من عند المكينة وغسلت الاديتر ولا عاد طلع زيت في الاديتر وشكرا