الجيب به رجه

[ابو غياهب]

السلام عليكم ورحمة الله وبركاته

احلى تحيه لاخواني بمكشات
عندي مشكله بجيب نيسان 2000 عادي فيه رجه على 60 مادري من ايش اغير عمود الدبل ولا وش المشكله ارجو الافاده
ولكم جزيل الشكر والعرفان

[مسفر الاكلبي]

تأكد من الكفرات ومن الترصيص ثمن فك عمود الدبل وجرب اذا راحت معناته من العمود او من الصليبات حقت العمود واذا ما راحت تأكد من عمود كردان ومن الصليبات واحيان من الاذرعه وأنشاء الله يفيدونك الاخوان

[ابو غياهب]

يعطيك العافيه يامسفر
فيه الكفرات الخلفيه طرفها الداخلي ممسوح واذا عشقت الدبل الكبير به طقطقه ومادري وش السواه اغير الكفرات وانا توي شاريها من ثلاث شهور ولا اغير الصلبان حقت العمود

[خبايا انسان]

وازيد على كلام الاخوان . شيك على مساعد الدركسون

[الهاجر12]

السلام عليكم أنا بقولك الحل من واقع تجربه وصارتلي الرجه هذه ميكانيكي ماعرف قالي رح للميزان غيرت الكفرات الخلفيه بالأماميه ركبة الأسبنه قدام غيرت الكفرات بكفرات جيب خويي كل هذا مانفع قالي حق الميزان فك عمود الدبل برضو مانفع لكن الحل كان عند واحد راعي ميزان أخر سوري قلتله فيه رجه قالي دخل السيارة على الميزان فك قطعه قالي رح جبها وبالفعل رحت جبتها له وركبها وقالي رح خذ عليه مشوار أذا أعجبك الموتر إرجع حاسبني وبالفعل راحت الرجه تماماُ على كل السرعات ورجعتله وحاسبته وتشكرته والسلام عليكم

[الهاجر12]

فك الكفرات الأماميه وفك الغطاء الوسطي وطلع منه قطعه بلاستيك وقالي جبها من محلات معدات الورش وزينه السيارات ممكن سعرها كان 35 ريال وعطيته وركبها وراحت الرجه أتمنى انك تشوفها عند واحد قد مرت عليه اذا تبيني اوصفلك المحل أبشر واني أكون قدمت لك شي والسلام عليكم واي إستفسار حاضرين 0505444143 بعد إذن الإدارة

[ابو غياهب]

يعطيكم العافيه شباب
كنت بالبر
شكرا لكل الي ادلى بدلوه
اخوي الهاجر
بالنسبه للقطعه الي قلتها مركب فرار عندك
واكرر مشكوريين

[salih100]

انت تقول اذا عشقت الدبل طلع طقطقه اكيد الصلبان خربانه

[الهاجر12]

لا ماركة فرار وهلابك أخوي واعتقد المشكله عند ك نفس اللي كانت عندي