سؤال عن نتافه القمري

[دنيا بلا معنى]

السلام عليكم يالربع انا سمعت انو في نتافه للقمري وهي متواجه فقط في بريده
ياريت احد يفيدنا بهالموضوع

علمآ باني جربت النتافه الي عندى محلات السنيدي ما تصلح بكلب سرق اهله
ولا بريال نصيحه لا احد يشتريها

[الذيب المتوحش]

يفيدونك الاخوان

[راعي جملاء]

يارجال مافيه احلا من تنتيف القميري باليد خل عنك النتافات ووجع الراس

[دروُب التعبَ]

يازين القمري ويا زين نتفه :D

والله ما شفت طير أحلى وأسهل من نتف القمري بس وينه
واذا صدت قمري هاته أنا أنتفه لك :D

وبالنسبه للنتافه والله مدري بس أتوقع أنه النتافه الكبيرة حقت
الدجاج تنتف الحمام والقمري وانا والله ما جربت وقالوا أنه موجوده
بحراج أبن قاسم بالرياض ولا رحت ولا شفت بعيني
يعني سمعت بس والله أعلم وأتمنى من الأخوان اللي عندهم علم بهالشي
يفيدونك أكثر مني

تقبل مروري وفالك الصيد

[Abo gssar]

من كثر القمري الحين اللي يشوفك يقول ان الاعداد في زيادة ياخوي القمري قل يعني ان جبت 50 حبة ومعك ثلاثة اخويا تنتفونها في عشر دقايق وبعدين القمري اسهل طير في النتف..

[-ابوردن]

يفيدونك الاخوان ان شاء الله

[المنصف999]

مجربه الجديده ممتازه