ياهلا ويامرحبا يالمزيدي ( جديد ),,,,,,,,,,,,,الحل راحة اليد ,,,,,,,,حله النبهاني

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اليكم لغيز اسندته الى اخوي المزيدي ترحيبا فيه
وقد اعجبتني بدايته بأول لغز يعرضه مما يجعلني اجزم بأنه مكسب
وسيطربنا من جزيله القادم ان شاء الله وكل ماآمله تواصله معنا
واللغز مطروح لترميع الجميع

ياهلا ويامرحبا يالمزيدي=وسط خيمه بالحجا باعه رفيع
بين ربعٍ ماعليهم منقدي =غير ان اللغز في ساعٍ صريع
سقت لك لغزٍ ولا هو مجهدي =من سهام الفكر يرمع بالسريع
وش هنوفٍ في يدك ويضا يدي=له سميه ماعتقد عنها تضيع
له سميه بالمثل ياسيدي=نصف رجلٍ مطلبٍ عند الجميع
وفي مثالٍ آخرٍ هي تاردي=عند شوفك جاهلٍ فعله وضيع


مع تحيات ابو ماجد

منتديات مكشات 0 خيمة الالغاز

[النبهاني]

وعليكم السلام ورحمة الله وبركاته
صح لسانك يازعيم
والله يصبحك بالخير
وحياك الله وحيا الله اخونا المزيدي ويستاهل
ايه يابو ماجد ابعد عن الملولس خلنا ناكل عيش ترا الدميجه مخرثه
وش قولك بـ الراحه
نص القوت
اهل العقول براحه
وخلك على هالوزنيه سهل علينا الله يسهل عليك

[ابو ماجد 2]

وعليكم السلام ورحمة الله وبركاته

صح لسانك يازعيم
والله يصبحك بالخير
وحياك الله وحيا الله اخونا المزيدي ويستاهل
ايه يابو ماجد ابعد عن الملولس خلنا ناكل عيش ترا الدميجه مخرثه
وش قولك بـ الراحه
نص القوت
اهل العقول براحه

وخلك على هالوزنيه سهل علينا الله يسهل عليك



بين ربعٍ ماعليهم منقدي=غير ان اللغز في ساعٍ صريع


هاأنت تثبت كلامي
صح لسانك ملايين
وبيض الله وجهك يابو سالم
نعم
راحة اليد
راحة اليد وسميتها اتت في مثال
نصف القوت راحه
والمثال الآخر اهل العقول براحه
كفووووووووووووو كفووووووووووووووو يالغالي

[هيل]

السلام عليكم ورحمة الله وبركاته

ياهلا ويامرحبا يابعدي
من أخين ياما قنعته أتقنيع
في عصا انت اخته من يدي
زود حكم السن لابدي أطيع
ياهلا ويامرحبا يالمزيدي
عد تغريدت عصافير الربيع
وانت يالنبهاني يومك أتعدي
باول السومات ابوماجد يابيعتحياتي

[ابو ماجد 2]

السلام عليكم ورحمة الله وبركاته




ياهلا ويامرحبا يابعدي


من أخين ياما قنعته أتقنيع
في عصا انت اخته من يدي
زود حكم السن لابدي أطيع
ياهلا ويامرحبا يالمزيدي
عد تغريدت عصافير الربيع
وانت يالنبهاني يومك أتعدي

باول السومات ابوماجد يابيع
تحياتي


ماضربتك الا خوفٍ ياولدي=حين شفتك للوعظ مانته مطيع
تذكر المرحوم في قولٍ قدي=يوم شافك هاملٍ في كل ريع
اقطعوا روس الاذاني لايغدي=واطبخوهن ثم ياكلهن جميع
عقبهن يصبح ربو مايبعدي=امكنوا هالغر لا لا لايضيع


الله يرحمه هذا شايب يوم شاف الهيل عفريت ماهو يقر حول البيت قال قطعوا اذانه ووكلوهن اياه
والناس كان شايع بينهم ان الكلب من شان يصبح ربو تقطع اذانه وتوكل اياه
يكرم الهيل وتكرمون وحتى هو قالها من باب المزح ايام كانت الميانه موجوده بين الجيران

[النبهاني]

بين ربعٍ ماعليهم منقدي=غير ان اللغز في ساعٍ صريع





هاأنت تثبت كلامي
صح لسانك ملايين
وبيض الله وجهك يابو سالم
نعم
راحة اليد
راحة اليد وسميتها اتت في مثال
نصف القوت راحه
والمثال الآخر اهل العقول براحه
كفووووووووووووو كفووووووووووووووو يالغالي





كفوك الطيب يازعيم
عز الله انهم ماسموك زعيم عبث
وما شاء الله عليك متمكن ومتحكم بالغطو الله يزيك ولا يضرك
بس مثل ما قلت لك لاتدفن بلحيل خله نوب ونوب على شان اخيك ادقش
سلمت يابو ماجد

[النبهاني]

السلام عليكم ورحمة الله وبركاته




ياهلا ويامرحبا يابعدي


من أخين ياما قنعته أتقنيع
في عصا انت اخته من يدي
زود حكم السن لابدي أطيع
ياهلا ويامرحبا يالمزيدي
عد تغريدت عصافير الربيع
وانت يالنبهاني يومك أتعدي

باول السومات ابوماجد يابيع
تحياتي




هلا والله وغلا ببو عبدالله
يالله تمسيه بالخير
سلمت ولا هنت ياراعي الجزلات
بيض الله وجهك وحفظك ربي

[ابو ماجد 2]

ابو اسامه
حبيبنا الغالي الموضوع طلع معكوس بس ترى المشكله من عند الشايب الثاني ابو سالم
واناآخر مشاركه لي بهالموضوع مايحتاج الامور سليمه
بس عاد هذا ابو سالم يفداه اللغز كله عدلها لاهنت وخلها ستيره

[النبهاني]

يفداك اللاش يازعيم
:Dالله يقطع ابليسك يابو ماجد كان انك تحب لي الفضيحه
انا انهبلت احسبني احوليت واثره البلا بالجهاز
بس يابو اسامه تعرف ابو ماجد يخرب الشي ويحطه بغيره
وكان ما انت مصدق اسأل الهيل يعطيك الخبر اليقين

[ابوماريا]

صح لسانك يابو ماجد 2
لغز رائع جدا وممتع متعك الله بالصحة والعافية
ويستاهل المزيدي الاسناد وفعلا هو مكسب للجميع

وصح لسان النبهاني على الحل ،،، ماشاء الله تبارك الله
وبيض الله وجيهكم جميع

[المزيدي4]

.


أبو ماجد جعل يفداه الردي
شيخنا يامر وحنا له نطيع
افتخر يومك عليّه تسندي
وارفع الراية فخر في كل ريع
لغزك اللي صار بيّن كالجدي
شف ولد نبهان حله بالسريع
عندي ألغاز كثيرة ياابعدي
بس أنا ما ني بأفضل من الجميع
أحترم شيباننا قبل ابتدي
وأنت منهم دايم قَدْرَك رفيع
والله إنك قدوتي يوم اقتدي
يا وسيع العرف والعرف الوسيع



وأعتذر عن التأخر في الرد لأني والله توي أدخل المنتدى الآن وصح لسانك وأفتخر بوجودي بينكم وبيض الله وجهك أنت وجميع المشرفين والأعضاء ..
.
.

[برق القصيم]

صح لسانك زعيمنا
كفو ومسند على كفو
وصح لسان ابوسااااالم على الذبحه
واضم صوتي للزعيم اخونا المزيدي باين عليه متمكن وراعي صنعه
ماشاء الله لاقوة الابالله
ونطمع بتواصله وبجديده

[ابو ماجد 2]

يفداك اللاش يازعيم




:Dالله يقطع ابليسك يابو ماجد كان انك تحب لي الفضيحه
انا انهبلت احسبني احوليت واثره البلا بالجهاز
بس يابو اسامه تعرف ابو ماجد يخرب الشي ويحطه بغيره


وكان ما انت مصدق اسأل الهيل يعطيك الخبر اليقين


ههههههههههههههههههه
يابو سالم انا ودي يكون سبب الاشكال من الهيل بس الحق حق
والبلى ماهو بجهازك البلى فينا يالشيبان وياما حصلت معي ورقعها لي ابو اسامه وانا فرحت يوم صار الخمال منك من شان مايصير الحالي اللي اخطي

[ابو ماجد 2]

صح لسانك يابو ماجد 2

لغز رائع جدا وممتع متعك الله بالصحة والعافية
ويستاهل المزيدي الاسناد وفعلا هو مكسب للجميع


وصح لسان النبهاني على الحل ،،، ماشاء الله تبارك الله

وبيض الله وجيهكم جميع


صح بدنك يابو فايز وانت الرائع برمعاتك بتعقيباتك لاعدمناك

[ابو ماجد 2]

.


أبو ماجد جعل يفداه الردي


شيخنا يامر وحنا له نطيع
افتخر يومك عليّه تسندي
وارفع الراية فخر في كل ريع
لغزك اللي صار بيّن كالجدي
شف ولد نبهان حله بالسريع
عندي ألغاز كثيرة ياابعدي
بس أنا ما ني بأفضل من الجميع
أحترم شيباننا قبل ابتدي
وأنت منهم دايم قَدْرَك رفيع
والله إنك قدوتي يوم اقتدي
يا وسيع العرف والعرف الوسيع




وأعتذر عن التأخر في الرد لأني والله توي أدخل المنتدى الآن وصح لسانك وأفتخر بوجودي بينكم وبيض الله وجهك أنت وجميع المشرفين والأعضاء ..

.

.





هلا بك اخوي المزيدي ويسرنا تواجد مثلك معنا وننتظر الغازك بشغف يالغالي
ونحن هنا من باب التقدير تعودنا ان نقول ابو فلان فياليت ان كان مافيه احراج تعطينا اسم الولد سواء الحقيقي او المستعار من شان يتم مخاطبتك فيه

[ابو ماجد 2]

صح لسانك زعيمنا

كفو ومسند على كفو
وصح لسان ابوسااااالم على الذبحه
واضم صوتي للزعيم اخونا المزيدي باين عليه متمكن وراعي صنعه
ماشاء الله لاقوة الابالله

ونطمع بتواصله وبجديده


صح بدنك يابو عبدالرحمن
والمزيدي على ماقيل الكتاب باين من عنوانه
الله يزيده من فضله

[المزيدي4]

هلا بك اخوي المزيدي ويسرنا تواجد مثلك معنا وننتظر الغازك بشغف يالغالي
ونحن هنا من باب التقدير تعودنا ان نقول ابو فلان فياليت ان كان مافيه احراج تعطينا اسم الولد سواء الحقيقي او المستعار من شان يتم مخاطبتك فيه


الله يسلمك يا أبو ماجد
بالنسبة للكنية (أبو سعد) تيمنا باسم الوالد الله يطول بعمره

[ابو ماجد 2]

الله يسلمك يا أبو ماجد
بالنسبة للكنية (أبو سعد) تيمنا باسم الوالد الله يطول بعمره



صباح الخير يابو سعد وطول الله عمر الوالد على الطاعه ورزقكم مبرته

[ابوذيبان]

صح الله السانك يالزعيم

وافي كالعادة ـ والمزيدي يستاهل الحفاوة والترحيب

وصح السانك غالينا ـ ابوسالم النبهاني ع الحل

وصح السانك غالينا ـ الهيل ع الابيات

وصح السانك الغالي ـ المزيدي ومرحبا بك بليون *بليون

دمت في خير

[النبهاني]

صح الله السانك يالزعيم

وافي كالعادة ـ والمزيدي يستاهل الحفاوة والترحيب

وصح السانك غالينا ـ ابوسالم النبهاني ع الحل

وصح السانك غالينا ـ الهيل ع الابيات

وصح السانك الغالي ـ المزيدي ومرحبا بك بليون *بليون

دمت في خير



صح كلك يالذيب الامعط
وياهلا وغلا ببو ذيبان
والحمد لله على السلامه
اشتقنا والله اشتقنا
دمت بعز وهناء