راعي العجراء
13/03/2012, 08:00 PM
السلام علاكم ورحمة الله وبركاته
اليكم هذه السالفه
سالفة راعي العجراء وابو العريص
على وقت البيوت الشعبيه والطين واعتقد بالتسعينات هجريه
وابو العريص من فصيلة الجراذي اكرمكم الله بس حجمه
xxxL Coupe
المهم ابا العريص يوم عندنا ويوم عند الجيران ماغار يتنقل يدور المقسوم
انتم عارفين البيوت من اول متلاصقه الجدار بالجدار
والغريبه انه يمشي على الجدران عرض طول ولايهمه شي وياويلك اذا حاولت ذبحه ولاقدرت عليه يتحول الى فك مفترس المهم هذا الضيف الثقيل يتعلق في كل شي اذا حصل قدر عليه غطاء تعلق فيه على جنب حتى يقلبه ويطيح غطاه ويشوف وش فيه
يطلع فوق الولاب حق المطبخ وكل قدر بس يمر من عنده ويدقه عضل ويجدعه من فوق الدولاب برميل الزباله اعزكم الله يكبه في وسط البيت غير الاصوات المزعجه الذي يحدثها من قرقعه الصحون وخلافه تالي الليل تقول بالبيت جن
المهم اخوكم راعي العجراء ضاقت عليه الوسيعه من عمل هذا الضيف ولم اجد فرصه لقتله فيه ذهانه زايده يعرف متى يخرج وكيف يمر بسرعته الفايقه بين الحضور وكيف يتصرف وقت المداهمه حاولت ان نتقابل انا وياه وجه لوجه وان نتماسك الحلوق والشوش
وما دون الحلق الا اليدين ياذابح يا مذبوح اشغلنا واشغل الجيران
على العموم استخدمت كل الطرق والتحريات والبحث المستديم
سويت له حباله مافيه فايده هو اكبر من الحباله استخدت جميع انوع الماكولات المشهيه من بسكوت ابو ميزان وبسكوت ابو ولد وعلك حار وبارد مافيه فايده
حطيت له تونه وطحينيه التاج الاصليه وجبن كرفت ومربى جح وخبز بر وخبز صامولي ولو قال ابي سندوتش شورما رحت اجيبه له من شارع الوزير مايدري ان كل اللي حطيت له انا ماذوقهن الا من حول الى حول واحيان يمر الحولين ماكلت منهن شي ولكن من زود القهر والغل عليه
اه اه اه لو لو يطيح بيدي ومسكه كان ابرد كبدي منه ابي اذبحه ذبح تعزير لو يغماء عليه رشيت وجهه في ماء ولا صحى تمدسته من جديد وحطيت يدي بحلقه وغلته حتى تطلع لويزاته من حلقه ويوم صار يوم من الايام الا واحد من اصحابي يقول فيه غراء فيران توه جاي للسوق تو الناس تعرفه ليه ماتجربه قلت وين احصله قال يمكن تاجده بالمكان الفلاني
بس شرط ان تعرف طريقه وين يروح وين يجي معه وتحط الغراء في طريقه على كرتون
قلت مايحتاج طريقه اعرفه 100% له اسنين وهو سردادي مردادي معه قال بس اجل
بتجيب نتيجه
رحت للمحل اللي وصف خويي وحصلت الغراء وشريته وحطيته ذيك الليله على كرتون
في طريقه ونمت
والمفاجئه يوم صحيت الصباح وانا امر على الغراء ولا هذا عين حميده في الاسر
والله وطحت بيدي بعد جهد جهيد كم مره وانا احذرك بس مابك فايده والحين جاك الموت
بكل انواعه
وانا اطلع للشارع حامل الكرتون وابا العريص وانا اجيب ذاك الحجر الكبير يقدر وزنه بعشره كيلو متر ميل طن
وانا ارفعه عليه ابي احطم راسه اشوي يوم شفت عوينته تناظر فيني كنه يتوسل يقول اتوب
يوم كسر خاطري ودمعة عيني قلت بس وشلون افكك من هالغراء
واما ادخل للبيت واجيب مقص وانا اقصص الكرتون على حد رجليه واخليها مثل حدوة الحصان قلت رح الله يستر عليك وانت حاول تطلع اللي برجليك وقت فضاوتك بس لاشوف رقعة وجهك وانا افكه وهو يمشي الف وهو يترك كل البيوت ولا يرده الابيتي مرة ثانيه اخس يالنذل يوم حسيت بالقهر من جديد وحسيت
اني خبل يوم افكه
ولكن اتق شر من احسنت عليه
قلت وينك ياابن الفار اه لو امسك مره ثانيه تشوف ويش اسوي فيك......كيف افكك
ولكن طلع ابن حلال دخل للبيت ياخذ اغريضاته وباقي عفشه وشد عن البيت وماعاد شفته
هذه السالفه ومنكم السموحه على التقصير او من يشوف ان الموضوع غير جيد
واعتبروه اجتهاد شخصي
وقبل الختام
سبحانك اللهم وبحمدك لااله الا انت استغفرك واتوب اليك
دمتم بخير
اليكم هذه الصوره وهو يقف حزين يطلق بوادر العاطفه
لكي اطلق سراحه
http://reem.sebasound.com/wp-content/uploads/2009/12/rat.JPG
اليكم هذه السالفه
سالفة راعي العجراء وابو العريص
على وقت البيوت الشعبيه والطين واعتقد بالتسعينات هجريه
وابو العريص من فصيلة الجراذي اكرمكم الله بس حجمه
xxxL Coupe
المهم ابا العريص يوم عندنا ويوم عند الجيران ماغار يتنقل يدور المقسوم
انتم عارفين البيوت من اول متلاصقه الجدار بالجدار
والغريبه انه يمشي على الجدران عرض طول ولايهمه شي وياويلك اذا حاولت ذبحه ولاقدرت عليه يتحول الى فك مفترس المهم هذا الضيف الثقيل يتعلق في كل شي اذا حصل قدر عليه غطاء تعلق فيه على جنب حتى يقلبه ويطيح غطاه ويشوف وش فيه
يطلع فوق الولاب حق المطبخ وكل قدر بس يمر من عنده ويدقه عضل ويجدعه من فوق الدولاب برميل الزباله اعزكم الله يكبه في وسط البيت غير الاصوات المزعجه الذي يحدثها من قرقعه الصحون وخلافه تالي الليل تقول بالبيت جن
المهم اخوكم راعي العجراء ضاقت عليه الوسيعه من عمل هذا الضيف ولم اجد فرصه لقتله فيه ذهانه زايده يعرف متى يخرج وكيف يمر بسرعته الفايقه بين الحضور وكيف يتصرف وقت المداهمه حاولت ان نتقابل انا وياه وجه لوجه وان نتماسك الحلوق والشوش
وما دون الحلق الا اليدين ياذابح يا مذبوح اشغلنا واشغل الجيران
على العموم استخدمت كل الطرق والتحريات والبحث المستديم
سويت له حباله مافيه فايده هو اكبر من الحباله استخدت جميع انوع الماكولات المشهيه من بسكوت ابو ميزان وبسكوت ابو ولد وعلك حار وبارد مافيه فايده
حطيت له تونه وطحينيه التاج الاصليه وجبن كرفت ومربى جح وخبز بر وخبز صامولي ولو قال ابي سندوتش شورما رحت اجيبه له من شارع الوزير مايدري ان كل اللي حطيت له انا ماذوقهن الا من حول الى حول واحيان يمر الحولين ماكلت منهن شي ولكن من زود القهر والغل عليه
اه اه اه لو لو يطيح بيدي ومسكه كان ابرد كبدي منه ابي اذبحه ذبح تعزير لو يغماء عليه رشيت وجهه في ماء ولا صحى تمدسته من جديد وحطيت يدي بحلقه وغلته حتى تطلع لويزاته من حلقه ويوم صار يوم من الايام الا واحد من اصحابي يقول فيه غراء فيران توه جاي للسوق تو الناس تعرفه ليه ماتجربه قلت وين احصله قال يمكن تاجده بالمكان الفلاني
بس شرط ان تعرف طريقه وين يروح وين يجي معه وتحط الغراء في طريقه على كرتون
قلت مايحتاج طريقه اعرفه 100% له اسنين وهو سردادي مردادي معه قال بس اجل
بتجيب نتيجه
رحت للمحل اللي وصف خويي وحصلت الغراء وشريته وحطيته ذيك الليله على كرتون
في طريقه ونمت
والمفاجئه يوم صحيت الصباح وانا امر على الغراء ولا هذا عين حميده في الاسر
والله وطحت بيدي بعد جهد جهيد كم مره وانا احذرك بس مابك فايده والحين جاك الموت
بكل انواعه
وانا اطلع للشارع حامل الكرتون وابا العريص وانا اجيب ذاك الحجر الكبير يقدر وزنه بعشره كيلو متر ميل طن
وانا ارفعه عليه ابي احطم راسه اشوي يوم شفت عوينته تناظر فيني كنه يتوسل يقول اتوب
يوم كسر خاطري ودمعة عيني قلت بس وشلون افكك من هالغراء
واما ادخل للبيت واجيب مقص وانا اقصص الكرتون على حد رجليه واخليها مثل حدوة الحصان قلت رح الله يستر عليك وانت حاول تطلع اللي برجليك وقت فضاوتك بس لاشوف رقعة وجهك وانا افكه وهو يمشي الف وهو يترك كل البيوت ولا يرده الابيتي مرة ثانيه اخس يالنذل يوم حسيت بالقهر من جديد وحسيت
اني خبل يوم افكه
ولكن اتق شر من احسنت عليه
قلت وينك ياابن الفار اه لو امسك مره ثانيه تشوف ويش اسوي فيك......كيف افكك
ولكن طلع ابن حلال دخل للبيت ياخذ اغريضاته وباقي عفشه وشد عن البيت وماعاد شفته
هذه السالفه ومنكم السموحه على التقصير او من يشوف ان الموضوع غير جيد
واعتبروه اجتهاد شخصي
وقبل الختام
سبحانك اللهم وبحمدك لااله الا انت استغفرك واتوب اليك
دمتم بخير
اليكم هذه الصوره وهو يقف حزين يطلق بوادر العاطفه
لكي اطلق سراحه
http://reem.sebasound.com/wp-content/uploads/2009/12/rat.JPG