استفسار عن ام سيلان

[هايلكس 1994]

اخواني انا ابي اشري ام سيلان ماصورته 36 واب اسأل هل ام سيلان لاكسرته تطلع الفشقة هي ولا تطلعه انت
وهل قوة ندف ال36 اقوى من ال32
ضروري الله لا يهينكم

[قلايد الخيل]

انا ماجربت ال36 بس 32 ندحته خفيفه عادي
وعلى حسب النتاش اذا كان جديد يطلع الطلقه ويرميها متر والى مترين واذا قديم يمكن بس يطلعه من السبطانه بشوي

[ابوماجد-1]

هلا اخوي لارميت وكسرتها

تسحب الفارغ بيدك لانها ماتذب الفارغ

وبالنسبه لندف جميع الشوازل ام طلقه ((الكسر)) تندفع

ومعروف كل ما ارتفع الضغط زاد قوة الندف والفرق بسيط بين ال32 وال36 بالندف

وربي يوفقك

[أبو معاذ 2006]

أخي : هايلكس هلابك

وبالنسبه لأم سيلان 36 انش هي شيخة البواريد وطيبه

وهي تحذف الفارغ اذا كان ناتوشها قوي وطيب فهي تحذفه مترين وراها , وكلما ضعفت

السسته حقة الناتوش قل حذفه واذا صارت السسته ضعيفه لازم بيدك ,,, وهكذا

وأما عن الندف : كل الشوازن ام طلق تندف لكن 36 اكبر من 32 ولكن اذا كنت ترمي كثير الله يعين كتفك ,

:
:

أتمنى أني فدتك بمعلوماتي اللي من واقع تجربتي بأم سيلان .

والله يبارك لك فيها ولا تنقل بها الدم الثقيل .

[المنصف999]

عموما ام حبه استخدامها متعب عليك بالتماتيك والله يوفقك

[شرق المغيب]

طيبه ام سيلان اسأل مجرب وكل مازاد ضغط الفشق زاد الندف ولو ان البواريد تختلف فيه وحده عندي ماتعرف الندف

[س ل ط ا ن sul]

ام سيلان من أفضل الشوازن ع الاطلاق من واقع تجربة سوق وحرارة رمي ومشكلة الندف حلوها الجماعة فيه ربله امريكي حطها في عقب البندق وادعلي طبعا هذي الربلة لين بالحيل والله ما تحس بالندف كأنك ترمي بخرازة هالكلام عن تجربة

[ك ن ق 222]

اخوي ام سيلان ميختلف عليها أثنين من ناحية الطيب ام النتف محلول بلستيك(كرسي مطاط) موجود عند محلات الرمايه والسنيدي والرميح اما من ناحية السوق الفضل 36 محد يسوق زيها (استفنز)امريكيه ويجي على الماصور من عند المفلك سبعه شخوط تجيلها طول شبر اما الزين منها الي تكون الشخوط على امتداد المصوره من فوق وترا فيه شبه بين الأنجلزيه أم سبع ابر والأمريكيه أم سع ابر تفرق عن الأمريكيه بئن الظراب (الديك) يكون خلف اصبع المفلك