سؤال عن الفورشنر وكم سيارة

[nawaf__9]

السلام عليكم مساء الخير

انا ناوي اشري موتر

خط وبر موتر يصبر وقوي ومميز من كل النواحي

من ناحية الراحة وقلت الخرابات والامان

اسعار السيارات غاليه حصلت انسب شي الفورشنر بــ 100 الف


انا راعي مشورة داخل المدن وسفريات ومقانيص وسواقتي قشرا :)


وش رايكم في الفورشنر واذا فيه افضل منه واقل او نفس سعره افيدوني

[شعاع الصبح]

موتر قوي ويتحمل اللي رجله حارة واذا هو معجبك خذه ولاعليك من احد
عيوبه مافيه absالا على الفل والصفير (تسمعه اذا كنت مسرع)

[كاشت وحداني]

اذا نويته
4 سلندر لا تفكر فيه
اما ال 6 ممتاز
لكن الموتر عموما ليس مريح
وتانكيه صغير

اذا بتوصل ال 100 الف او زود شوي شف لك برادو 6 سلندر مستعمل نظيف
والله يدلك
كنت بعطيك خيار التاهو جديد طبعا لكن لازم تزيد عالمبلغ اللي معاك
موتر خفيف نفس واقتصادي ومريح وان بغيته بر ماهو قايل لا
طبعا يحكمها طلعاتك للبر واجد ولا خفايف
اذا واجد خلك عالتويوتا .

[HAS5SAN]

لا تأخذ إلا ابو 6 سلندر وهو عملي ويتحمل الكرف

[مكشاتي سبشل]

احسنت الاختيار والاهم 6 سلندر البرادو ثقيل ولاعندك احد واتحدى اي شخص يقول انه افضل غير ان ارتفاعه اكثر ولاتنسى انه شيك البرادو اذا حصلت باب واحد اوكي
عندك خيار ثاين اذا انت ماعندك عائله كبيرة عندك ال أف جي وحش بر
ومبروك مقدماً
الله يعطيك خيره ويكفيك شره

[عبدالله //]

الاكستيرا حلو وعملي وسياره راسيه وقوة المكينه تكفي وزود ... تلقى بالميه اصفار تشتريه وكاله ...:good:

[كشات 64]

ممتاز ست سلندر و خرابات ما سمعنا عنه
بس تنك البنزين صغير يقولون عدلوا التنك و كبروه 2010
و فالك التوفيق

[راكب الشفر]

شف لك اكستيرا أفضل لك واقوى مكينة

[بن سليمان]

عندك اكستيرا او باترول موديله قديم لكن يكون نظيف او باجيرو
عندنا فورتشنر 2010 واقولها لك باختصار ما يستاهل سعره والسياره مصنوعة في اندونسيا وفي شي يجي تايلندي ولا يصلح للسفر وخصوصا اذا كانت المسافة طويلة والسيارة قابلة للتفكك والاصوات مع استخدام الحشمة فما بالك بالسواقه القشرا

[رحال نجد]

من واقع تجربة الفورتشنر 6 سلندر موتر قوي وخفيف نفس بشكل كبير ولا من زود خرابات وأطرف باكستاني في الصناعية يصلحة لكن تعيبه بعض الامور ألخصها لك في :
1/ فرامل سيئ للغاية حتى مع الabs والabs لازم تركب له فاصل مثل اللي في الإف جي لأنه يوهقك في البر
2/ الموتر مهوب مريح مرة خاصة اللي يركب ورا يتعب في الخط
3/ صوت التنسيم مزعج بس هذا له حل يخفف من الصوت
4/ خزان البنزين صغير ولا يمشيك واجد
5/ البودي خفيف جدا يعني أي دقشة لاقدر الله ينعلك الموتر
أسأل الله لك التوفيق وعموما استخر قبل ماتعزم على شيء

[abofahad01]

بصراحة السته سرندل ممتاز وقوي

بس السعر مبالغ فيه مررررررره

شفلك تاهو افضل واريح وارسى واقوى واوسع

سيارة خط وبر

والله يكتب لك الخير