ارسلنا رسالة بس رفضته الادارة ((اصيل حجازي))

[يزيد 999]

بسم الله الرحمن الرحيم مرحبا اخواني عندي فورد f150 2004 مكينه 5.4وابغى اغير البواجي طبعا مالقيت احد يركبهن الى محل اسمه القرعاوي لانه انتم عارفين انه البواجي غثاء عالعموم رحت الوكاله وقال الطقم 440ريال!! انا بغى يوقف قلبي والمشكله كان معي باترول وطقمت بواجي ب 40ريال فالسؤال فيه طريقه لتغيير البواجي بدون ماتكون مكلفه او لازم ورشه والبواجي لو اركب نوع ثاني مثلngk هل ينفع ولالا؟ وفيه طريقه سمعت عنه اللي هي على الرابط هل صحيحه او خطا ومنها خطر او لا

http://www.ford4arab.com/vb/t32657.html

[يزيد 999]

للرفع للرفع

[دحيم الفزعة]

موقعك يا الغالي مشان نقدر نساعدك ؟؟؟؟؟؟؟؟؟؟

[mekshaat]

السلام عليكم ورحمة الله وبركاته










اذا سعر البواجي غالي مثل ما ذكرت فيه حل البعض يسويه خل الميكانيكي يفك البواجي ويسوي لها تنظيف وصنفره أكثر الميكانيكيين

في بلدانهم يسوون الطريقه هذي للبواجي حسب كلامهم لي.

[يزيد 999]

يعطيكم العافيه يااخوان انا موقعي القصيم وبالنسبه للسعر انا ماعندي اشكال لو بالف بس احس الدعوى استغلال عشان كذا قلت اذا فيه شركه ثانيه ياليت تقولون لي وبالنسبه لتنظيف البوجي ما اتوقع يبي يتحمل مثل الجديد

[«نجم الخير»]

هلابك اخوي

اتصل على ابوابراهيم العثيم يفيدك
او سليمان العثمان
اكيد فيه بديل

[يزيد 999]

يا شباب رحت لم القرعاوي وقالي لازم تصفي المكينه مع تغيير البواجي ولا ما المس السياره يعني ما يغير البواجي لازم يصفي المكينه ولا مايشتغل تغيير فقط انا كلمت المهندس احمد القحطاني وقالي توقف السياره فتره عشان تبرد ثم تفك الكويلات وتبخ على مدخل البوجي ببخاخ ايسي ديلكو وتخليه ربع ساعه ثم تفكهن انا الصراحه خايف لان البواجي حقاته مشهور عنهن انهن اثناء الفك ينكسرن داخل راس المكينه ولازم يفك الراس عشان يطلعن فياليت اللي جرب طرقه المهندس يفيدنا

[ملك الفكتوريا]

غريبة فورد وغالية والله بس كم تمشي البواجي


يالبى الفكتوريا طقم وكالة 95 ريال وطقم سست وجلد كويلات 16 قطعه 220 ريال



يالغالي أنت تقدر تشتغلها وعلى مهلك والسيارة واقفه

تفك البوجي بمفتاح خاص فيه وبعدين تسحبه سحب بمغناطيس والسيارة بارده افضل لك



وترى حسب علمي الفورد نادر ما ينكسر


والله يعينك بس f150 يستاهل

[mekshaat]

يعطيكم العافيه يااخوان انا موقعي القصيم وبالنسبه للسعر انا ماعندي اشكال لو بالف بس احس الدعوى استغلال عشان كذا قلت اذا فيه شركه ثانيه ياليت تقولون لي وبالنسبه لتنظيف البوجي ما اتوقع يبي يتحمل مثل الجديد


حياك الله

لو تسأل الميكانيكيين في الورش قالوا لك ما نغير البواجي في بلدانهم بس ينظفونها تنظيف

الين يزيلون الكربون اللي عليها لكن المضطر ماله الا الطريقه هذي .

[مركز حراره]

اذاكنت ماتشكي من شي خلهن لان عمرهن طويل

[يزيد 999]

انا يااخوان اشتكي من تقطيع يصدع الراس لازم افك الدعسه وادعس مره ثانيه عشان يروح وانا ماعندي مشكله بسعر البواجي لاكن المشكله الفك وتقدرون تبحثون بالنت وتحصلون انه ينكسر داخل راس المكينه اثناء الفك انا المهندس قالي الطريقه بس اذا انكسر مهب فايدك المهندس لانه انا بالقصيم وهو بالرياض

[يزيد 999]

مافيه احد يفيدنا

[جمس_454_97]

اخوي الغالي فيه طريقه سهله وامنه وممتازه مرررره وعلى مسؤليتي
فيه منظف للبخاخات والبلوف والبواجي عند شركة متسوبيشي وهو امن على جلد البخاخات عكس المنظفات الثانيه
والقاز وصناعته ياباني قيمته 35 الى 40 انت ومكاسرك
وهذا من مميزاته يشيلك طبقة الكربون الي على البواجي والي على البلوف ويشيلك الوصخ الي بالبخاخات
وانا مجربه ونصحني فيه واحد سوري متخصص بالبخاخات
انصحك تحطه وتمسك لك خط مايقتل عن 100 كيلو
ولو حبيت تشتري بواجي ان جي كي ممتازه مجربه وانا افضلها على غيرها من البواجي
وكذالك بواجي بووووووش مافيها كلام

[ماون ماركز]

غريبة .. وش ها العنوان اللي ماله علاقة باالبواجي
؟؟؟؟؟؟؟؟؟؟؟ :D

[يزيد 999]

اخوي جمس مافهمت قصدك يعني احط البخاخ على وشو ووش ينظف