الاعضاء الذين ضروا بالغير ,, بقصد او غير قصد

[شمالي و الهوا غربي]

احبتي اعضاء منتدى مكشات الافاضل
دايماً نسمع بان هناك ناس تدعي على بعض المنتديات والاعضاء المنتسبين اليها
لما سببوه من ضرر في مايخص انقراض الصيد وغلا السلاح.

بعض الاعضاء الذين اضروا بالغير بقصد(( او غير قصد))
والله وحده هو الي يعلم بالنوايا’
من هم اللي اضروا بالغير هم: الذين يروجون لإانواع من الاسلاحة
ويكيلون لها بالمديح واللي مايقتنيها مايعتبر من المحترفين.
حى اوصلوها الى اسعار خياليه:
عاد المسكين ماصدق خبر يصير من المحترفين يجيك مدرعم:
شي يغبن سعر الذخيره باحد الدول المجاوره بحدود ب 40
وعندنا فوق ل 100؟
الصنف الثاني الذين. يقومون بتصويرصيدهم بكميات كبيرة ’
بدل عن التقرير الرمزي: ويتسابقون في تنزيلها بالمواقع الاكترونية

النوع الثالث اللي الذين’ يروجون للصيد الصناعي
مثل اجهزة الاصوات والخداع والكمائن.
النوع الرابع: المطبلون الذين يقومون بالمديح والترفيع
وربما مصلحة لنفسه؟
مثل راع السطحة هو اول واحد يفرح بالحادث.

والكثير منكم يردد صيٌادين اخر زمن لاحترام ولاذوق ولافن
والصيد انقرض والسلاح غالي:
والسؤال اللي عجزت استوعبه كيف الصيد قل وبدا ينقرض
وسعر سلاح الصيد في ازدياد؟!

لكم مني جل التحايا,

[moath2700]

?????????????????

[قاع عبلاء]

يعني انا فهمت أن نحن الأعضاء فاشلون ..

لأننا نمدح سلاحنا الداهيه ونصيد بكميات هائلهـ

طيب مافيه شي جديد ..

بندق جربتها واطربتني وفعلها خيالي

وصادت بكميات هائله ونومستني ..

ونزلت صورت بندقي وصيدها هل هذا عيب مثلاً

موضوعك ماهو بمحله مع احترامي لك ..

وخاصه العنوان ياليت تحذفه ..

عشان ماتطش نفسك بمشكله ..

تقبــل مروري

[شمالي و الهوا غربي]

قاع عبلاء (http://www.mekshat.com/vb/member.php?u=240386)

اهلا بك اخي العزيز
ويعجب اللي يقول رايه بكل صارحة

عاد انت لاتحشر نفسك بس بالعنوان هو صح ان العنوان استفزازي’
ولكن عليك بالمضمون:
و انا ضد فكرتك بنشر المديح لما تملك وهذ من نوع الدعاية
ولازلت عند رأئي بان من يقومون بمثل بهذا العمل اسائوا
ويضرون الغير’قد يكون بغير قصد)
والدليل مثل ماهو حاصل’
واذا ثبت العكس من بقية اراء الاعضاء رايح اعتذر
ودام الاختلاف في صلب الموضوع لابد وان احترمه

ماعندي الصلاحية في تغيير العنوان
لك تحياتي

[قاع عبلاء]

قاع عبلاء (http://www.mekshat.com/vb/member.php?u=240386)



اهلا بك اخي العزيز
ويعجبني انك قلت رايك بكل صارحة


هو صح ان العنوان استفزازي’ولكن عليك بالمضمون
و انا ضد فكرتك بنشر المديح لما تملك وهذ من نوع الدعاية
ولازلت عند رأئي بان من يقومون بمثل بهذا العمل سيئوون
ويضرون الغير
ودام الاختلاف في صلب الموضوع لابد وان احترمه


لك تحياتي




هلابك اخي العزيز

انا صحيح امدح ..

لكن فيه فائده لغيري ..بقولك كيف

فيه ناس تمدح بنادق بدون مانشوف فعلها لغرض التسويق

ويجونك المدرعمين وينغشون فيها

أما نحن نمدح بنادقنا ونخليك تشوف فعلها عشان ماتنغش بالبنادق الاخرى

وبالاخير تقولي انت عضو فاشل ..

سامحك الله ..

ارجع واقولك موضوعك ماهو بمحلهـ...

[شمالي و الهوا غربي]

دقق جيدا في المضون
الوجه الاخر المدح وهو النتيجة التي نجنيها الان

وننتظر بقية الاراء

[ramy asiry]

مالي دخل بالصيد لا من قريب ولا من بعيد
لكن من زمان وأنا ودي أتكلم عن اللي يطلع يصيد ...ويصيد معه ما يكفي قبيلة...لا تصيد إلا ما تحتاجه فعلا
موضوعك عين الصواب
نصيحة:::غير العنوان:::

[أبوعابد 22]

والشي اللي عجزت استوعبه كيف الصيد قل وبدا ينقرض
وسعر سلاح الصيد في ازدياد؟!
هذي معك حق فيها وكلامك كله على العين والراس
والي رفع السلاح البزران الي توهم طايحين في الصيد
ياخي خل الرصاص او السلاح يخيس عند البياع
والله نيجيك يطرك يقول خذه بارس المال وفكني منه
لان البيع مايحيب البضاعه تطول عنده يحب يصرفها بسرعه
بس ودك تغير العنوان لان فيه استفزازيه لاني يوم شفت الموضوع
جيت امشي مليون نوي اغسل شراعك بس يوم شفت المحتوا لقيته غير عن عنوان موضوع
انت زي الي يبع رصاص خرازه ويقول وين اهل الشوازن

[احب الحيا]

السلام عليكم
الاخ شمالي والهوا غربي
انا معك بكل ما تقووول والسبب ان في قلة الصيد هو قوة الاسلحه اللي جت حديثه
وبتقنيات احدث شي يفرق الرشم وشي يسوق الرشم ((الحلبي))وكل ما تطورت التقنيه ارتفع السعر
والمنتديات هي من اهم اسباب القضاء على الصيد.
وودي اعطيك مثال يا اخوي قاع عبلاء
عندك خيمة الطبخ على سبيل المثال .
اللي كانو ينزلون طبخات يعدوون على الاصابع
والحين مالهم حد ولا عدد . ولو تلاحظ ان نصفهم يقلد التقليد الاعمى حتى في تقطيع البصل .

[احب الحيا]

بااااك
نسيت اقولكم ان العنوان بالعكس انا اشوف انه في مكانه
لان الفشل ليس بالاملاء او اسلوب الطرح الفشل في الشخصيه
الفشل في الحياه الماديه
الفشل في عضوية المنتديات
جميع مجالات الحياة فيها فشل
وتاكد ان اخونا الغالي ما قال ان كل الاعضاء فاشلين.
لو قال الاعضاء الفاشلين يمكن نفهمها على انها كل الاعضاء لكن قال أعضاء فاشلين.





وشكرا

[شمالي و الهوا غربي]

مالي دخل بالصيد لا من قريب ولا من بعيد
لكن من زمان وأنا ودي أتكلم عن اللي يطلع يصيد ...ويصيد معه ما يكفي قبيلة...لا تصيد إلا ما تحتاجه فعلا
موضوعك عين الصواب
نصيحة:::غير العنوان:::

اخي الغالي انت شرهان بانهم يوفرون الصيد لغيرهم
والخطر ياخذون اللقمة من حلقك

الف شكر لمن قام بتعديل العنوان

عاد انت خلك واثق من نفسك ولا تصير من السلبيين
واذا انتم ترون ان الناس التي سببت هذا الشي
وسووا الضرر بشكل عام سموهم مثل ماتبون
والمهم كيف الحل؟

وامل من الاخوان ان تناقشون فيما بينكم
حسب وجهات نظركم الي تتفقون فيها او تختلفون عليها
وانا قلت رائي في الموضوع ’ وابستفيد من ارئكم

تحيتي لحضوركم وتفاعلكم

[شمالي و الهوا غربي]

ابو عابد
ياعزيزي دايما الناس ماتتفق على شي
ولكن اللي يشتري بكيفه بس لايتباها بإنه مبذر
واللي يملك شيٍ زين يحمد ربه’ ولايمدحه بسبب او بدون سبب
والي يصيد بكيفه ولكن لا يستعرض انه مسوي ابادة:
واذا طلبت منك المشورة لاتبخل

تحياتي

[بربنجي]

شباب بدون زعل ترا اخوكم بربنجي صريح
الصيادون الفاشلون هم الذين يصيدون اكثر مما يحتاجون
يعني باختصار مهايطية
انت عضو في مكشات احترم المنتدى وحاول انك تحافظ على الحياة الفطرية والبيئة وحمايتها وليس انك تقوم تصيد الي تبي والي ما تبي
ارجع واقول هذا اسمه هياااااط وليس صيد
الواحد يصيد كانه جيعان او ماهو لاقي طعام
الحين اصلا هواية اكثر من اول ايام الاباء والاجداد كانوا يصيدون من الجوع الي مر عليهم
لكن الان صار الصيد استعراض ويعني اني شوفوا كم صدت متشطر على طيور للاسف
اسف اذا احد زعل مني لكن هذا في الاخير يعبر عن رايي الشخصي وقد اكون غلطان فيه