مشكلة بسيطة بالفتك نبي الحل لو تكرمتوا

[وليد46]

السلام عليكم ورحمة الله وبركاته

ياشباب معي فتك 2007 وماشاء الله الموتر مافيه خلاف بس عندي صوت بسيط ورافع ضغطي

وهالصوت مايطلع الا مع البرد يعني طول الشتا الي راح فيه الصوت واذا دفى الجو راااح مرررره

والصوت مثل الصرصره اذا وطى الموتر مطب على ميلان ماادري وشلون اشرح هالصوت

المهم غيرت جلد العامود حق التوازن ولافاد غيرت المساعدات وغيرت مساعد الدركسون


وشحمت الموتر ولا راح مايروح الا اذا راح البرد حتى ركب معي عامل الورشة اذا


لفيت بالدركسون يمي ويسار بقوه يطلع الصوت واضح بس قال جلد وغيرت ولا فاد للمعلومية الصوت مايطلع ابد اذا لفيت والموتر واقف

الله لا يهينكم ابي الي صار معه هالشي يعلمنا ولا احد يقول هذا صوت عادي ولازم تعود

على الاصوات لان موتري ماشاءالله مافيه الا هالصوت ولا احد يقول جاك الصيف تبي ترتاح

تكفون نبي حل 

اسسف على الاطاله

[Noz]

اخي وليد ان شاالله المشكلة بسيطه هذا جلد بدي واكثر شي يطلع هل صوت من مقدمة السيارة اذا مشيت اكلت مطب او لفيت يمين ولا يسار وانت ماشي طبعاً

صارتلي هل مشكلة من زمان واخر شي طلع جلد بدي و ان شا الله افتدك

[ابو شريفة]

السـلأآم عليكم اخوي
شوف كراسي البدي احتمال يكون منهن
اتمنى لك التوفيق

[ابو شريفة]

شـف اخوي وليد اذا تبي تغير كراسي البدي نصيحة لك
غيرهن كلهن حتى لو كان واحد منهن كويس ماجاه شي
لان ماراح يكون موزون صح وتقريباً يكلفن حوالي 350 ريأل
والتركيب غالباً بحود الـ 150 ريال
واتمنى لك التوفيق

[لاتكب البيالة]

يا جماعة هل الوقوف الطويل للسيارة يؤثر على جلد البدي مثلا 6 شهور

[وليد46]

السلام عليكم

الف الف شكر لكل واحد رد على الموضوع الله يجزاكم كل خير ولا يحرمكم الاجر

بس عندي سؤال الله لا يهينكم ابي اعرف وين مكان جلد البدي بالضبط لو تكرمتو

لاني غيرت جلد العامود كلهن ولا فاد هل جلد البدي يختلفن عن جلد العامود الله لا يهينكم ويجزاكم كل خير

[وليد46]

اخي وليد ان شاالله المشكلة بسيطه هذا جلد بدي واكثر شي يطلع هل صوت من مقدمة السيارة اذا مشيت اكلت مطب او لفيت يمين ولا يسار وانت ماشي طبعاً

صارتلي هل مشكلة من زمان واخر شي طلع جلد بدي و ان شا الله افتدك

ياهلا ومسهلا بك اخوي الغالي والف شكر على تفاعلك وعلى ردك

وصدقت ياخوي الصوت من مقدمة الموتر بس سؤال الله لا يهينكم ليش الصوت بس بالبرد

لو على كلامكم جلد البدي او كراسي البدي كان ماراح الصوت بالصيف صح ولا انا غلطان

ودي والله اتاكد قبل اغيرهن

[البناوي 12]

:D:good2:الجلد بلشتى تكمش وتسوى صوت وبللصيف تتمدد بحم الحراره ويختفي الصوت ..وسلامتك يلغالي... خذ العلم ..

[أبوعزام660]

إذا كان الصوت مثل صوت تانكي الماء عادي هذا صوت الياي يكون فيه غبار

وفيه واحد متميز بالباترول وهو ابوسليمان الهبيش ببريدة ورقم جواله إذا عند استفسار اتصل عليه مباشرة

0503142571

[ابوسند9]

الاخ وليد الشباب ما قصرو افادوك
لكن بالنسبه لكراسي البدي عددها عشر كراسي كل جهه فيها خمس كراسي وموقعه بين البدي والشاصي يعني البدي جالس عليها
واحد قدام وتشوفه من عند فتحات شبك السياره وثلاثه بين الابواب الجانبيه وواحد خلف مره فوق الدبه الاخيره والعكس للجهه الاخرى
ولو تنزل اسفل السياره راح تشوفها واضحه والكرسي العطلان واضح راح تحصل فيه اثر فضوه او اثر احتكاك بالبدي
لكن بما انا سياراتك 2007 فما اعتقد ان الصوت منها وانتبه تغيرها ولو غيرتها بتقول ليتني ما غيرتها وراح تحصلها جديده .واسعارها تقريبا ب 1400 ريال وتركيب ب 350 ريال
نرجع لموضوع الصوت
بما ان اسفل الباترول ربل في ربل
فا الصوت يصعب تحديده يمكن من ربلات الياي او المساعد او عمدان التوازن او الربطات الاماميه او الخلفيه او كرسي القير او شيلات الكنداسه يعني اشياء كثيره
والحل انك تشتري بخاخ زيت او صدى وترش ربله وحده وتجرب تبداء مثلا بربل الياي جهه واحده وهكذا ربله ربله حتى تحدد موقع الصوت

[وليد46]

:D:good2:الجلد بلشتى تكمش وتسوى صوت وبللصيف تتمدد بحم الحراره ويختفي الصوت ..وسلامتك يلغالي... خذ العلم ..

بيض الله وجهك وماقصرت يالغالي وهذا الي حاصل

[وليد46]

إذا كان الصوت مثل صوت تانكي الماء عادي هذا صوت الياي يكون فيه غبار

وفيه واحد متميز بالباترول وهو ابوسليمان الهبيش ببريدة ورقم جواله إذا عند استفسار اتصل عليه مباشرة

0503142571

الف شكر لك ابو عزام والموضوع احس انه مايستاهل الهبيش لكن نبي نساله والله يكتب الي فيه خير

[وليد46]

الاخ وليد الشباب ما قصرو افادوك
لكن بالنسبه لكراسي البدي عددها عشر كراسي كل جهه فيها خمس كراسي وموقعه بين البدي والشاصي يعني البدي جالس عليها
واحد قدام وتشوفه من عند فتحات شبك السياره وثلاثه بين الابواب الجانبيه وواحد خلف مره فوق الدبه الاخيره والعكس للجهه الاخرى
ولو تنزل اسفل السياره راح تشوفها واضحه والكرسي العطلان واضح راح تحصل فيه اثر فضوه او اثر احتكاك بالبدي
لكن بما انا سياراتك 2007 فما اعتقد ان الصوت منها وانتبه تغيرها ولو غيرتها بتقول ليتني ما غيرتها وراح تحصلها جديده .واسعارها تقريبا ب 1400 ريال وتركيب ب 350 ريال
نرجع لموضوع الصوت
بما ان اسفل الباترول ربل في ربل
فا الصوت يصعب تحديده يمكن من ربلات الياي او المساعد او عمدان التوازن او الربطات

الاماميه او الخلفيه او كرسي القير او شيلات الكنداسه يعني اشياء كثير
والحل انك تشتري بخاخ زيت او صدى وترش ربله وحده وتجرب تبداء مثلا بربل الياي جهه واحده وهكذا ربله ربله حتى تحدد موقع الصوت

الله يجزاك كل خير وعسى ربي يحرم هالوجه من الناار الف الف الف شكر لك اخوي ابو سند 9

وماقصرت يالغالي وانا شيكت على المساعدات وعلى ربلات عمدان التوازن وغيرتهن ولا زال الصوت موجود بس دام كراسي البدي ب 1400 بلاااش تغيرهن

ولا زلت على امل ان فيه احد عنده نفس هالصوت ويبي يعلمنا عن الحل الاكيد والامثل

[Noz]

ياهلا ومسهلا بك اخوي الغالي والف شكر على تفاعلك وعلى ردك

وصدقت ياخوي الصوت من مقدمة الموتر بس سؤال الله لا يهينكم ليش الصوت بس بالبرد

لو على كلامكم جلد البدي او كراسي البدي كان ماراح الصوت بالصيف صح ولا انا غلطان

ودي والله اتاكد قبل اغيرهن

فيه طريقة اخوي وليد سهل وغير مكلفة وهي انك تدبل جلد البدي (قطعه ربل ) فوق القديمة وغير مكلفة اتوقع 200 ريال الى 300 تكلفة، بصيف يكون فيه ليونه في جلد بحكم حرارة الجو ام في شتاء اكيد بتكون شادة ومتقلصه وتقبل تحياتي

[5200]

السلام عليكم ورحمه الله

اذا كان عندك صوت صرصره اتوقع عندك شق بالبدي هذا احتمال وبعدين الباترول علشان حديده خفيف يتشقق مع اماكن صعبه زي مثلا بين الطبلون والمكينه يعني يبيلك كهربائي يفكك الطبلون علشان يلحم الشق هذا.... تبي شوري رح لمحل تربيط فاهم يفحصلك السيارة اول شي وبعدين على حسب الفحص يعطيك النتيجه فيه محلات تربيط بالرياض بطرانه بس الله يعينك على السعر اسعارهم خرافيه بس تطلع السياره من عنده كنها جديده ...بالتوفيق

[ابوسند9]

الاخ وليد
معروف ان الربل يطلع صوت بس بالشتاء واغلب السيارات وبالصيف يختفى الصوت مسئلة تمدد وانكماش
وبالنسبه لتدبيل الكراسي انتبه تسويها لانها تسوي شعور بالبدي لقساوتها
وكلام اخونا 5200 صدقني ان بدي الفتك جبار مهما تسوي فيه نادر جداااا تحصل شعر بالبدي عكس التايوتا واالي كل بديه خرائط شعور
اخوي وليد جرب الطريقه اللي قلت لك عنها وابداء بالجهه الاقرب للصوت بخاخ ب 10 ريال وخلي احد يرش وانت جرب ما تاخذ المسئله منك نص ساعه

[وليد46]

جمل الله حالكم وماااقصرتوا وبيض الله اوجيهكم

وخاصة اخوي ابو سند9

الف شكر لك اخوي وبجرب ان شاءالله بس شف اليوم لان الجو دفا راح الصوت مررره

اكيد انه مثل ماتفضلتوا ربل ب ربل