ليش ياربعنا ما فيه لغزً جديد,,,,,,,,,,,,,,,,,,,,,الحل ليفة الدله ,,,,,,,,,,,,,حله بدر

[الخامسي1]

بسم الله الرحمن الرحيم

السلام عليكم ورحمة الله وبركاته



ياصقر كيف حالك بعد طول غيابك*** والمعونه عسى ما خلاف واليوم عيد
وبانشد اللي حظر وإبداء بحضرة جنابك*** ليش ياربعنا ما فيه لغزً جديد
واستلم مني المرسول لا حد بابك *** يحمل الشوق قبل اللغز عله يفيد
ثم دور معي في عزبتك مع زهابك*** عن هنوفً تجاهد بين نار وحديد
تردع الورع وانته تطعمه في شرابك*** لذته في مذاقه ولوتشوفه تحيد
وسط من هي بوسط المجمعه في شبابك*** تفرح بقربها لاصار رأيك سديد
واصلها منه تاكل كان جاني جوابك *** مع نتيجة فعوله والمعاني رصيد
وكان تبغى اقطع جسمها مرحباً بك*** اوله في يدك ياللي لبيتك تشيد
واخره واضحً حرفين اضبط حسابك *** مثل وصفه بسيطه وانت مانته بليد
وآخر الوصف باليمنى يجيها عذابك*** لين تركد على المطلوب من دون قيد
في عجاله كتبته مرحباً يا هلا بك *** استوى اللغز قدامك ولاهي بعيد

[سعد القاسم]

وعليكم السلام والرحمة والبركة
لغز جزل بالحيل بيض الله وجهك لي متابعه
استمعت جدا بقراءة اللغز لطيب

وردت في بالي رمعة ولا ادري علها تصيب
هل هي الصاجه

[الخامسي1]

وعليكم السلام والرحمة والبركة
لغز جزل بالحيل بيض الله وجهك لي متابعه
استمعت جدا بقراءة اللغز لطيب

وردت في بالي رمعة ولا ادري علها تصيب
هل هي الصاجه


اشكرك اخوي سعد وما عليك زود ووجهك ابيض واشكر متابعتك

والصاجه مالك لوااااا

[badr2003]

صباح الخير
صح لسانك يالخامسي على البيوت الجزلة
ر م ع ه
الليفة (ليفه القهوة)


http://www.tfasel.com/vb/attachment.php?attachmentid=5016&stc=1&d=1282789078

[ابو اسامه 2]

وعليكم السلام ورحمة الله وبركاته

صح لسان شاعرنا الرائع ملايين

ابداع متجدد ما شاء الله عليك

لله درك ولا فض فوك

جاري التفكير يا الغالي

تحياتي لك

[حمد؟؟]

صح لسانك ابونايف
وممكن القهوه

[الخامسي1]

]ياصقر كيف حالك بعد طول غيابك*** والمعونه عسى ما خلاف واليوم عيد
وبانشد اللي حظر وإبداء بحضرة جنابك*** ليش ياربعنا ما فيه لغزً جديد
واستلم مني المرسول لا حد بابك *** يحمل الشوق قبل اللغز عله يفيد
ثم دور معي في عزبتك مع زهابك*** عن هنوفً تجاهد بين نار وحديد
تردع الورع وانته تطعمه في شرابك*** لذته في مذاقه ولوتشوفه تحيد
وسط من هي بوسط المجمعه في شبابك*** تفرح بقربها لاصار رأيك سديد
شبة الضو (المجمار) الشاهد : مثال المجمعه وسدير من دون خلي والعارض المنقاد باول قرايه ( وقصتها المعروفه بالغطو ...)
واصلها منه تاكل كان جاني جوابك *** مع نتيجة فعوله والمعاني رصيد
اصلها النخله وتأكل منه التمر مع القهوه
وكان تبغى اقطع جسمها مرحباً بك*** اوله في يدك ياللي لبيتك تشيد

واخره واضحً حرفين اضبط حسابك *** مثل وصفه بسيطه وانت مانته بليد
وآخر الوصف باليمنى يجيها عذابك*** لين تركد على المطلوب من دون قيد

في عجاله كتبته مرحباً يا هلا بك *** استوى اللغز قدامك ولاهي بعيد


كفووووووو يابدر نعم الليفه مريت البارح ولقيت الجو خالي وشفت الليفه في الدله وسريت عليها وهذا من اللالغاز خفيف وسريع
تم ذبحه وتستاهل بيض الله وجهك

[الخامسي1]

صح لسانك ابونايف
وممكن القهوه


ارحب ياحمد والحل عند بدر ولا هو بعيد عن القهوه بيض الله وجهك ووجه ووجه الحاضر

[الخامسي1]

وعليكم السلام ورحمة الله وبركاته

صح لسان شاعرنا الرائع ملايين

ابداع متجدد ما شاء الله عليك

لله درك ولا فض فوك

جاري التفكير يا الغالي

تحياتي لك





اشكرك ابو اسامه واللغز طار عند بدر وابشرو بالعوض

[صقر السديرات]

صح لسانك ابو نايف على هالجزل
وبيض الله وجهك وسامحني مااطلعت عليه الا متاخر
قصيدة رائعة من رجل رائع وصاحب قريحة حاضرة
زادك الله من زوايد فضله
دمت بصحة وسلامة

[الخامسي1]

صح لسانك ابو نايف على هالجزل
وبيض الله وجهك وسامحني مااطلعت عليه الا متاخر
قصيدة رائعة من رجل رائع وصاحب قريحة حاضرة
زادك الله من زوايد فضله
دمت بصحة وسلامة


صح بدنك ومسموح وابشر بالعوض ان شاء الله مقيمين وعلى ماء

القادم افضل وتقبل تحياتي