راعي العجراء والوقايه خير من العلاج

[راعي العجراء]

السلام عليكم ورحمة الله وبركاته
اليكم هذه السالفه القصيره
بعنوان
الوقايه خير من العلاج
فيه مجموعه من الرجال كانوا على مائده طعام في عزيمه
والعشاء من اول مافيه رز
اما قرصان والاجريش او مرقوق او مطازيز
وكان الاكل حار جدا وحينما شرعوا بالاكل مد واحد يده على الصحن يبي ياكل ولا الاكل حار جدا
وخجل ان يرجع اللقمه الى الصحن حس ان الموجودين كلهم يتطلعون اليه ولكن يده احترقت من الحراره فاضطر ان ياكلها فادخلها في فمه
يوم اشتدت الحراره في فمه فاضطر ان يبلعها وهي حاره وحينما بلعها ولاها حاره جدا
فقام من الصحن وهو يقول (روغي يكبدي جاك الحار) الضعيف يبيها تهج عن الحار
بس مدري وين يبها تزبن عن الحار
واصبح مثل شعبي حينما يحس الشخص في امر لايستطيع الفكاك منه
انتهت السالفه
وقبل الحتام سبحانك اللهم وبحمدك لا اله الا انت استغفرك واتوب اليك
ارجوا ان تكون السالفه اعجبتكم
تحياتي للجميع

[قوافي ( أم نهار )]

حياك ربي اخوي
اجل استوى الضعيف وين يبي تسبده تروح..كل الطرق تؤدي إلى روما..كلش بيستوي وما يلام لو ترك الغدا بركان داخلي
اشكرك على تعريفنا بالمثل وسبب تسميته
دمت بحفظ الله
تحياتي.اختك
..قوافي..

[مكرم الضيف]

تسلم اخوي راعي العجرا على السالفه والله يعين كبيدته على الحار
ومشكور على مجهوداتك


وتقبل تحيات اخوك

[ابو صفوق]

ياهلا ويامسهلا براعي العلوم الزينه
انت علاج لكلش الله لايضرك لا قوة الا بالله
انصلخت الخشه الله يعينه اجل الشاهي مؤجل لحين الاستواء
الله يجزاك خير والله انا اول مره اسمع المثل ومنكم نستفيد
كل تقدير واحترام اخوي راعي العجراء والله يزيدك من فضله ويحببك خلقه
ابو صفوق الثنيان

[ام الايتام]

وعليكم السلام ورحمة الله وبركاته

اول مره اسمع بالمثل وقصته

عجبني المثل نحتاجه كثير في حياتنا :p

ومنكم نستفيد

تسلم على السالفه:good2: و نطلب المزيد من سوالفك الممتعه:)

الف شكر اخوي راعي العجرا

[شاعر وحساس]

حبيت امر واسلم دام الاحباب مجتمعين هون

[سليمان الربيعان]

الله يكفينا الشر والواحد ينتبه
وياما تشققت احلوقنا واليدين من الحراره
تقبل تحياتي....

[النبهاني]

وعليكم السلام ورحمة الله وبركاته
حياك الله ياراعي العجراء
الضعيف يبيها تهج عن الحار
بس مدري وين يبها تزبن عن الحار
اي والله وين يبيه تروح الضعيفه
طرى على اللي رد على موضوع التحذير من العاصفه الشمسيه
يوم يرد عليه ويقول وين تبينا نطير وين نروح عن الارض
مشكور ياراعي العجراء
دمت بخير

[ابو صالح 4]

جزاك الله خير على القصه اللي فهمتنا قصه المثل وانا والله ما اداني الحار ودي اكل بملعقه بس استحي من العرب والا في البيت ما عني وعن الملعقه

[Al3rands]

ههههههههههه الله يكافينا شر النار والزلا قه شينه

[الدافور 1430]

تسلم اخوي راعي العجرا على السالفة

ولا تحرمنا جديدك

[ناصر العلي]

وعليكم السلام ورحمة الله وبركاته
سلمت يالغالي
وصح لسانك على هالسالفة
تذكرت اللي كان ياكل مع مجموعة وإلى الأكل حار ...يبي ياكل...عجز..ضيان تقطع:f..قال..حار...قالوا له أصبر لين يبرد...قال أنتم ماتصبرون:D:good2:
وهو الظاهر خوينا اللي لط هاللقمة الحارة
يالله لك الحمد على نعمك التى لاتحصى
سلمت يالغالي

[محمد الظاهري]

وهلا وياغلا
هي الله براعي السؤالف الزين
ويا عزي عن المسيكين يبي يزينها عن كبده
اشكرك يراعي العجراء
تحياتي وودي

[راعي العجراء]

حياك ربي اخوي

اجل استوى الضعيف وين يبي تسبده تروح..كل الطرق تؤدي إلى روما..كلش بيستوي وما يلام لو ترك الغدا بركان داخلي
اشكرك على تعريفنا بالمثل وسبب تسميته
دمت بحفظ الله
تحياتي.اختك
..قوافي..


ياهلا قوافي
حضورك شرف لراعي العجراء قبل السالفه
واعجابك يزيد السرور سرور
دمتي ياصاحبة الحرف نبراس لخيمة السوالف بحرفك المنير
تحيتي وتقديري

[راعي العجراء]

تسلم اخوي راعي العجرا على السالفه والله يعين كبيدته على الحار

ومشكور على مجهوداتك



وتقبل تحيات اخوك


ياهلا وغلا بالشاعر وراعي السوالف الزينه والعلوم الغانمه
اخوي العالي مكرم الضيف
حضورك شرف لراعي العجراء الله يجزاك خير لقد وسعت صدري بهذا الحضور
لاعدمتك

[عاصفة عروى]

أسجل أعجابي فيك يا راعي العجراء مبدع دائما

[خوي مخباته]

اي والله ماالومــه {روغي ياكبدي جاتس الحار} صار على ماقال الى يقول .. كل مستجيـــر من الرمضاء بـ ناريي
ذالخبل روحها من ايده الى تسبتـــــــــــــــــــه !!!!!
مشكووووووووووووووووووووووووووووووورر اخونا وحبيبنا الغالى " راعي العجـــــــراء " تحيــــــــــاتــــــــي لك
................................................ وفالك طيب ..........................................

[راعي العجراء]

ياهلا ويامسهلا براعي العلوم الزينه
انت علاج لكلش الله لايضرك لا قوة الا بالله
انصلخت الخشه الله يعينه اجل الشاهي مؤجل لحين الاستواء
الله يجزاك خير والله انا اول مره اسمع المثل ومنكم نستفيد
كل تقدير واحترام اخوي راعي العجراء والله يزيدك من فضله ويحببك خلقه
ابو صفوق الثنيان



ياهلا بالعم ابوضفوق
وانت بعد ماتدري وش فرحتي بحضورك
في سالفه من سواليف راعي العجراء
والله ماتزين السالفه بعيني الا ليا شفت منه مثلك وشرواك
متواجدين في ردودهم
دمت بخير يابو صفوق

[النبهاني]

روغي ياكبدي جاك الحار
والله تذكرته لانه صارتلي اليوم بالغدا
نوب اضحك ونوب اتالم
الله يقطع ابليسك يابو جلمبو

[راعي العجراء]

روغي ياكبدي جاك الحار

والله تذكرته لانه صارتلي اليوم بالغدا
نوب اضحك ونوب اتالم

الله يقطع ابليسك يابو جلمبو


هلا بك يابو سالم
اجل راغت كبدك عن الحار