وين القى ورشه متخصصه لفحص السمكره والمحركات

[fh...fh]

السلام عليكم ورحمة الله وبركاته
ياجماعه انا ان شاء الله ناوي اشتري سياره مستعمله ......وارغب ان تصفولي مكان ورش فحص للسمكره والمحرك وغيره
سمعت ان فيه ورش متخصصه للفحص اذا فيه سمكره او لا
الله يجزاكم خير

[فتك الحر]

وعليكم السلام ورحمة الله وبركاته
اذا كنت في الرياض فيه مركز الغروب وكارتك في النسيم قريب المعارض

[الدمثة]

وعليكم السلام ورحمة الله وبركاته
ورشة البريدي في النسيم (اذهب ولن تندم) حتى أهل المعارض والشريطية مايبونك تروح له والسبب أنه مايخلي شي مايطلعه وشكرا
موقعه على شارع المعارض

[sgl2002]

أسألني عنهم

لاتروح كارتك ولا الغروب تراهم مايطلعون كل شي

رح للبريدي والله ياهو يطلع الخرابات من تحت الصواميل لين يخلي وجه البائع ينعفط

وانا قبل فترة لقيت فكسار ويوم بغيت اشتريه طلع عداده منقص 200 ألف تخيل؟؟

هو اللي اكشفه مع ان الموتر اتحداك تقول انه قد مشى 400 ألف

[مكشات واحد]

كارتك
لا تقرب البريدي رجال ملقوف يتدخل حتى بسعر السياره
اعرفه من 20 سنه هذا الشخص يطب لكن ملقوف
من موديل الاند كروزر 92 كنت اجيب انا هو من الامارات
الاند كروزر اذ شكيت في ممشاه اشرد فكة العداد وترجعها لنه يرجع ممشاه الخقيقي