سالفة:تيس الأصدقاء..قوافي

[قوافي ( أم نهار )]

السلام عليكم ورحمة الله وبركاته
حياالله مشرفينا الكرام
ويا مرحبا بأخواني وأخواتي المكشاتيه
وياهلا بزوار خيمتنا الغاليه
الصداقه احيانن تصل بك إلى ان يكون صديقك بمكانة اخوك
<<رب أخٍ لك لم تلده أمك>>ومهما صار بينهم لا تصل لحد القطيعه إلا ما شاء الله..
كان فيه مجموعه من الاصدقاء كلهم راكدين يتجمعون بمكان يسمى براحه وهي قطعة ارض وسط البيوت لكن لم تبنى ويجلسون فيها يتسامرون ويطبخون وسواليف لين يقولون بس:s
هم سته تقريباً على عمر 15 و16 و17
وقعدو يسولفون متى يعرسون ووش بيسون لبيوتهم وعيالهم وحريمهم ولين فيهم واحد شين شين مره مره:(:( قالوه واحد منهم وذا عاد مزيون: من اللي تبيك انت وخشك !! قال أنا؟؟
قالوه ايه كلك عذاريب من راسك لساسك وقاموالعيال يتعيرون هم من باب المزح: اللي يقوله وجهك منتفش تقل بالع خميره بكم بودر واللي يقوله تسنك بطريق وانت تمشي واللي يقوله رجليك تقل مساحيت غبهن لاجيت تخطب..
رفيقهم زعل وقال لهم ماهقيته منكم هذا وحنا اصدقاء !! قالو له عشان حنا اصدقاء ما حناب غاشينك وقلنا لك الصدق لا تزعل :mad:
الولد بلعه وهو حاز بخاطره ما قالو ويوم جا من بكره وهو بثالث متوسط وهم بالطلعه شافوه واحد من عيال الصف والولد ذا راعي مضاربات ومهايطي :D قالوه وشبك واخينا بالله على طول حتسى كل اللي صار امس وانه زعلان ان هذا رايهم به :f
رد عليه المهايطي انا بوريك فيهم بس توافقن ؟؟ قالوه انا معك والله اني زعل وما عرفت انام:(:(
قالوه:خلاص اعزمهم على كبسة تيس بالبراحه وما عليك من الباقي ..قال وشلون انا زعلان وتقول اعزمهم ؟؟قال المهايطي يابن الحلال انا بعلمهم وشلون يشوفون انك من الحين رجال ومنتب بحاجة رايهم..
راح الولد لخوياه وعزمهم وذولا فرحو كبسة تيس من يحصله :)
راح المهايطي لمكان يسمى بهاك الوقت مخربه وهي ارض فاضيه يجدعون به اهل الحي زبايلهم وهالكلام قبل يصير فيه براميل للنفيات اعزكم الله ولقالوه هاك الجريو الصغير <كلب صغير> اعزكم الله وذبحوه بنفس المخربه وصلخوه وحطه بكيس وراح لبيتهم وجب قدر وصلصه ومحتاجات الطبخ من رز وسمن ..ألخ
وابدا بالطبخ قبل يجون ويشوفون ابو لحم ازرق ويوم جو لين العشا والم وقال المهايطي انتبه تاكل معهم وبعدين اعلمك :D:D وذا ما يدري انه بيعشي اصدقاه كلب..
نتسب العشا وقعدو الشباب والريحه ياسلام :ورى ماتقعد يقول اكلت وانا اطبخ والثاني مثل ..يوم قضو واكرمك الله ..اكرمك الله رد المهايطي:) وآخر واحد يغسل جاز لكم:D قالو :تمام شي بالراس قال: ترا تيسنا جرو من جراوة المخربه وشلون وليه وعيب واللي حط اصبعه بافمه واللي نكس يغسل خشته من جديد وقالهم هذا رد فلان عليكم
قالو هماك كملت سهرك ما قلت انك زعلت ؟؟
الشباب زعلو وبعدو عنه ولين قرب منهم تركوه ومشو ..ضاق صدره وصار يكلم نفسه هذولا عشرة عمر من يوم حنا صغار ودلا يتذكر مواقفهم مع بعض وروحاتهم وجياتهم وهروبهم من المدرسه جميع والفلكه جميع لانهم ما يفتنون على بعضهم ..جا ونشد مدرس عنده بالمدرسه قاله: بصلاة الجمعه قل اللي صار قدام المصلين واعتذر واعزمهم بصدق لو على فنجال قهوه
قبلو عذره وحلف انه ما عاد يعيده ويدخل احد بينهم وعقب العشا تجمعو ببراحتهم يسولفون عن اللي صار ويضحكون..
تحياتي
اختكم
..قوافي..

[أبوتركي ومحمد]

وعليكم السلام ورحمة الله وبركاته
الصداقة أصبحت أختي الكريمة من المعادن الثمينة النادرة في هذا الزمنhttp://up.albrari.com/uploads/13155703471.gif

[مكرم الضيف]

شكرا لك على هالسالفه الزينه وطعم الجرو ماينسونه ويكبرون ويعلمون عيالهم.

وهو مقلبهم مقلب يتأدبون بعده

تقبلي تحياتي

[ام الايتام]

يا حليلهم

هم زودوها بس هو وراهم شغلهم :D

معذورين صغار :p

والاصدقاء لاغنا عنهم بس هالله هالله بالصديق اللي لايغلط عليك ولا يرضى بالغلط عليك ولا يرضى انك اتغلط اي غلطه ينصح ويعين ويعاون:good2:



والدنيا من غير ناس ما تنداس

مشكوره اختي قوافي سالفه جميله

دمت بود

[قوافي ( أم نهار )]

وعليكم السلام ورحمة الله وبركاته




الصداقة أصبحت أختي الكريمة من المعادن الثمينة النادرة في هذا الزمنhttp://up.albrari.com/uploads/13155703471.gif



حياك الله اخوي
الصداقه موجوده لكن ماعاد صارت مثل اول معظم الناس اصدقاء.. الحين الصديق واحد او اثنين والباقي كمالت عدد..
اشكرك لمرورك وحضورك
تحياتي.اختك
..قوافي..

[ابو صفوق]

عليكم السلام ورحمة الله
حيا الله صاحبة القلم الرفيع والفكر البديع
خبرتس الشياب يتغدون عقب صلاة الظهروأنا أتغدى قلت خن اشوف بنتي قوافي وش كاتبه لنا اليوم وقعدت اقراء لين وصلت لذبحة الكلب وبنفس الوقت اعلك لحمة غداي يوم مدري وش صارههههههههههههههههههه عجزت ابلع لقمتي
سالفه ممتازه وفيه واحد من جماعتنا قد سواها بس بمدرس قاهره ولين الحين ما يدري
ههههههههه وشلون بالع خميره بكم بودر خليت ام صفوق تشرحلي وفهمت بعد عناء
الله يزيدك من نعيمه ويحفظك من الشر
مشكوره
ابو صفوق الثنيان

[تبرق وترعد]

iiiiiiiiiiiiiiiiiهههههههههههههههه شكلي بسويها مشكورة

[قوافي ( أم نهار )]

شكرا لك على هالسالفه الزينه وطعم الجرو ماينسونه ويكبرون ويعلمون عيالهم.



وهو مقلبهم مقلب يتأدبون بعده



تقبلي تحياتي



حياك ربي اخوي
العفو انا من يشكر حضورك الكريم وردك الجميل
ما أضن بينسونه العمر كله واضن سالفتهم بتصير من ضمن الورث:D
تحياتي لشخصك الكريم
تحياتي
..قوافي..

[عطيب ومايغيب]

شكسبير قوافي
انا
من
طبعي
عند
ماقراء قصه
احاول
اتخيل
القصه
توصيفك
للبرحه
ادخلني
في
ذوق ووصف وكاني معهم
يقال ونا معندي خبر
بأن
الجرو هههه طعمه مثل الهرفي خخخ
كل
الشكر
ولاتبطين
علينا
بلقصص الاكثر من رااااائعه

[ناصر العلي]

وعليكم السلام ورحمة الله وبركاته
والله يحييك أخيه
والله لايضرك على هالنشاط
وبالصراحة خوش سالفة
عرف يؤدبهم هالمهايطي
بس ماكان فيه طريقه أحسن من كبسة هالجري
رحمتهم
أتخيلهم وهم يمزمزون بعضيمات هالتيس:D:good2:..أقصد..هالجري
دمت بخير

[قوافي ( أم نهار )]

يا حليلهم

هم زودوها بس هو وراهم شغلهم :D

معذورين صغار :p

والاصدقاء لاغنا عنهم بس هالله هالله بالصديق اللي لايغلط عليك ولا يرضى بالغلط عليك ولا يرضى انك اتغلط اي غلطه ينصح ويعين ويعاون:good2:



والدنيا من غير ناس ما تنداس

مشكوره اختي قوافي سالفه جميله

دمت بود

حياك ربي اختي
الصداقه هي العنصر المفقود بهذا الزمن إلا ما شاء الله وهذا لايعني انها غير موجوده هي قلة عن زمان وهذي باعتقادي ان لها أسباب..
والعلم عند الله عن اسبابها لأن فيه مانعلمه وفيه مانجهله
مشكوره اختي لمرورك وحضورك الكريم
تحياتي.اختك
..قوافي..

[قوافي ( أم نهار )]

عليكم السلام ورحمة الله
حيا الله صاحبة القلم الرفيع والفكر البديع
خبرتس الشياب يتغدون عقب صلاة الظهروأنا أتغدى قلت خن اشوف بنتي قوافي وش كاتبه لنا اليوم وقعدت اقراء لين وصلت لذبحة الكلب وبنفس الوقت اعلك لحمة غداي يوم مدري وش صارههههههههههههههههههه عجزت ابلع لقمتي
سالفه ممتازه وفيه واحد من جماعتنا قد سواها بس بمدرس قاهره ولين الحين ما يدري
ههههههههه وشلون بالع خميره بكم بودر خليت ام صفوق تشرحلي وفهمت بعد عناء
الله يزيدك من نعيمه ويحفظك من الشر
مشكوره
ابو صفوق الثنيان

حياك الله وابقاك ياعم ابو صفوق
اعتذر عن اني كدرت عليك غداك وثاني مره تغد أول واقدم اعتذار مره ثانيه:):):)..
الله يرفع قدرك بين امة محمد ويطول بعمرك..
لي الشرف ان تصفني بابنتي ..
اجل المهايطي مهوب اول واحد يعشي بتيس<جرو>
يقصدون بالبكم بودر ان وجهه منتفخ يمكن انه وزنه زايد ومئثر على الوجه منتفش..
الله يحييك نورت السالفه بحضورك وياهلابك
..قوافي..

[جزاء الشمري]

يعطيك العافية قوافي

[قوافي ( أم نهار )]

iiiiiiiiiiiiiiiiiهههههههههههههههه شكلي بسويها مشكورة

حياك الله اخوي
وسع الله صدرك صباح ومساء وإن شاء الله دوم
لا لا :D:D اللهم أني بريئه ما قلت شي ولا كتبت شي:D:D
اسعدني مرورك وحضورك
تحياتي.اختك
..قوافي..

[قوافي ( أم نهار )]

شكسبير قوافي

انا
من
طبعي
عند
ماقراء قصه
احاول
اتخيل
القصه
توصيفك
للبرحه
ادخلني
في
ذوق ووصف وكاني معهم
يقال ونا معندي خبر
بأن
الجرو هههه طعمه مثل الهرفي خخخ
كل
الشكر
ولاتبطين
علينا

بلقصص الاكثر من رااااائعه



حياك الله اخوي
شكسبير مره وحده يامعود هذي املاك خاصه همن ناخذ تهمة انتحال شخصيه :D:D
الله يرفع قدرك دنيا وآخره
يسعدني كثير سماع مثل هذا الكلام والحمد لله اولاً وأخيراً اللي انعم علي بنعمه من نعمه اللتي لاتعد ولا تحصى..
مثل الهرفي يمكن والله مادري
أنا من يشكرك على مرورك وحضورك الكريم وردك المميز
دمت بحفظ الله
تحياتي.اختك
..قوافي..

[الزعول]

اجل هالنشمي عشاهم
يدور الصلح مع ربوعه ياهو شقردي
والنهايه تيس جعر

[النبهاني]

وعليكم السلام ورحمة الله وبركاته
حيا الله قوافي
يالله اني دخيلك كيف يعشيهم جعري
لا ومتوصي بهم سافطن لهم هاللبني
كله على شان قولة شين أجل بعذر اللي يقول
الزين مثل الحياء متبوع = وان ما تلا الناس يتلونه
والشين مثل الدهر مقطوع = يمشون لين يتعدونه
يعطيك الف عافيه يا أخيه

[Al3rands]

ههههههههههههههه اما خويه ماطلع مهايطي الا سواها

[قوافي ( أم نهار )]

وعليكم السلام ورحمة الله وبركاته

والله يحييك أخيه
والله لايضرك على هالنشاط
وبالصراحة خوش سالفة
عرف يؤدبهم هالمهايطي
بس ماكان فيه طريقه أحسن من كبسة هالجري
رحمتهم
أتخيلهم وهم يمزمزون بعضيمات هالتيس:D:good2:..أقصد..هالجري

دمت بخير


حياك الله اخوي ناصر
الله يبقيك ويحفظك ويجزاك خير
الجري عند المهايطي شي ما حد يقدر يسويه شكله شايفها بطوله..
العظيمات واللحيمات كلهن راحن مع رزهن كبسه تمام التمام
اسعدني حضورك الكريم وردك الجميل
تحياتي لشخصك الكريم
اختك
..قوافي..

[قوافي ( أم نهار )]

يعطيك العافية قوافي


حياك ربي اخوي جزاء الشمري
الله يعافيك ويحفظك من الشر
سرني مرورك وحضورك وياهلابك
تحياتي لشخصك الكريم
اختك
..قوافي..

[قوافي ( أم نهار )]

اجل هالنشمي عشاهم
يدور الصلح مع ربوعه ياهو شقردي
والنهايه تيس جعر


حياك ربي اخوي
:D:D نشمي.. الله يعينهم على هالعشى:p:p
لوأنا مدري وش سويت يمكن باشرب قزايز زيت خروع الديره كلها ولا يبقى شي من هالعشى:):)
هذا صلح موشوش أمحق من صلح كله من المهايطي لكن الحمد لله.. <الصداقه اللي بينهم اصلحتهم وعفا الله عما سلف >
اسعدني حضورك ومرورك وردك الكريم ويا هلابك
تحياتي.اختك
..قوافي..

[عابر سبيل 1]

وعليكم السلام ورحمة الله وبركاته .
بارك الله فيك أختي قوافي وعافك ربي على هالسالفه ..
دمتي بخير ..

[سليمان الربيعان]

ههههههههه الشماته والمزح زين بين الاخوان والاخوياء بس بحدود ولا يزعلون
تقبلي تحياتي....

[الحرقوصي]

ههههههههههههههههههه
مزدي فيهم الجزاء من جنس العمل:cool: .....أجل كلكم علي تعذربون فيني لوه واحد كان تنبلع
سوات واحد بالديره ينكتون عليه وقم وعشهم فيران على انه جرابيع.....خخخخخخخخخخخخخخخخ
جعلي ما أقلط على هيك اكلات ..... قولو آمين

[نجم000الشمال]

وعليكم السلام ورحمة الله وبركاته
يا هلا بوخيتي قوافي ...انا ودي اعرف بس من وين تجيبين ها القصص الحلوة !
فيه بياع يسمى ( فرقنا) مدري تعرفينه ولا لا ، يدور على القرى ويبيع من كل شي يحتاجونه الناس ، يعني هو لوحده سوق متنقل !
وانتي ما شاء الله لا قوة الا بالله دائما تتحفينا بقصصك الجميلة والماتعة والمنوعة
انا اقترح انك تسوين كتاب ولا يفوتك معرض الكتاب السنة الجايه ان شاء الله.
انا ما تطرقة للموضوع لان توي متغدي و مزمزلي عظيمات .... :(

[alfaisal911]

ما شاء الله قصة متميزة

الله يعطيك العافية

ذكرتينا بمقالب كانت اكبر من خطيرة نسأل الله العفو والعافية للجميع

[قوافي ( أم نهار )]

وعليكم السلام ورحمة الله وبركاته

حيا الله قوافي
يالله اني دخيلك كيف يعشيهم جعري
لا ومتوصي بهم سافطن لهم هاللبني
كله على شان قولة شين أجل بعذر اللي يقول
الزين مثل الحياء متبوع = وان ما تلا الناس يتلونه
والشين مثل الدهر مقطوع = يمشون لين يتعدونه
يعطيك الف عافيه يا أخيه


ابقاك ربي اخوي والله يحييك
عشاهم اللي يحسب ان علاج المشاكل او سوء التفاهم بالقوه والاحتيال..
اللبني عشان يصير تيس صح وكبسه صح:D:D
ابيات جميله صح لسانك
اسعدني مرورك وحضورك الكريم
دمت بحفظ الله ورعايته
تحياتي.اختك
..قوافي..

[قوافي ( أم نهار )]

ههههههههههههههه اما خويه ماطلع مهايطي الا سواها


حياك ربي اخوي
:D:p:) عاد وأي سوات كبسة كلب اعزكم الله
مشكور لمرورك وحورك وياهلابك
تحياتي.اختك
..قوافي..

[قوافي ( أم نهار )]

وعليكم السلام ورحمة الله وبركاته .


بارك الله فيك أختي قوافي وعافك ربي على هالسالفه ..

دمتي بخير ..



حياك الله اخوي
الله يبارك بك ويعافيك على حضورك وردك الكريم
تحياتي.اختك
..قوافي..

[قوافي ( أم نهار )]

ههههههههه الشماته والمزح زين بين الاخوان والاخوياء بس بحدود ولا يزعلون


تقبلي تحياتي....



حياك الله اخوي
كلام صحيح كل شي بحدود من غير تخطي الخطوط الحمر
اشكرك لمرورك الكريم
تحياتي .اختك
..قوافي..

[قوافي ( أم نهار )]

ههههههههههههههههههه
مزدي فيهم الجزاء من جنس العمل:cool: .....أجل كلكم علي تعذربون فيني لوه واحد كان تنبلع
سوات واحد بالديره ينكتون عليه وقم وعشهم فيران على انه جرابيع.....خخخخخخخخخخخخخخخخ
جعلي ما أقلط على هيك اكلات ..... قولو آمين


حياك ربي اخوي الحرقوصي
:D الله يوسع صدرك بالعافيه..
هذي غلطه دفعو ثمنها بكبسة كلب:)
:D:D جرابيع :D:D اجل السالفه داء اجتماعي :D:D ياوالله النشبه يبيلنا ننتبه لا ناكل بس:):)
اللهم آمين لا انت ولاغيرك يقلط على هيك اكلات
اسعدني مرورك وحضورك الكريم وياهلابك
تحياتي.اختك
..قوافي..

[قوافي ( أم نهار )]

وعليكم السلام ورحمة الله وبركاته

يا هلا بوخيتي قوافي ...انا ودي اعرف بس من وين تجيبين ها القصص الحلوة !
فيه بياع يسمى ( فرقنا) مدري تعرفينه ولا لا ، يدور على القرى ويبيع من كل شي يحتاجونه الناس ، يعني هو لوحده سوق متنقل !
وانتي ما شاء الله لا قوة الا بالله دائما تتحفينا بقصصك الجميلة والماتعة والمنوعة
انا اقترح انك تسوين كتاب ولا يفوتك معرض الكتاب السنة الجايه ان شاء الله.

انا ما تطرقة للموضوع لان توي متغدي و مزمزلي عظيمات .... :(



حياك الله اخوي ابو اسامه
الله يحلي ايامك ويرفع قدرك
اجيبهم من سوالف الجيران والمعارف والاهل والاصدقاء ..
اعرف <فرقنا >كل ما مر شرينا منه مدري وشوله وحنا نروح للسوق بس كان احيانن يحل ازمه..
الله يجزاك خير والجمال والابداع عندك ماشاء الله تبارك الله ومانجي شي ببحر قلمك وابياتك الجميله..
فكرة كتاب مطروحه بس مدري وش يلزم هو لازم تصريح ولا لا لضمان الحقوق وما لقيت احد يفيدني ولا حتى وزارة الثقافه والاعلام اعطوني إيميل وقالو سجلي هنا ولا فتح أصلاً الإيميل ..
:D:D لاتصير مثل العم ابو صفوق عجز يكمل غداه يقراء السالفه وهو ياكل لحم وعجز يبلع :D:D
:):) بالعافيه إن شاء الله :):)
شرفني مرورك الكريم وردك الجميل وياهلابك
تحياتي.اختك
..قوافي..

[قوافي ( أم نهار )]

ما شاء الله قصة متميزة



الله يعطيك العافية



ذكرتينا بمقالب كانت اكبر من خطيرة نسأل الله العفو والعافية للجميع



حياك الله اخوي
الله يعافيك ويحفظك ربي
اللهم آمين
المقالب جميله بس من غير ضرر ولا ضِرار
اسعدني حضورك الكريم
تحياتي.اختك
..قوافي..

[وحيد قلاسكو]

يعطيك العافية على الابداع الله يحفظك وجميع المسلمين:good2:

[قوافي ( أم نهار )]

يعطيك العافية على الابداع الله يحفظك وجميع المسلمين:good2:


حياك ربي اخوي
الله يعافيك ويحفظك من الشر
الابداع بحضورك ومرورك وردك الكريم
اشكرك اخي الفاضل على تقديرك رفع الله قدرك
دمت بحفظ الله
تحياتي وتقديري واحترامي
اختك
..قوافي..

[النجم السراي]

الله يعطيك عافيه




تقبل تحياتي



اخوك النجم السراي

[قوافي ( أم نهار )]

الله يعطيك عافيه






تقبل تحياتي





اخوك النجم السراي



حياك ربي
الله يعافيك ويحفظك ربي من الشر
اشكرك لحضورك وردك الكريم
تحياتي وتقديري واحترامي
اختك
..قوافي..