عطوني رايكم أفضل دربيل زوم للساكتون ؟؟

[نشمي حرب]

السلام عليكم ورحمة الله وبركاته ...


مسااء الخير للجميــــــــــــع ،،،


أطلب من الأخوه الاعزاء ابداء الرآي حول ..


أفضل دربيل يركب على الساكتون الهوائيه واللي عندي نوع الساكتون طيبه


بالحيل وهي نوريكا 90 وحطيت عليها مناشف ليزر نوعه زين بس بطاريته تأخذ


اسبوع وفيه مشكله مع كل رميه يطفي مناشف الليزر يعني لازم تكرب عليه


شووي .. أستفساري عن دربيل الزوم ....


هل ينفع مع هذه الساكتون أو ندور ساكتون غاز ونريح روسناااا ؟؟؟


شاكر ومقدر ...

[ام خمس روسي]

والله انا بعد مثلك ابي دربيل يركب على الساكتون انا عندي ساكتون اسبانيه 90 ياليت احد يفيدنا انا واخوي نشمي حرب

[ابوفارس التاج]

اخوي عندي لك دربيل امريكي زوم 3-9صليب يولع اذاحبيت الصليب قاعده وصله وحده يعني تابت مع الدربيل ممتازللسكتون اذالك نضرارسل علي الخاص

[miso1391]

السلام عليكم ورحمة الله وبركاته

انا عندي نوريكا90 وعندي ماقنوم 350 وكلها مركب عليها نواظير وكلها تتحلحل صواميلها بعد كم رميه. حطيت سوبر قلو للصواميل وبرضه تتحلحل الا مع الماقنوم احيانا يطير الناظور!!


افضل شي سكتون غاز <<< بس وين تلقاها بالسعودية!!

انا من زمان ادور على ساكتون غاز بس عشان التصوير ركبت الكميرا على النوريكا ووقت الضربه كأنك تصور وانت تجري!!

[أبو سعد الحربي]

أنا عندي فايروخ 80 ومركب عليها دربيل روسي vomz
لها للحين فترة والله لا تحلحلة صواميله ولا شي

لكن الفايروخ لها مسار دربيل منحوت على نفس البندق
مو مثل الديانا تركب الدربيل على قطعة ( مسطرة ) مركبة فوق السلاح

[miso1391]

أنا عندي فايروخ 80 ومركب عليها دربيل روسي vomz
لها للحين فترة والله لا تحلحلة صواميله ولا شي

لكن الفايروخ لها مسار دربيل منحوت على نفس البندق
مو مثل الديانا تركب الدربيل على قطعة ( مسطرة ) مركبة فوق السلاح

انا استخدامي للساكتون ترفيهي يعني ارمي عليها كثير.

جرب ارمي عليها 300 الى 500 مره متأكد راح تحلحل معك الصواميل او تختلف معك الوزنية.

وهذا عيب كل البنادق اللي بسسته.