حامل أو قاعدة كاميرا تركب على السلاح

[عااشق الدهناء]

السلام علكيم ورحمة الله وبركاته


تحية طيبة للجميع


اخواني تعبت وانا ادور حامل للكاميرا الديجتال او حتى كاميرا الفديو كلهن يركبن على ما اضن اقدر اثبتها على ام خمس بحثت وللاسف ما لقيت الا كم موضوع ومن غير اي فائدة


ابي قاعدة او حامل للكاميرا اقدر اثبته على السلاح وحاولت اجرب الترهيم لكن للاسف كان فيه اختلال بالوزن مع كل رميه


الرجاء من الأخوة اللي يعرف وين تباع او عنده يفيدنا



ولكم مني جزيل الشكر والإمتنان ,




ــ

[درووب]

اخوي توجد كاميرات مخصصه للاسلحه معها قاعدتها

ولا تحاول تتعب نفسك وترهم لانه مارح يكون دقيق

[عااشق الدهناء]

اخوي توجد كاميرات مخصصه للاسلحه معها قاعدتها





ولا تحاول تتعب نفسك وترهم لانه مارح يكون دقيق




أشكرك على النصيحة .. لكن اسمح لي لا تعيب الشيء عشان تمشي سلعتك


واسمح لي الكميرات اللي انت تقول مخصصه غير صحيح انها مخصصه للسلاح


هي مخصصه للرياضات بمعدات مثل الدراجات الهوائية والتزلج وغيرها


والدليل ان ما فيها زوم ابدا لان تصميمها تم تنفيذه لتكون العدسه قريبه من الاعب او الراكب كإثارة أكبر وكأنك انت المتسابق


اما للصيد انا وجهة نظري ما تصلح ولا بريال واحد وش الفايدة اصور شي بعيد وبعد ما اصوره ما اقدر اشوفه بالتصوير خصوصا الفديو الا لازم الزق خشتي بالشاشه !!


ابي كاميرا اذا جيت اصور اقدر ازوم على راحتي بعيد قريب اللي ابي وهذي غير متوفرة باللي انت تقول مخصصه ( على حد كلامك )


ولا تنسى بعد ان ثباتها مو ذاك الثبات وشفنا اكثر من مقطع للي شروها واستخدموها لابد من الاهتزاز وفيه اكثر من مقطع لرمي القطا ما تشوف شي غير ماصورة طالعه من موتر وبعض الاحيان يا دووب تشوف نقط بالسماء وما تقدر تركز فيها



ادري اني ارقهتك بها الكلام لكن بصراحة ما اعجبن ردك وانت تعيب شيء على حساب شي عندك وتبي تصرفه


واتمنى ما تاخذ كلامي انه من باب حقد او قطع ارزاق لا والله انا ما جيت بموضوعك وذكرت عيوب الكام اللي تبيعها وانت اضطريتني اني اوضح ها الشيء للفائدة العامة




ــ

[درووب]

باين أنك غير مطلع بتاتا ومعلوماتك متوقفه عام 2000

أخوي أنا ماجبت طاري سلعتي أبد

أنا أقول توجد كاميرا مخصصه للاسلحه فيها زوم يصل الى x10

وفيها جي بي أس

مخصصه للاسلحه وضد الاهتزاز

وأحد هذه الكاميرات عرضها أحد الزملاء بالموقع هذا

حاول تحدث معلوماتك

جوده الكاميرات وصلت 1800x820 والزوم يتجاوز x10

[عااشق الدهناء]

باين أنك غير مطلع بتاتا ومعلوماتك متوقفه عام 2000


أخوي أنا ماجبت طاري سلعتي أبد

أنا أقول توجد كاميرا مخصصه للاسلحه فيها زوم يصل الى x10

وفيها جي بي أس

مخصصه للاسلحه وضد الاهتزاز

وأحد هذه الكاميرات عرضها أحد الزملاء بالموقع هذا

حاول تحدث معلوماتك

جوده الكاميرات وصلت 1800x820 والزوم يتجاوز x10



كلامك صحيح :good2:

وانت أحسن واحد وفيه كام مخصص للاسحة وزومه 1000000 نسمه متر مربع


خلاص ارتاح بس



مشكله أذا بعض الناس الا بيغالط بس بأي طريقة واذا تورط قال هنالك وهنالك واذكر انه


الله يخلي لنا عام 2000 ما كنا نشوف اشكالك

[درووب]

والدليل ان ما فيها زوم ابدا لان تصميمها تم تنفيذه لتكون العدسه قريبه من الاعب او الراكب كإثارة أكبر وكأنك انت المتسابق

بس بصراحه عبارتك ومعلوماتك هذي قيمه واتمنى الكل يقراها عشان يستفيد

فأسمح لي برفع الموضوع

[عااشق الدهناء]

والدليل ان ما فيها زوم ابدا لان تصميمها تم تنفيذه لتكون العدسه قريبه من الاعب او الراكب كإثارة أكبر وكأنك انت المتسابق


بس بصراحه عبارتك ومعلوماتك هذي قيمه واتمنى الكل يقراها عشان يستفيد

فأسمح لي برفع الموضوع

مسموح .. وخذ راحتك على الآخر

ولو تبي تطيع شوري خلني اعطيك دروس بأشياء افيدلك من هذي بكثير :good2:

لعل وعسى تثمر العوجا

اعتقد اني اعطيتك ما فيه الكفاية من ردود واذا انت حورت الموضوع لإستهزاء ونرفزه فهذا يدل على ضعف حجتك وكان من باب أولى انك تضيف دليل على وجود مثل الكاميرا الخرافيه اللي انت تقول اما بس تهايط واذا حجرلك الواحد حولتها استهتار وفرنكه عشان تهرب من الموضوع هذا اسلوب بتشا بتشا

واعتبر هذا اااخر رد عليك وتم إضافتك لقائمة طيور الجنه




ــ

[بحيران]

تعوذو من ابليس لايهوزكم ابليس تراكم اخوان وتناقرون على شي مايسوى زعل واحد فيكم على اخوه.

ومعلومه ترى كل واحد فيكم كلامه صحيح لكن ابليس واعوذ بالله من ابليس حريص على القطيعه

[عااشق الدهناء]

تعوذو من ابليس لايهوزكم ابليس تراكم اخوان وتناقرون على شي مايسوى زعل واحد فيكم على اخوه.

ومعلومه ترى كل واحد فيكم كلامه صحيح لكن ابليس واعوذ بالله من ابليس حريص على القطيعه


اعوذ بالله من الشيطان

الله يبيض وجهك ... رد احترمه واقدره وصدقت يا بعدي كلامك صحيح

والله يجزاك الف خير على النصيحه ومأجور ان شاء الله

وأنا اعتذر من الرجال اذا أخطيت بحقه بكلام ناقص ولا تجريح ولعل الأمر يكون سهل ان شاء الله


ـــ