فزعتكم يالرجال

[حي الروضه]

السلام عليكم ,,, تكفون فزعتكم ياشباب المنتدى انسرقت سيارتي دم دم دم قلبي امس وقسم بالله مانمت ولا زوجتي وحالتي حاله لي سنين وانا اجمع واقسط وحالتي حاله اول مره بحياتي اشتري سياره جديده وانسرقت قدام عيني
سيارتي لومينا اخت الجديده بيضاء موديل 2008 ومن داخل رمادي حروف اللوحه ب ا ب
نزلت للصراف بالروضه اجيب لي 200 ريال ابعطيه مغسله وانسرقت سيارتي وهي تشتغل ,,, تكفون ياجماعه دبروه لي والله مابي من راعيه ولا شي ابيه بس يوقفه عند بيتي ولا بمكان ويدق علي ولا يرسل رساله وابدعي له وزوجتي,, مارحت للدوام وولدي ماراح للمدرسه وحالتي حاله ,,


تكفون ياجماعة الربع يمكن تعرفونه ولا تشوفون السياره والله مابي منه شي بس يوقفه ومسامحه وبدعي له والله مايبقى من راتبي الا 1800 ريال اصرف على زوجتي وعيالي والباقي يروح ايجار واقساط للسياره ابحط ايميلي وتكفون يا إدارة المنتدى اسمحو لي بس ابي فزعه
anas3090@gmail.com


وألف شكر والله يفرج كربكم ويفتح عليكم ابواب رزقه

[ابو عزام الشمالي]

الله يعقلها لك اناشاء الله

[فرخ قطا]

الله يرده لك سالمه غانمه

[عواد الشمري2]

لحول ولا قوت الا بالله الله يصبرك ويعينكويعقله عليك هذا الي اقوله
صراحه كلامك يكسر الخاطر

[خ م خ م]

نصيحه كم يوم وراجع حجز لبن لعلك تجدها باذن الله

[انا عتيبي]

1- الله يصبرك لعله يكون ابتلاء من الله يختبر صبرك فيه
2- وين انسرقت اسم المدينة
3- بلغ الشرطه
4- الي يخاف على ممتلكاته لا عاد يتركها بدون مراقبه
5- الله يحفظ لك ولدك

[حي الروضه]

الله يجزاكم خير علي الدعوات
انسرقت بحي الروضه شرق الرياض

[مطارد عنيد]

أسأل الله الحي القيوم الذي لا تأخذه سنة ولا نوم أن يرد عليك سيارتك لا ينقص منها شيئا

أخي عليك بالدعاء في الثلث الأخير من الليل وبإذن سوف تعود لك سيارتك

[عناز الحره]

لعنة الله على اللى سرقهاااا
والله يردهااا يالغالى

[حي الروضه]

امييييييييييييييييين لليوم لاحس ولاخبر
حسبي الله ونعم الوكيل

[وجه النهار]

اسأل الله الكريم أن يرد لك ضالتك
حسبي الله ونعم الوكيل
الشكوى لله عز وجل
فعلاً .... (من أمن العقوبة أساء الأدب)

[الدافور 1430]

اسأل الله الكريم باسمه الأعظم الذي إذا دي به أجاب أن يرد لك ضالتك
حسبنا الله ونعم الوكيل في هالحرمية

[قافط الحراميه]

معلوماااااااااااااااات اكثر عن السياره صدمه حكه كسر في الاصطب اي شي مكان السرقه بالضبط لاننا هليام شغالين بدال الدوريات طال عمرهم

[hightech]

معلوماااااااااااااااات اكثر عن السياره صدمه حكه كسر في الاصطب اي شي مكان السرقه بالضبط لاننا هليام شغالين بدال الدوريات طال عمرهم


صادق الاخ قافط الحرامية

الاخ قافط الحرامية حط عينك على فان طويل احمر او عنابي مظلل رقم اللوحة 4277

سرق خدامتي الله يجيبه مابي الخدامة ابي سواق الفان

السيارة من الفانات الجديدية واذا انت تبحث عن شي عطني المواصفات يابعدي

[قافط الحراميه]

صادق الاخ قافط الحرامية

الاخ قافط الحرامية حط عينك على فان طويل احمر او عنابي مظلل رقم اللوحة 4277

سرق خدامتي الله يجيبه مابي الخدامة ابي سواق الفان

السيارة من الفانات الجديدية واذا انت تبحث عن شي عطني المواصفات يابعدي

اذا متاكد من رقم الوحه ان شاء الله اني قافطه بس وين سارق الخدامه منه

[صيد الرس]

الله يعقلها لك اناشاء الله

[ع العمرو]

الله يردلك موترك ويعقله عليك والله اني ضاق صدري لك بس الصبر واكثر من قول لاحولا ولاقوة الابالله.

[حي الروضه]

لاحول ولاقوة الا بالله العلي العظيم

[أبوسليمان السهر]

أكثر من قول (لا إله إلا أنت سبحانك إني كنت من الظالمين)
وأبشر بحول الله بالفرج

[حي الروضه]

اللهم لك الحمد حتى ترضى ولك الحمد إذا رضيت ولك الحمد بعد الرِّضـا (http://www.lakii.com/vb/a-5/a-434100/)
وجدت سيارتي واشكركم علي دعاويكم الله لايحرمكم الاجر