م.م.مذهب
16/03/2012, 03:32 PM
بسم الله الرحمن الرحيم
صبحكم -مساكم الله بالخير
اليوم حبيت اشارككم بما انا مبطين ماشاركنا وهذي مجاراه لقصيده اعجبتني لاخونا واستاذنا الفاظل ابو خليفه مع العلم إن قصائده الباقيه مافيها كلام وقصيدته مطلعها
يا ليت كل العام يبقا برادي
بالاعتدال الجو ما فيه الاجهاد
إلخ.......
______________________________
وهذي قصيدة المجاراه
يابن خليفه وقعت فالفوادي=وقامت تعيني عن فراش ورقاد
عقلي من التفكير جاه اجتهادي=بغط والافكا ر سرداد مرداد
قصيدتن لك بالشتا والبرادي=وانا بلياها على طول بجهاد
كشفت لمرادك وكنه مرادي=منوه لها قلبي على طول نشاد
لاني بعد ماحب كثر القعادي=انا عن الجلاس بالمدن صداد
شفي بروظن ريح نبته يشادي=ريح الورود اللي على جال ميراد
ولا مع الظلعان ولا حمادي=من حدها الرمله لياحد بغداد
لاصار بر وصيد والجو هادي=ونقول يالغفار رحماك ياهاد
بالاشقر اللي كل صدره ثنادي=يلحق وغير الفعل يطلع ووكاد
اشقر قصير كراع ماهوب عادي=يارب كافه عين مفسد وحساد
لافرعه راعيه لاجل الهدادي=خطر على السبقين لو كانن جداد
ياخذ من الدله وقوف وركادي=الله عليه ليا جتمع سبق وعناد
واصغر مهداته كبار السوادي=زودن على السرعه رفيعات وبعاد
والخرب لو صقر وعند وزادي=هذا لازاد الخرب هذا بعد زاد
وش هو يشادي كان قلنا يشادي=كنه ملوك الشعب في طلت اعياد
روحو فامان الله ياهل النوادي=لو كان زين وصح مانيب نشاد
مع خوت اللي يهتوون البعادي=اللي على الشده عزومين وشداد
حصنن وتبقى حصن في كل مادي=بالمختصر خوه على شف ومراد
وافين والاريا تجينا قوادي=والهم تواريخن جديده والاجداد
والطير والعزبه وباقي العتادي=وليالين عدت قصيرات وسعاد
بعيدها لاقالو سهيل بادي=دينن وانا للدين قابل وسداد
وختامها يشموم مع ريح كادي=وصلو على احمد خيرعابد وزهاد
صبحكم -مساكم الله بالخير
اليوم حبيت اشارككم بما انا مبطين ماشاركنا وهذي مجاراه لقصيده اعجبتني لاخونا واستاذنا الفاظل ابو خليفه مع العلم إن قصائده الباقيه مافيها كلام وقصيدته مطلعها
يا ليت كل العام يبقا برادي
بالاعتدال الجو ما فيه الاجهاد
إلخ.......
______________________________
وهذي قصيدة المجاراه
يابن خليفه وقعت فالفوادي=وقامت تعيني عن فراش ورقاد
عقلي من التفكير جاه اجتهادي=بغط والافكا ر سرداد مرداد
قصيدتن لك بالشتا والبرادي=وانا بلياها على طول بجهاد
كشفت لمرادك وكنه مرادي=منوه لها قلبي على طول نشاد
لاني بعد ماحب كثر القعادي=انا عن الجلاس بالمدن صداد
شفي بروظن ريح نبته يشادي=ريح الورود اللي على جال ميراد
ولا مع الظلعان ولا حمادي=من حدها الرمله لياحد بغداد
لاصار بر وصيد والجو هادي=ونقول يالغفار رحماك ياهاد
بالاشقر اللي كل صدره ثنادي=يلحق وغير الفعل يطلع ووكاد
اشقر قصير كراع ماهوب عادي=يارب كافه عين مفسد وحساد
لافرعه راعيه لاجل الهدادي=خطر على السبقين لو كانن جداد
ياخذ من الدله وقوف وركادي=الله عليه ليا جتمع سبق وعناد
واصغر مهداته كبار السوادي=زودن على السرعه رفيعات وبعاد
والخرب لو صقر وعند وزادي=هذا لازاد الخرب هذا بعد زاد
وش هو يشادي كان قلنا يشادي=كنه ملوك الشعب في طلت اعياد
روحو فامان الله ياهل النوادي=لو كان زين وصح مانيب نشاد
مع خوت اللي يهتوون البعادي=اللي على الشده عزومين وشداد
حصنن وتبقى حصن في كل مادي=بالمختصر خوه على شف ومراد
وافين والاريا تجينا قوادي=والهم تواريخن جديده والاجداد
والطير والعزبه وباقي العتادي=وليالين عدت قصيرات وسعاد
بعيدها لاقالو سهيل بادي=دينن وانا للدين قابل وسداد
وختامها يشموم مع ريح كادي=وصلو على احمد خيرعابد وزهاد