خبراء الباترول

[صاحب فتك 2005]

السلام عليكم



مساء -صباح الخير



مشكورين جميعا



عندي مشكله ياخوان عندي سوبر سفاري فتك 2005 ماشي تقريبا 200 الف عزم الموتر ماهو مثل اول والشي الثاني واحد يقول رهم طرمبه جمس طبعا الموتر ماسويت فيه ترهيم وتر مانيب راعي بر يعني انا راعي خطوط الشرقيه الرياض وبعدين ابتلشت بالجلبه الي تمسك الشكمان كل شوي وهي مقطوعه وش الحل فيها لدرجه اذا طبيت مطب اسمع دقه تحت



مشكورين مره ثانيه

[صباح القايله]

غير فلتر الهواء وبنسبه للجلبه غير اصليه وان شاء الله تضبط

[You Like Me]

وعليكم السلام ورحمه الله

لا ترهم ولا غيرة طرمبة الفتك جيدة جداً
وانت راعي خطوط منتب فاضي لمشاكل الترهيم

سو تصفية للمكينة وغير صفاية البنزين

[صاحب فتك 2005]

مشكورين ماقصرتوا وين الورشه الي تنصحون فيها في الرياض والشرقيه

[برايدوي عنيد]

هلابك اخوي

غير فلتر بنزين , فلتر هواء , بواجي , شيك على ضغط طرمبه البنزين

بالنسبه للجلبه قد يكون الشكمان او جزء منه فيه ميال خفيف او طعج وهو سبب انقطااعها اكثر من مره

فيه ورشه بالصناعيه القديمه بالرياض اغلب الشباب يثنون عليه كل خير
ورشه ابوصالح التركي

هذا مالدي وتقبل مروري....

[صاحب فتك 2005]

مشكورررررررين

[أبوعزام660]

البانزين لاتستعمل الا 95

[ابوسند9]

طرمبة الفتك جباره وانتبه تغيرها
بالنسبه للجلبه خذ جلبة جيب شاصي ورهما ترهيم وانسى جلبه فيها اربع مسامير

[PATROL-99]

ابو عزام من وين جبت فتوى بنزين 95؟؟؟

مكتوب في دفتر الوكالة حق الفتك لا تستخدم بنزين نسبت الاوكتان فيه كثيرة
يعني بالعربي لا تستخدم 95 استخدم 91

[أبوعزام660]

عن تجربة يالحبيب والله كان معي 6 بواترل وهذا السابع وكل ما أستخدم 91 يقل عزم الموتر ألين ما إستخدمت 95

وشفت الفرق وبعدين من ناحية الدراهم مايفرق إلا 15ريال فقط

[Noz]

اخي الكريم جرب دفع طرمبة البنزين اذا ممتاز الدفع غير الاشياء الستهلكية مثل صفاي بنزين بواجي .... الخ
وتقبل تحياتي

[نيسان فتك]

اخوي صاحب فتك 2005 اسمع النصيحة انا مريت بهالشي معي فتك 2006 وكان يكتم معي غيرت صفاية البنزين سعرها في الوكالة 50 ريال والغيت دبة التلوث بماصورة وكانت دبة التلوث مسدودة عندي
اتمنى اني افدتك