طالبكم؟؟ تكفوون بضبط الموتر؟؟ (ادخل وتعرف)

[mooma]

السلام عليكم

-
-
-
-
-
-
حياكم الله وبياكم ؟ اولا أنا بصراحه عندي موتري هايلكس 2001غمارتين (هو اصلا للوالد) الوالد توفى (الله يرحمه :( ويغمد روحه للجنه ويسكنه الفردوس الاعلى)

وانا من زمان واعد الوالد اني اضبط الموتر (وهو موصيني اني ماابيعه )

فالحمد لله على كل حال الموتر تقريبا (ميكانيكيا ضبطته 95% الحمدلله ) لكن الموتر فيه دقشات خفيفة( ع الابواب والرفرف الامامي ) وجميعها معدله (تم اصلاحها يعني) لكن السمكري كان مهمل في اعادة الشي كما كان

المهم مشكلتي الي مضايقتني هي

1- وزنية الابواب ( الموتر يدخل هوا بشكل واااضح جدا وخاصه من تحت (من الشفة التحتيه للباب) مو من فووق !!؟؟؟ الابواب هي باب الراكب والي خلفه فقط (حيث انها سبق وتعرضت لحادث (دقشة بسيطه) وباب السائق مايتسكر الا بصعوبه ؟؟؟؟ لكن مثل ماقلت لكم السمكري كان مهمل ولاضبط الابواب (الله يسامحه ان شاءالله )

المهم انا طالبكم ؟؟ وتكفووون أبي ورشة تضبطلي البيبان ووزنيتها ويخلونهاا؟؟ تتسكر طبيعي ؟؟ ويخلونها مافيها فراغات

واللي يعرف ورشة الله يجزاه خير يعطيني رقمها واسمها

وموقعي الرياض

وبس هذا طلبي ؟؟

وفق الله الجميع لما يحبه ويرضاه

[ابو شريفة]

اولا / الله يرحم الوالد ويغفر له ويتجاوز عنه ويجعل الجنة دارة وياك وكل من يقراء رسالتي،
ثانياً / واجد الورشات لكن انت وين موقعك عشان نوصف لك الورشات المظبوطة
وكل مني خالص تحياتي

[mooma]

الله يجزاك خير اللهم آمييين

بخصوص موقعي أنا بالرياض شمال شرق الرياض حي الروضه وأقرب مالي صناعية الخليج وصناعية النسيم(الميه)

ومافيه مانع لو عيه ورشة في الصناعية القديمه(العاصمه)اذا كان الشغل يستاهل فيستاهل المشوار

[mooma]

تكفون يا أخوان طالب فزعتكم

[SHUGE]

احسن شي انا ندعي لوادك الله يرحمة بواسع رحمته ووالدينا والديكم اجمعين

[أبوعابد 22]

الله يرحم والدك ويغفرله ويسكنه فسيح جناته
وفيه ورشه عندنا في المزاحميه مرعوفه فيه ورشة نذير
وفيه ورشة هرداس وفيه ورشة زاهد كلهم شغلهم فوق الممتاز
واي خدمه انا حاضر

[mooma]

الله يجزاكم خير على الدعوة الطيبة واللهم آمين الله يرحمه

أخوي بو عابد حيا الله أهل المزاحمية بس بيني وبينك صعبة علي المزاحمية ؟؟ أبي شي بالرياض