رجة بالطارة بعد تغيير الفحمات الامامية .!!!

[لسان الحقيقة]

السلام عليكم ورحمة الله وبركاته ..
حيا الله المكشاتية اقدع ناس ..

انا ياجماعة الربع قدر الله علي :D ودخلت سيارتي للحمراني الله لايوفقه عشان صيانة الأربعين الف مع اني مو مقتنع بصيانته لكن اضطريت اسويها عشان يغيرون لي البطارية على الضمان مجاناً :(

الحاصل : قالوا ان موترك يحتاج تغيير فحمات أمامية وخرط للهوبات ..
قلت وكالة ان شاء الله انهم بيضبطونها خصوصاً والموتر جديد ..

النتيجة : خذت السيارة وانبسطت ع الفرامل اول اسبوعين وبعدها بدت الرجة في الطارة مع ربط الفرامل .. :(:( حسيت ان سيارتي موديل 89

المطلوب : وش سبب الرجة ؟ ووش الحل ؟ اسعفوني ولا ودي اروح للوكالة لانهم سيئين خلقاً وعملاً الله لايربحهم ولاودي اتطبب بالورش ..

بارك الله بكم اسعفوا اخيكم ..

[اسم قديم]

ودها اقرب ورشه يشيك على الهوب يمكن خرطوه بزياده او ما خرطوه ابد

[عشق البر]

وشو الموتر؟؟

[عاشق الكابرس]

افحص الهوبات

[جمس_454_97]

كل الناس يعانون من هالمشكله ومالقيت لها حل
ناس تقول اخرط الهوبات وناس يقولون لك جلد المقصات ونااااس يقولون لك شحم مسامير الكليبر وناس يقولون لك غير نوع الفحمات لان الفحمات الي مركبها مو اصليه والله ماني عارف حلها

[لسان الحقيقة]

ودها اقرب ورشه يشيك على الهوب يمكن خرطوه بزياده او ما خرطوه ابد

ماخرطوه ابد عرفناها << نخرطه ويزين

لكن خرطوه بزيادة وش الحل << تغيير الهوب :mad:

[لسان الحقيقة]

وشو الموتر؟؟

باترول 2010

[لسان الحقيقة]

افحص الهوبات

ان شاء الله بشيك عليها :p

[لسان الحقيقة]

كل الناس يعانون من هالمشكله ومالقيت لها حل
ناس تقول اخرط الهوبات وناس يقولون لك جلد المقصات ونااااس يقولون لك شحم مسامير الكليبر وناس يقولون لك غير نوع الفحمات لان الفحمات الي مركبها مو اصليه والله ماني عارف حلها

المشكلة ان هذا شغل الوكالة ومع ذلك ترج

اذكر سيارتي القديمة كان فيه رجه بعد خرط الهوبات وسببها ان الهوب صار ضعيف ومعد يتحمل ولذلك يرج

لكن هذي سيارة جديدة والوكالة اللي خارطه الهوب والفحمات من عندهم ومع ذلك يرج :(

شكل اخرتها بغير الهوبات :eek:

[جمس_454_97]

نصيحتي لك لا تسوي فيها شي خذها للوكاله وقلهم وش سويتو بموتري
وقلهم انا شاك ان فيه احد سارق قطع من سيارتي لاني دخلتها سليمه وطلعت فيها رجه شكل مسروق قطعه منها وانا بشتكيكم وعمل صجه على طول بصلحونها لك مايفع فيهم الا كذا
وهذي الطريقه سواها واحد من العيال دخل موتره يشيك عليه وطلع فيه مشكله ماذكرها وصلحوها له
اذا شافوك طيب ومحترم بيضيعون حقك وعلى فكره تراه من حقك انت ماتطالب اكثر من حقك يالغالي السياره عليها ضمان من الشركه الام

[عشق البر]

صحيح رح للوكالة وخلهم يصلحونه لك شكل هم خارطين الهوب زياده؟
والغريب انك غيرت فحماته على 40 الف!!! انت كنت تسمع صوت قبل ؟؟؟ معروف ان فحمات الباترول تعمر انا ماشي 100 الف ولا غيرتها من الوكاله مشكله اذا الموديل الجديد تتغير فحماته بسرعه

المهم انت رح تهاوش معهم وخذ واحد معك لسانه طويل :D وهددهم بوزارة التجارة وتمشي امورك
ونصيحتي خلها اخر مره تزور صيانة الحمراني بحياتك فاشلييين بشكل غير طبيعي وتعامل مع ابو صالح التركي والصيانه سوها حسب المطلوب بالكاتلوج(يعني رح لواحد متخصص باترول وخله يغير لك القطع الازمه)

[لسان الحقيقة]

نصيحتي لك لا تسوي فيها شي خذها للوكاله وقلهم وش سويتو بموتري
وقلهم انا شاك ان فيه احد سارق قطع من سيارتي لاني دخلتها سليمه وطلعت فيها رجه شكل مسروق قطعه منها وانا بشتكيكم وعمل صجه على طول بصلحونها لك مايفع فيهم الا كذا
وهذي الطريقه سواها واحد من العيال دخل موتره يشيك عليه وطلع فيه مشكله ماذكرها وصلحوها له
اذا شافوك طيب ومحترم بيضيعون حقك وعلى فكره تراه من حقك انت ماتطالب اكثر من حقك يالغالي السياره عليها ضمان من الشركه الام

الله يعطيك العافية
المرة الأولى سويت صجة وصلت لنيسان الشرق الأوسط واشغلوني باتصالاتهم
يا اخي الفكرة ان عملهم غير متقن يعني بالعربي شغلهم دنفسه وتعاملهم نصب في نصب
المصري حق الاستقبال يكلمك وعينه على مخباتك كم فيه :mad:
ولا ودي اقربهم يلعبون بالسيارة مرة ثانية يكفي اللي صار

:(

[لسان الحقيقة]

صحيح رح للوكالة وخلهم يصلحونه لك شكل هم خارطين الهوب زياده؟
والغريب انك غيرت فحماته على 40 الف!!! انت كنت تسمع صوت قبل ؟؟؟ معروف ان فحمات الباترول تعمر انا ماشي 100 الف ولا غيرتها من الوكاله مشكله اذا الموديل الجديد تتغير فحماته بسرعه

المهم انت رح تهاوش معهم وخذ واحد معك لسانه طويل :D وهددهم بوزارة التجارة وتمشي امورك
ونصيحتي خلها اخر مره تزور صيانة الحمراني بحياتك فاشلييين بشكل غير طبيعي وتعامل مع ابو صالح التركي والصيانه سوها حسب المطلوب بالكاتلوج(يعني رح لواحد متخصص باترول وخله يغير لك القطع الازمه)

كلامك جميل الفتك تبطي فحماته لكن الشكل الجديد ماتمشي اكثر من 40 الف :D وكل السيارات الجديدة نفس الطقة ..

وين ابوصالح التركي فيه ؟ بالرياض ؟ :eek:

[عشق البر]

كلامك جميل الفتك تبطي فحماته لكن الشكل الجديد ماتمشي اكثر من 40 الف :D وكل السيارات الجديدة نفس الطقة ..

وين ابوصالح التركي فيه ؟ بالرياض ؟ :eek:

ايه موجود بالرياض والرجال شغله احسن من الوكاله وفاهم للباترول
بس مدري عنه اذا يعرف للجديد بس نصيحتي مر عليه هو رجال نصوح واتوقع شغلتك مهب صعبه

موقعه بالصناعيه القديمه حول ميزان المجد ان كنت منب واهم