نبي لنا ثلاجة (تبريد+تجميد) بحجم ثلاجات التبريد هل يوجد؟ أرجو السماعدة

[حامل السيف]

السلام عليكم ورحمة الله وبركاته

عندي موتري بالغماره بين المقعدين فراغ وابي استغل الفراغ بثلاجة (تبريد+تجميد)

المشكلة التبريد يبيله نص ساعة على ما تبرد وتبريده مهوب ذاك الزود
فلذالك مالقيت إلا إحجام كبيره


تم زيارة العليان والسندي بحكم انه صار وكيل ويكو ولكن للأسف لم أجد مبتغاي


يفضل الجم بين 10 لتر إلى 18لتر كحد أقصى

[ابوصالح77]

هلا بك يالعزيز
موجود عند السنيدي
مقاس ١١ و مقاس ١٨
أخذت منه مقاس ١٨
بالتوفيق

[حامل السيف]

البارحه جيته ماعنده تجميد وتبريد مقاس 11 و 18

[خليل الغبي]

شف اسال عن ورشة ذئاب الصحراء في صناعية الدائري بتلقا اللي تبية لو تبي بطاريات اضافية شغل علا كيفك

[الخولاني]

امس راح ولد عمي السنيدي اللي بالدايري واشترى 11 لتر تجميد وتبريد موديلها CDF-11

اتوقع العامل ما عرف يشرح لك

[مركز حراره]

عندي للك 18 لتر ويكو مستعمله استعمال خفيف جد موجود كرتونه وضمانه كل اغراضه وممتازه فرار عادي اذابغيته ارسل على الخاص

[ahma1]

لا استطيع ارسال رسالة على الخاص ولكن انا لي بالثلاجة اذا انها نظيفه وهذا جوالي بعد اذن الادارة 0596107526

[غيث داورد]

موجوده عند السنيدي 11بسعر 1680شريتها قبل يومين

[الخولاني]

كل الثلاجات يوم تشبكها وليكن مثلا الظهر راح تكون درجة الحرارة 25 بداخل الثلاجة وراح تاخذ لها حوالي ساعة ونصف حتى توصل لدرجة التجمد ولكن لو مثلا قبل تروح مشوارك تحط الاغراض وهي باردة فراح هذا يسرع عملية التبريد يمكن توصل للتجمد خلال 45 دقيقة

طبعا الكلام هذا من تجربه مع ويكو مع ربطها مباشرة بولاعة السيارة و ولا اعلم عندما يكون لها بطارية خاصه مستقله هل ذلك سيجعل تبريدها افضل ام لا

اتمنى يفيدونا الاخوان