استفسار عن مشكله بالفتك

[عشق البر]

السلام عليكم ورحمة الله وبركاته



يأخوان عندي مشكله بسرعة دوران المكينه RPM والمشكلة هذي طلعت بعد تنضيف الثروتل (أنا نظفته بنفسي)

المشكله هي اني لاحظت ان الـRPM ارتفع شوي وصار اذا سخنت المكينة يصير على 900 تقريبا واذا شغلت المكيف يصير على 1000 واحيانا فوق شوي؟؟؟؟

سؤالي هنا هل موتري طبيعيه دوراته؟؟ اذا الجواب لا كيف اقدر اضبطه علما اني فصلت اصبع البطاريه كذا مره ولا نفع

هل يحتاج اعيد برمجته من جديد؟؟ ومن يسويها لي؟؟
للمعلوميه موديل الموتر 2008 تماتيك والسرعات اللي فوق على وضع N

سؤال ثاني ماله دخل بالسالفه مساعدات الفتك الوكاله زيت ولا غاز؟

[ابومناحي]

الجواب للسؤال الاول موترك طبيعي والافضل لكمبرسر المكيف تكون دورات المكينه من 900 الى 1000

[عشق البر]

الجواب للسؤال الاول موترك طبيعي والافضل لكمبرسر المكيف تكون دورات المكينه من 900 الى 1000

مشكور على الرد يابومناحي
بس انا ماخبرته كذا من الوكاله واللي اعرفه الطبيعي مايزود عن 800 اذا صرت مطفي المكيف

[عشق البر]

للرفع.....

[Magellan]

تبعات تنظيف الثروتل من ارتفاع RPM تاخذ 3 ايام
اصبر هذي المدة وان شاء الله يرجع لوضعه الطبيعي،،،
نظفت جمس سوبربان 2008 واخذ 3 ايام حتى رجع لوضعه الطبيعي

[.أبوعبدالرحمن]

ينقل للقسم المناسب

[عشق البر]

انا لي شهرين منظفه ولكن مازالت المشكلة موجوده

[mekshaat]

السلام عليكم




أكيد وأنت تنظف الثروتل انك غيرت وزنية بوابة الهواء بعض المهندسين اذا جاء ينظف

الثروتل ولمس بوابة الهواء يبلش معه ويضطر انه يغير واحد جديد لأن وزنيته صعبه

لكن اعرف واحد يوزنه صارت معي بسيارتي ووديته له ماشاءالله عليه يضبطها

مكانه بالرياض .

[عشق البر]

ايه وانا انظف فتحت الثروتل شوي بس كنت مطفي الموتر

السؤال: هل يحتاج وزن من جديد ولا هي شغلة برمجه؟؟

[S A F A R I]

لكن يوم نظفته وش صار بالموتر وش اللي تغير بعد التنظيف ؟

[عشق البر]

الموتر صار يشتغل بسرعه ومن اول كان تجيني زي الكتمه بالموتر وراحت والاستجابه تحسنت شوي
ولكن لاحظت ارتفاع ال RPM بشكل واضح اذا شغلت المكيف ياصل فوق 1000 بشوي!!

ياليت تعطوني حل ياجماعه

[عشق البر]

بانتظار تفاعلكم يأهل الخبره

[القناص بوصالح]

السلام عليكم ورحمه الله وبركاته
كد صارت معي هالمشكله بموتري (باثفندر 2005) نظفت الثروتل وبداء ضغط المكينه مثل ماصار لك
ورحت لم كهربائي وبرمجه لي بالكمبيوتر(وزنه) باقل من ربع ساعه وضبط ولله الحمد
اتمنا اني افدك..
وبالتوفيق للجميع

[ms662]

السلام عليكم
اخوي عشق البر
معي 2006 ومثل موترك بالضبط من عرفته وهو كذا
اذا شغلت المكيف او شبيت على الموتر في طعوس يرتفع ضغط المكينة
اتوقع عشان يزيد سرعة المروحة ويبرد على المكينة

الصيف الماضي في وسط الرياض المكيف شغال وعز الزحمة طلعت من الزحمة شوي ووقفت واحط القير في البارك الضغط واصل واحد ونص
فهي زي ماقلت لك والعلم عند الله مسألة تبريد على السيارة

[ابو ابراهيم0]

مرحبا اخوي
كانت معي نفس المشكلة بالضبط باترول 2006 ورحت لورشة التركي بالصناعية القديمة بالرياض وما أخذت عنده خمس دقايق الا ورجع الموتر لسرعته الطبيعية
بجهاز البرمجة برمج لي الدعسه على نفس الوكالة ب150 ريال والى يومك والموتر تمام

[عشق البر]

جزاكم الله خير ياخوان
اخوي ms662 موترك مهب طبيعي يبيله برمجه
ابو ابراهيم عافاك الله رحت لصالح التركي اليوم وحاول يبرمجه بس ماطاع الموتر حتى هو عصب يقول وش به موترك
يبدولي ابخليه كذا والشكوى لله