افزعو لي تكفون الفورد

[هاوي قناصه]

السلام عليكم ورحمه الله وبركاته
كما في العنوان واحد من الزملا الغالين بالحيل
عنده مشكله بسيارته ودله واحد علي مكشات قال اذا مالقيته بمكشات
تلقاه بالوكاله يعني معتمد علينا
السياره/ فورد كراون فكتوريا 1998
المشكله /يقول خويي
كنت طالع علي خط سريع يمشي 170
مسك فرامل لمس بس
نتعت ورده نمره علي طول مع انه مادعس البنزين
وقامت تلعب التبديلات من 100واقل تعشق وترد .
واذا تعدت ال120 ماعليها خلاف
وقف وحط القير علي الفاضي وعشق مشى بالتبديله الاولى نتع وشد بالتبديله الثانيه وقرصت كفراته ....
الرجال رجع للمكه والسياره مافيها شي ..
وسلامتكم

تكفون متعزوي فيكم

[ابو البر]

تلاقيه حساس فقط لاغير ويسهل تغييره ولاكن يجب عليه فحص كمبيوتر افضل وسهل .

والآخوان بيفيدونك بموقع فورد .

[1من نجد]

يتأكد من اصابع البطارية ممكن فيها أرتخاء او كسر

لأن المشكلة ممكن انقطاع كهرب

ويتفحص كارتير القير لايكون فيه تهريب أو نقص

لأن القير حساس جدا من ناحية نقص الزيت

[هاوي قناصه]

اخواني الكبار
الي ردو والي ماردو
بارك الله فيكم ورخم الله والديكم
ونسمع من الجميع
لعلنا ماننقطع منكم

[Salamah.y]

يستحسن يبدأ بالحلول تدريجيا ً , من الاسهل للأصعب
و اسهل شي , انه يشيك على زيت القير , و يحاول يغيره مع الفلتر
و اذا ما ضبطت ,, يشيك على كهرب السياره كامل اذا فيه التماسات او ضعف او لخبطه
و بعده , يشيك على كمبيوتر السياره احتمال يبي له إعادة برمجة
و الاخير الله يعينه اذا كان القير عليه خلاف , يوظب !

اتمنى ان المشكله زيت و فلتر لا اكثر
مووفق اخوي @~

[المميـز]

:

ينقل للقسم المناسب

:

[هاوي قناصه]

طيب في اي قسم

[رفيع المقام]

اخوي خل خويك يشيك على زيت القير والاحتمالات كثيره ، يمكن الزيت ناقص أو الفلتر طاح بالكرتير أو مثل ما قال أحد الاخوان مشكله بأحد الحساسات . ولو تسأل خويك يوم تلعب التبديلات هل اشتغلت لمبة الاوفر درايف (لمبة خضراء)

[هاوي قناصه]

نجرب ونردلكم خبر.
شاكر تواجد الجميع بالردود العطره