اللي عنده خبره في الجبيل و حولها يفضل الله لا يهينه

[محسن عبدالله]

السلام عليكم و رحمة الله و بركاته
اخواني انا مخطط الاسبوع الجاي اروح الجبيل و متردد بين جزيرة بو علي و بين جعيمه
شرايكم ؟ و اذا احد عنده احداثيات المواقع على القارمن لا يقصر
و هل لازم اروح امر على المركز اخذ تصريح ولا لا ؟
و شكرا

[xmx202]

بالنسبه لجزيرة ابو علي يلزمك تصريح من القياده .. في ميناء الجبيل التجاري بالجبيل البلد .. وتروح هناك اوقات الدوام الرسمي ويبيلك صورة من بطاقة الاحوال لك وللي معك .. التصؤيح راح يكون نهاري لمدة عشرة ايام

المحادق الجيده في الجبيل الصناعيه:

كورنيش شاطئ النخيل جهة العزاب
كورنيش الفناتير المنطقه الجديده في الساحل الرملي
المردومه (مع اني لم اوفق فيها)

اما بالنسبه لكورنيش راس تنوره (جعيمه) ... عندك جنب القصر لا بتعد واجد عن القصر


الاوقات الطيبه للحداق ..

بالنسبه للجبيل بداية السقي

اما راس تنوره ... مع نزول المايه


الطعوم .. ربيان للشعوم وسلس للسبيطي

اسمحلنا عالقصور ... وفالك السبيطي اللي يرد الروح

[بوناجم]

ما ازيد على بومحمد الا بالقليل وما قصر يعطيه العافية...الجعيمة او ""كورنيش راس تنورة"" فيه 3 دوارات .. الملاحظ والمجرب ان الدوار الاول""المراكب"" الي عند القصر ويقولون خلك ما بين الدرج والقصر لا تبعد طبعا اذا لقيت لك محل خخخ
والدوار الثالث الي عند خفر السواحل ""ام مريخة"" منطقة رمل شاطي ويمدحونه ايضا
عندك الجبيل الصناعية زي ما اذكر اخوي بومحمد..وازيد عليه سمعت من بعض الشباب النقورية شمال الجبيل
وايضا خلف المخيمات بعد محلة طيبة او شي زي كذا
وفالك الي يعجبك من الاقرع العبقري العتيد ""السبيطي"" وبنت النوخذه"الفسكرة" والشعم

[accentkool]

جرب جعيمة جدا طيبة

[محسن عبدالله]

ما قصرتوا جزاكم الله خير