سالفة ياشاري خن بط

[النبهاني]

بسم الله الرحمن الرحيم
السلام عليكم ورحمة الله وبركاته
اخواني واخواتي المكشاتيه
اسعد الله اوقاتكم بالخيرات
الخبط هو ورق السمر او الطلح وسمي بالخبط لانه ياتي الشخص ويخبط شجرة السمر او شجرة الطلح بعصا غليض فيقع الورق بالارض فيتم جمعه ويسمى بالخبط
وكان الخبط يستخدم بعد رشه بالماء واضافة قليل من التمر اليه علف للبعارين ( السواني ) لانه يسمّن السانيه بعد الهزل الذي يلحق بها من كثر السني في مده وجيزه فضلا على انه علف لجميع المواشي لذلك كان مهم للفلاحين الذين يسنون لاستخراج الماء من الابار 0


بعد هذه المقدمه ندخل بالسالفه كان فيه شخص يتاجر بالخبط ويقوم بشراءه من اللي يخبطون ويقوم تاجرنا هذا بتخزينه حتى اذا جاء وقت الدهر يبيعه دبل وفيه سنة من السنين كان عنده خبط واجد ومخزنه له بصفه وكان وقتها دهر وعلى دخول الوسم وكان يسام منه بسعر غالي ومعيي يبيع يبي زود لانه دخله الطمع المهم دخل الوسم وخاف انه يجي مطر وربيع ولا احد ينشد عن الخبط اللي عنده وصادف واحد من اللي يسنون وقال له ما تبي خبط قام هالفلاح يناظر بالسماء وشاف بعض المزن وقال عقب ما شاف المزن لا هالحين ما ابي لكن يمكن عقب يومين امرك واشري منك
ما مشى عليه هذا الكلام لانه يدري انه يتهكم فيه وقام يحرج على الخبط بوسط السوق لكن ما من مشتري الناس تحرى الخير من الكريم سبحانه
بعد يوم او يومين صك السماء بالغيوم وقامت ترعد وتبرق ونزل المطر بغزاره واستمر نزول المطر رفيقنا هذا قام يناظر صفة الخبط والمطر يصب عليها لين ربصت وطاح السقف وبعض من الجدران على الخبط واختلط الخبط بالطين مع الماء وهو يناظره بحسره وعقب ما وقف المطر
كن الرجال عقب اللي حدث صار لعقله شي لانه ما تحمّل اللي صار وقام يدور بالسوق ويصيح ياشاري خِنْ بِطْ 00 ياشاري خن بط
وصارة مقوله دارجه ومشهوره هكالوقت وعلى ماسمعت انه سنة الهدم عام 1376 هـ
انتهت السالفه وسامحونا على التقصير
محبكم
النبهاني
منتديات مكشات

[عطيب ومايغيب]

هههههههههه سبحان الله دايم اسمع عن خن بط ولاعرفتها غير هل الحين

اخي الكريم يعلم الله بأن الوالد كان من الذينا يجمعون الخبط ويبيعونه قبل اكثر من 80عام الله يرحمه واموات المسلمين

كل الشكر لك على القصه وتوضيح وتقبل احترامي
يعلم الله ذكرتني بأالشيب يوم يروي لنا قصص المراره من الجوع الذي عاشره في ذاك الوقت
كثر الله من امثالك والى توفيق الله

[قوافي ( أم نهار )]

حياك ربي اخوي النبهاني
الله يسعدك صباح ومساء اللهم آمين
الطمع شين و إن شاء الله هذي نهاية كل طماع
سالفه جميله فيها حكمه وموعظه وعبره لكل من لايرضى بمايقسم
السالفه هذي تشبه اوضاعنا الان بكل مكان تلاقي سعر مختلف والنوع والمصدر واحد
الله يرحمنا برحمته ويعين اللي مثل هالتاجر على نفسه
مشكور اخوي على ذكر أسم خن بط وتعريفنا عليه
دمت بحفظ الله ورعايته
تحياتي.اختك
..قوافي..

[نجم000الشمال]

وعليكم السلام ورحمة الله وبركاته
يالله ان تحيي حبيبنا النبهاني
والله يسعد مساك وصباحك بكل خير
ايو الله اسمع بها المثل او الجمله (خن بط) ولا كنت ادري عن مصدرها الا الان ، يا حول ياها المسكين فقد عقله من الخسارة الي جته ، الطمع الزايد وما يسوي ( من الطمع ظيع ما جمع ).
تسلم اخوي على القصة الطيبة والسرد الاجمل.
دمت بخير يا غالي.

[ناصر العلي]

وعليكم السلام ورحمة الله وبركاته
والله يسعد جميع أوقاتك
وصدق من قال
الطمع يذهب ماجمع
ومعلومة جديدة تسجل لك يالغالي
طول عمري أسمع بهالكلمة و أول مرة أعرف معناه
لا وكنا نسمعه ونقوله غلط
خـــــــــــــــــــــــم بــــــــــــــــــــــــط
وهاللحين عرفنا إنه
خــــــــــــــــــــــن بـــــــــــــــــــــــــط
وياربي لك الحمد على نعمك التى لاتحصى
أبوسالم لك حبة مني على خشمك وعلى راسك
دمت بألف خير

[راعي العجراء]

خن بط
اول مره اعرف معناها
من اول حسبتها كلمة فرنسيه
لابغوا يدعون على بعض بالفرنسي
يقولون خن بط
مثل قول رح يامل الساحق
او يامل النفره
واخرتها هذا معناها لغه عاميه نجديه
اشكرك يابو سالم على هذه المعلومه الطيبه
وعلى هذه القصه المحبوكه
ياولد منتب بسيط
تحيتي لشخصك

[عاصفة عروى]

وعليكم السلام ورحمه الله وبركاته
حي الله الغالي النبهاني قبل نسمع بالمثل ولا أعرف معناه أم الحين عرفته
يعطيك ألف عافية على توضيح المثل

[الدافور 1430]

وعليكم السلام ورحمه الله وبركاته

يعطيك ألف عافية على توضيح المثل

[النبهاني]

هههههههههه سبحان الله دايم اسمع عن خن بط ولاعرفتها غير هل الحين



اخي الكريم يعلم الله بأن الوالد كان من الذينا يجمعون الخبط ويبيعونه قبل اكثر من 80عام الله يرحمه واموات المسلمين


كل الشكر لك على القصه وتوضيح وتقبل احترامي
يعلم الله ذكرتني بأالشيب يوم يروي لنا قصص المراره من الجوع الذي عاشره في ذاك الوقت

كثر الله من امثالك والى توفيق الله




هلا وغلا بعطيب الضرايب
وتصدق اني توي ادري ان خن بط مشهوره
بالعكس الشكر لله ثم لك ولردك الجميل
والله وقت مضى لاباءنا واللي قبلهم مدري سبحان الله وشلون عبروه وتاقلم معه الله يجعلهم بالجنه
الله يرحم والدك وامواتنا واموات المسلمين
دمت موفقا محفوظاً من المولى

[خوي مخباته]

هلاوغلا ببوســـــــــــــالم " النبــــــــــهانـــــــــــــــي " والله على ماقالو الى سبقون بالرد اثاريك منت سهل يابوســــــــالم
اثاريـــــــــك .....قاموس ... اثاريـــــــــــك ....... مرجع ...........اثاريــــــــــــــــك........... ارشيف
للسوالف الطيبه ولاكن تحريبها وانت راعيها تصدق والله اول مره اعرف ســــــــالفتها كلك بركه وعلومك زينــــــه
......... وتحيات من عندي اليا عندك على قولت { خن , بط }
مشكووووووووووووووووووووووووووووووووووووووووووووووو رر.... يابو ســـــــــــــــــــالم

[النبهاني]

حياك ربي اخوي النبهاني

الله يسعدك صباح ومساء اللهم آمين
الطمع شين و إن شاء الله هذي نهاية كل طماع
سالفه جميله فيها حكمه وموعظه وعبره لكل من لايرضى بمايقسم
السالفه هذي تشبه اوضاعنا الان بكل مكان تلاقي سعر مختلف والنوع والمصدر واحد
الله يرحمنا برحمته ويعين اللي مثل هالتاجر على نفسه
مشكور اخوي على ذكر أسم خن بط وتعريفنا عليه
دمت بحفظ الله ورعايته
تحياتي.اختك

..قوافي..




الله يحيك اختي قوافي
ومثل ما تفضلتي الطمع مجبول عليه ابن آدم
بس هالوقت بشكل يهول وطمّاع هالوقت بطنه هوله وهذا اللي دمرنا
ودي كل طماع يحطون منطاد ماهو بالونه بوسط كرشه
والا يسوى له عمليه يشلون ثلاث ارباع المعده
على شان الناس تعيش
الله لايقطعنا من رحمته
مشكوره اختي

[النبهاني]

وعليكم السلام ورحمة الله وبركاته


يالله ان تحيي حبيبنا النبهاني
والله يسعد مساك وصباحك بكل خير
ايو الله اسمع بها المثل او الجمله (خن بط) ولا كنت ادري عن مصدرها الا الان ، يا حول ياها المسكين فقد عقله من الخسارة الي جته ، الطمع الزايد وما يسوي ( من الطمع ظيع ما جمع ).
تسلم اخوي على القصة الطيبة والسرد الاجمل.
دمت بخير يا غالي.




ياهلا والله بهالطله ويامرحباك يابو اسامه
طبت وطيب الله فالك يالنشمي
فعلا والله يابو اسامه مادريت ان خن بط مشهوره
وسألت عنه كبار السن قالوا قديمه شوي احسب انه سنة الهدم واثره فوق ثمانين سنه
هذا الطمع خلاه يخن ويبط
اشكرك يابو اسامه على حضورك اللي يسر
دمت بحفظ المولى

[ام الايتام]

وعليكم السلام ورحمة الله وبركاته

قصه رائعه

وسرد اروع

الله يكفنا شر الطمع والله يمهل ولايهمل

الله يعطيك العافيه اخوي


الف شكر دمت بخير

[محمد الظاهري]

ياهلا وياغلا بالنبهاني
نعرف الكلمه خن بط
ولكن ما نعرف سالفتها إلا من سردك الرائع ياغالي
دائماً مبدع وتبدع
تحياتي لك
محبك

[النبهاني]

وعليكم السلام ورحمة الله وبركاته

والله يسعد جميع أوقاتك
وصدق من قال
الطمع يذهب ماجمع
ومعلومة جديدة تسجل لك يالغالي
طول عمري أسمع بهالكلمة و أول مرة أعرف معناه
لا وكنا نسمعه ونقوله غلط
خـــــــــــــــــــــــم بــــــــــــــــــــــــط
وهاللحين عرفنا إنه
خــــــــــــــــــــــن بـــــــــــــــــــــــــط
وياربي لك الحمد على نعمك التى لاتحصى
أبوسالم لك حبة مني على خشمك وعلى راسك

دمت بألف خير




ابو علي ياهلا وغلا والله
يا ربي انك تحيوه وتسلمه
الله يكفينا واياك وكل مسلم شر الطمع
ولك مني مطخه على الخشم ولك مني نشّه على الجبهه
أشكرك جزيل الشكر على حضورك يا خيي
دمت بهناء وسعاده

[النبهاني]

خن بط

اول مره اعرف معناها
من اول حسبتها كلمة فرنسيه
لابغوا يدعون على بعض بالفرنسي
يقولون خن بط
مثل قول رح يامل الساحق
او يامل النفره
واخرتها هذا معناها لغه عاميه نجديه
اشكرك يابو سالم على هذه المعلومه الطيبه
وعلى هذه القصه المحبوكه
ياولد منتب بسيط

تحيتي لشخصك



ياهلا وغلا براعي العجراء
فعلا ترا اصل خن بط اسباني واللي نقله لنجد بطه مرت من فوق نجد وبطت الخن بط ونبتت وتكاثرت
الا بسيط النبهاني ياراعي العجراء ويسبح باطار البساطه عسى الله يتم عليه
يعطيك العوفيه اخيي ويخليك ربي

[النبهاني]

وعليكم السلام ورحمه الله وبركاته

حي الله الغالي النبهاني قبل نسمع بالمثل ولا أعرف معناه أم الحين عرفته

يعطيك ألف عافية على توضيح المثل




هلا ومرحبا براعي عروى
حياك الله ومشكور على حضورك
والله يجمل حالك
دمت بخير

[النبهاني]

وعليكم السلام ورحمه الله وبركاته

يعطيك ألف عافية على توضيح المثل



يا مرحبا الف بالدافور
بيض الله وجهك عى حضورك
ويعافيك ربي
دمت بالف خير

[مكرم الضيف]

جزاك الله خير على القصه وهي تصديق للمثل اللي يقول

الطمع فرق ماجمع

تقبل تحياتي

[النبهاني]

هلاوغلا ببوســـــــــــــالم " النبــــــــــهانـــــــــــــــي " والله على ماقالو الى سبقون بالرد اثاريك منت سهل يابوســــــــالم

اثاريـــــــــك .....قاموس ... اثاريـــــــــــك ....... مرجع ...........اثاريــــــــــــــــك........... ارشيف
للسوالف الطيبه ولاكن تحريبها وانت راعيها تصدق والله اول مره اعرف ســــــــالفتها كلك بركه وعلومك زينــــــه
......... وتحيات من عندي اليا عندك على قولت { خن , بط }

مشكووووووووووووووووووووووووووووووووووووووووووووووو رر.... يابو ســـــــــــــــــــالم




خوي مخباته هلا والله ومسهلا
والحمد لله على السلامه فقدناك مده واللي مثلك يفقد عسى ما نفقدك بشر
الا وانا اخوك سهل وابسط من السهل
وسوالف الاولين والله اني احبه واعشق حياتهم البسيطه
ياخي احداث حياتهم كله سوالف زينه ماهي مثل احداث حياتنا كان هنا احداث
عزا الله ان حياتنا مالغه ولا به ملح طبعا هذي نظرتي الشخصيه
الف شكر لك اخوي والله يحفظك ومن تحب

[النبهاني]

وعليكم السلام ورحمة الله وبركاته

قصه رائعه

وسرد اروع

الله يكفنا شر الطمع والله يمهل ولايهمل

الله يعطيك العافيه اخوي


الف شكر دمت بخير



اهلا باختي ام الايتام
الرائع والأروع حضورك اللي يسر
عافاك الله والله يجزاك خير وآمين الله يكفينا شر الطمع
بالعكس الشكر لك ولمرورك العطر
دمتي بحفظ الله

[النبهاني]

ياهلا وياغلا بالنبهاني

نعرف الكلمه خن بط
ولكن ما نعرف سالفتها إلا من سردك الرائع ياغالي
دائماً مبدع وتبدع
تحياتي لك

محبك




هلا بالطش والرش هلا بحبيب الكل
حبيبنا مشرفنا العزيز الظاهري
الله يجزاك خير ياخوي والحمد لله اني وضحت معناه
الابداع منك نستسقيه يامبدع ويارائع
ولك مني أجمل تحيه واجل تقدير
حفظك المولى

[النبهاني]

جزاك الله خير على القصه وهي تصديق للمثل اللي يقول



الطمع فرق ماجمع



تقبل تحياتي




هلا وغلا يا مكرم الضيف
فعلا مثل ما تفضلت وعز الله انه انطبق عليه
مشكور اخوي على حضورك المشرف
دمت برعايه الله

[النبهاني]

(الحمد لله قضيت من حل الواجب)

[سليمان الربيعان]

الطمع شين والواحد يقتنع برزقه ولا يفكر بعدين
تقبل تحياتي...

[ابو صفوق]

(الحمد لله قضيت من حل الواجب)


ههههههههه لا باقي يالنبهاني انا وابن ربيعان والنشاما اللي عقب وين قضيت هههههههههههههه ريض ريض
جزاك الله خير على تعريفنا وش معنى المثل اول مره اسمع به
لا تأخر ولا تبطي أخذك خيمة الالغاز عنا وما يلامون فيك والنعم والسبعة انعام يابو سالم
ابو صفوق الثنيان

[النبهاني]

الطمع شين والواحد يقتنع برزقه ولا يفكر بعدين


تقبل تحياتي...




حياك الله يابو ربيعان
صدقت الطمع شين والقناعه زينه
لكن وين اللي يقنع هالحين
اشكرك اخوي سليمان والله يحفظك

[النبهاني]

ههههههههه لا باقي يالنبهاني انا وابن ربيعان والنشاما اللي عقب وين قضيت هههههههههههههه ريض ريض

جزاك الله خير على تعريفنا وش معنى المثل اول مره اسمع به
لا تأخر ولا تبطي أخذك خيمة الالغاز عنا وما يلامون فيك والنعم والسبعة انعام يابو سالم

ابو صفوق الثنيان




هلا وغلا بابو صفوق
يالله حي اخوي والله ونعم بك وببو ربيعان وبالجميع
لا والله ماهو انتم اللي يخلى
وخيمة الالغاز جيراننا وبه نشاما مثلك وشرواك اللي بهالخيمه
يابو صفوق الردود تطري علي واجب المدرسه منول
وانا ما اداني واجب المدرسه
اشكرك يابو صفوق والله يحفظك

[Al3rands]

ياشين الطمع ومشكوووووووور يا خوي

[النبهاني]

ياشين الطمع ومشكوووووووور يا خوي


حياك الله يا خوي al3rands
صدقت الطمع شين بس ابن آدم مجبول عليه من بد خلق الله
الشكر لك على حضورك الجميل
حفظك الله