ارتفاع الحرارة مع تشغيل المكيف

[الشوامس]

السلام عليكم اخواني مهندسين السيارات في منتدى مكشات

سيارتي لكزس ال اس 400 موديل 1995 وارد امريكي ..

من فترة حطيت غاز للمكيف ولكن كل ما اشغل المكيف الحرارة ترتفع ارتفاع ملحوظ واذا نزلت المكسف ومشيت خط بالسيارة تنزل الحرارة .. شيكت على المراوح شغالة 100% شيكت على ماء الرديتر لا ينقص ابدا .. ماهي المشكلة اخواني ؟؟ مع العلم من تقريبا 4 اشهر غيرت بايب الرديتر ووجه الرديتر وانحلت المشكلة لفترة ورجعت مرة اخرى ولكن من 3 اشهر كانت الحرارة ترتفع من دون تشغيل المكيف .. ارجو الفايدة يا اخوان

السلام عليكم

[الشوامس]

اذا طفيت المكيف ترجع الحرارة تمام ولكن يجب سحب خط فيها ..

[haertlove2010]

اقرب مالها والله اعلم حساس المراوح يتاخر مايشتغل
او مراوح المكيف وحدة فيهم متعطلة او احد الريش في المروحة منكسر
او بلف الحرارة يقفل من زمان ماغيرته

[كاشت وحداني]

الاحتمال الاول ان بلف الحراره قديم او يتاخر في الفتح
شيك عليه

[جمس_454_97]

الواضح من كلامك انه فيه نقص هواء على المكينه والدليل انك لمن تمسك خط تنزل الحراره
انصحك تشيك على تماتيك المروحه ولا تنسى المراوح الكهربائيه ممكن مجيمه
مشكلتك يالغالي بالمراوح تأكد منها
وعلى فكره تماتيك المروحه مرات يخرب ولمن تحركه تحس انه ثقيل لكن لمن تفره كذا مره يخف ويصير زي الريشه وهذي صارت لي
لكن اذا كان الحراره ترتفع معاك بس مع تشغيل المكيف عليك تشيك على مروحة المكيف ممكن ماتشتغل
او ممكن حساس المراوح خربان ولا يعطيها امر تشتغل عند ارتفاع الحراره

[يالبى الهلا]

شيك على دائرة التبريد من مروحة الى بلف الى خراطيش الماء ولافضل تغييرهن

[الشوامس]

ما تقصرو يالغوالي على الردود الطيبة .. انا شيكت على المروحة الكبيرة حقت المكينة شغالة تمام الحمدلله والمراوح الصغار حقت المكيف كانت وحدة مب شغالة وغيرتها وصارو مروحتين يلفو مع تشغيل المكيف .. اذا المراوح تمام

[مركز حراره]

الرديتر حق الامريكيه يجي صغير ركب حق سعوديه تلاحط الفرق