المساعد الشخصي الرقمي

مشاهدة النسخة كاملة : أحسن ثلاجة = حافظة = ( ترمس ) لحفظ الثلج


فتى الوادي
22/04/2006, 07:17 PM
السلام عليكم

النية معقودة على شراء ( حافظة ) = ( ثلاجة ) = ( ترمس ) وذلك لحفظ الثلج والمشروبات الباردة ...

وحبيت أستفسر ممن لديه الخبرة عن أفضل الأتواع التي تحفظ الثلج لمدة طويلة في البر والكشتات لأيام طويلة .

النوع ؟ والسعر ؟ ومكان بيعها في الرياض ؟

غفر الله لي ولكم . والسلام .
عاشق البران99
22/04/2006, 07:35 PM
معي ثلاجة ( آيس بكس ) نوع جوت (gott) صناعة أمريكية

لها معي أكثر من عشر سنين

والصراحة بالمقارنة بغيرها من الثلاجات ما فيه مجال للمقارنة

لكن لي شهر أدور زيها مالقيت يقولون حقين المحلات قليل تجي ...
غيانا
22/04/2006, 10:38 PM
اخوي الكريم
تبي رأيي ابعد عن الترامس ( الحافظات)
وانا اخوك ترا ما وراهم الا الرطرط وموعان الثلج وتسرب الموية بالسيارة والريحة الي تسببها ولو معك ببسي وحطيته مع اللحم طلع في القوطي ريحة0
ازبن وانا اخوك الثلاجات الي على البطارية ولو معك اي صيد والا لحم ذبيحتك بتثلجها 0
ملاعب الريح
23/04/2006, 04:18 PM
افضل نوع بلا منازع GOOT نوعيه جيده الظاهر تحصلها عند السيف
وبالنسبه للثلج أهم شي إن الثلاجه ما تنفتح واجد ولا تخليها بالشمس وإن شاء الله يزبط الوظع
سبع البران
30/04/2006, 09:40 AM
السلا م عليكم
فيه ثلاجات الحواته اللي يستخدمونها اهل السمك لحفظه تراها ممتازة جدا بس مادري هل هي تباع بالريااض ام لا.
ولدالشيوخ
30/04/2006, 10:05 AM
معي ثلاجة ( آيس بكس ) نوع جوت (gott) صناعة أمريكية

لها معي أكثر من عشر سنين

والصراحة بالمقارنة بغيرها من الثلاجات ما فيه مجال للمقارنة

لكن لي شهر أدور زيها مالقيت يقولون حقين المحلات قليل تجي ...

عزالله ماتعرف الغش يا عاشق البران 99

انا من مستخدمين ثلاجه gott

وتوني جاي من مقناص وخوي جدي معي ويمدح ثلاجه gott لانني شفتها معه جايبها
<
<<انا استخدمتها 13سنه وماعليها كلام

1=لانها تحفض الثلج لمده اطوال يعني 3ايام ماعليها كلام هههه صاير شاعر :D

2=تدوم عمر الثلاجه اطوال زي الي عندي 13سنه وقوال ماشالله (لانها حقت ابوي قبلي )

3= لها تصريف الماء الذائب ذات جوده عاليه (لان بعض الثلاجات اتخرب من عند التصريف وبعضها مافيها

تصريف ماء اصلن)معلومه طارفه ههههه ;)

معلومه سريع سريع :D (اذا جيت بتنام لاتنسا اتصرف الماء الذايب الي فيها عشان يبقا الثلاج لمده اطوال)

( :no2: لاتاخذ غير gott :no2: )
هاوي خلا
30/04/2006, 11:07 AM
والله أخوي العزيز فتى الوادي الثلاجات أنواع ولكن مثل ما قالوا أخواني أفضل الحافظات هي نوع (( GOOT)) وهي من أكثر الثلاجات محافظة على الثلج والتي تلقاها في الأسواق والآن تغير أسمها واندمجت مع شركة أوربية وأسمها طويل ما أعرفه الآن المهم أبعد عن الأماراتيه اللي أسمها على ما أظن ((Keep cool)) تراها خرطي وتنسم بسرعه وقفلها دمار وتتكسر وتتهشم من أقل الحركات بالسيارة ، وأنا أنصحك اذا تبي النصيحة دور لك ثلاجة أمريكية حقت الجيش الأمريكي اللي يجتمع فيها الصفيح من الداخل والخشب والبلاستيك من الخارج وقفلها ممتاز وتجي مقاسات منها كبير جداً ولونها زيتي وهي متينه وصبورة وتحافظ على الثلج أكثر من أسبوع اذا انت حطيتها في ظلال وفرغت ماها كل يوم ، وأغلب ما تلقاها في حراج الخبول في حفر الباطن .
وهناك مثل ما قالوا أخواننا الأعزاء ثلاجات على البطارية وهن عمليات ولكن غاليات فيه صينية بدون ضمان أذكر أن سعرها 1700 ريال وسعتها أربعين ((40)) لتر ومجربة بس تحتاج تغيير أسلاك علشان تتحمل ولها تعليمات دقيقة ولها كمبرسر مثل المكيف والثلاجات العادية . وهناك ثلاجة شفتها جديدة ولكن ما أدري عنها أذا أن أحد الشباب جربها وهي على الماء وسعتها ((35)) لتر وبدون كمبرسر لأن شغلها عن طريق تبريد الماء وتثليجه وشفتها في محل يقال له ((برق الحيا)) في مخرج 15 وسعرها على ما أذكر 900 ريال ولكن ليس لدي خبرة عنها بس اللي ما بها كمبرسر تبي تسلم من الأعطار والخرابات لأن تبريدها يعتمد على تبريد الماء والهواء مثل المكيف لين يثلج الماء ثم يثلج ما بداخل الثلاجة ، والكمبرسر كما هو معروف ما يحتاج كثرة حركة و رجه والا تراه سوف يتعطل كل شوي معك واذا حركت الثلاجة اللي قلت لك الصينية يبيلك تطفيها أقل شيء ساعتين يعني لو طاحت أو مالت على جنب يعني تحتاج تثبيت ، ولعيونك يا فتى الوادي سوف أسأل عن ثلاجة الماء وارد عليك بأسرع وقت ممكن ، الا اذا افادنا أحد الأخوة الكرام عنها فجزاه الله خير . أسف على الاطالة ولكن لحرصي على الإفادة لك ولي وللجميع .
أخوك / هاوي خلا
قناص تميم
30/04/2006, 02:12 PM
أنصحك بالثلاجه ألي على البطاريه والله ما فيه مثلها تبها فريزر ثلاجه والله ممتازه ركب بطاريه إحتياطيه وخل الثلاجه عليها
وشكراً
جهام القصيم
30/04/2006, 02:14 PM
السلام عليكم ورحمة الله

لا تفوتك الثلاجات الى في الدعاية في اعلى الصفحة (ثلاجة الصحراء) اخوك امجرب او خل عنك الخربيط صب الماء ماع الثلج صخن المشروب ورطاً ما فية مكان يبيع ثلج وهذي صور :
الاولى
http://www.mekshat.com/pix/upload/images16/mk5908_mk5908_22[1].jpg
الثانية
http://www.mekshat.com/pix/upload/images16/mk5908_mk5908_66.jpg

وفق الله الجميع