اصحاب القوارب واصحاب الخبرة

[طائر تبوك]

بسم الله
السلام عليكم

ماابي اطيل عليكم يااحبابي

اتمنى من اصحاب القوارب واصحاب الخبرة يفيدوني ويفيدون
الزملا في المنتدى
بأافضل المكائن وافضل الابوات واسعارها
جديد او مستخدم بشتري ان شاالله
اعرف اني تعبتكم بالطلبات لكن كلنا اخوان وان شاالله
في خدمة بعض

* تحياتي للجميع

[عقام الرايس]

افضل المكائن حسب حجم القارب

40 \ 75\ 85\ 115 ياماها تو ستروك ( هذي للكرف والتحمل )

افضل القوارب

ياماها \ كاييلو \ براكودا \ رويال كرافت \ الفردان ( هذا رأيي الشخصي )

تختلف القوارب فكل نوع له ميزات وعيوب حسب طريقة استخدامك للقارب اذا كان صيد او نزهة او تأجير وخلافه

بالتوفيق

[Hawwat Yanbu]

يفيدوك الشباب ان شاء الله

[saeed707]

الله يوفقك في شراء افضل قارب

[صياد بحر وبر]

( منقول للفايده)

السلام عليكم ورحمه الله وبركاته
اخواني هذي بعض المعلومات بأختصار مفيد عن بعض الطراريد الخليجيه
عشان نقلل من الاستفسارات والمواضيع المكرره بالقسم
الكلام اللي بذكره من واقع تجربه سواء معاي او مع عدد من الربع
واليوم بنذكر كم طراد وبعد كم يوم نكمل اكبر عدد من الطراريد ان شاءالله
اللي بياخذ بالكلام حياه الله ومساعده اخواني تسعدني واللي مومقتنع هم حياه الله ومايشوف شر
_______________________________________________
القلف كرافت القصه القديمه الدولفين والديلوكس
ال 31 الديلوكس : طراد ممشاه بالموج معقول وحلو ودقته معقوله كذلك شكله ممتاز . المكاين المناسبه له 200-200 وسرعته بتكوت تقريبا 47 ميل
الطراد ينفع للنزهه وللشغل وفيه ميزه مهمه انه سعره فيه ومايطيح وايد ولا تخسر فيه وايد . عيبه يزقلب بالمطرح لانه موعريض وقصته نوعا ما v

ال 31 الدولفين : نفس المواصفات المذكوره بالديلوكس بس الديلوكس بالشكل وبالموج العالي افضل بشوي من الدولفين وللشغل الدولفين افضل من الديلوكس

ال 24 بوكبينه : القصه القديمه طراد حليو حق الاماكن القريبه المكاين المناسبه له 140-140 الطراد فيه دقه بالموج وصدره خفيف
لاكن احسن من بعض الطراريد يعني الطراد معقول وشكله حلو وخاصه الشياب يحبونه مادري ليش http://www.garooh.com/forum/images/smilies/icon_smile.gif . الطراد جربناه على مكاين 200-200
سرعته 55 ميل لاكن يكسرك من الدق ماينفع تركب اكبر من 140

ال 27 الدولفين : طراد ممتاز على حجمه وشكله حلو وادائه بالموج ممتاز وينفع وللنزهه والصيد والمكاين المناسبه 140-140 وسرعته حلوه
_______________________________________________
البركودا الديلوكس 34 : طراد حمي بالموج ومايهزه ريح والمكاين المناسبه 200-200
بالشكل معقول عيوبه يزقلب وايد ومافيه عرض وتريجه وايد عالي ماينفع للشغل

البركودا العادي : ال 25 او ال 27 طراد حليو وممشاه معقول ال 25 يركبون عليه85-85 والطراد بصفه عامه حلو وال 27 يركبون عليه 140-140
______________________________________________
الرنر ال 24 :طراد خفيف وسعره رخيص ويركبون عليه 200 وحده او 85-85 او 115-115
وبكل الاحوال الطراد مايعجبني وخاصه بالموج المشاهد تتكسر مميزاته خفيف ومايغرف وسعره رخيص
لكن يدق وافضل شي عليه مكينه وحده 200

الرنر ال31 او 33 : يفرق وايد عن الرنر الصغير وبالموج حلو والشكل حلو خاصته اذا ركبت عليه كبينه حلوه
المكاين المناسبه 200-200 وسرعه ممتازه يمشي اكثر من 47 ميل
______________________________________________
الدرازي ال 23 : طراد معقول ودقته معقوله وسعره حلو وحق الاماكن القريبه ممتاز المكاين المناسبه 200 وحده

الدرازي 25 : طراد حلو وممشاه بالموج زين وسعره زين المكاين المناسبه 115-115 او 140-140 او 250 وحده
في ناس تقول 85-85 حلوين عليه . ماعتقد هالكلام صحيح لانه جربته مايمشي اكثر من 32 ميل وهالممشى موممشى طراد بحجم25
_______________________________________________
العماني 20 : طراد ماشي حاله وبالشكل ممتاز وبالموج يمشي الحال والقديم افضل من الجديد لانه وزنه اثقل
المكاين المناسبه 85-85 او 200 وحده وبصورهعامه الطراد حلو على حجمه وعيبه يزقلب
_______________________________________________
الروضان 21 : طراد عادي يمشي الحال حق الاماكن القريبه وفيه دقه ومايختلف عن العماني وايد المكاين المناسبه نفس العماني
_______________________________________________
الرهيب 25 : طرادحلو بالموج وسعره رخيص وزنه خفيف المكاين المناسبه 85-85 عيبه يغرف بالموج
________________________________________________
سي ماستر 35 :طراد حلو وممتاز بالموج ينفع للنزهه والصيد المكاين المناسبه من 200 الى 250
عيبه ثقيل يكسر القيرات اذا زورت عليه وال35 افضل من ال 33 بوايد
_______________________________________________
شعالي 28شارك :خوش طراد حمي وعلى حجمه شيخ المكاين المناسبه 200-200

شعالي 25 قصه سكرب بوكبينه :طراد ممشاه عادي وزنه خفيف المكاين المناسبه 140-140

شعالي 33 شارك : خوش طراد حمي وممشاه حلو بالموج المكاين المناسبه من 200 الى 250

شعالي شارك31 القديم : اللي يصيرمسلوب ومبوز صدره . طراد فاشل وخساره فيه الكلام http://www.garooh.com/forum/images/smilies/icon_smile.gif

شعالي 33 بوكبينه : طراد ثقيل ويدق بالموج المكاين من 200الى 250 الميزه فيهالطراد بالمطرح ممتاز لو البحر طوفان مطرحه حلو
______________________________________________
رافكو 32 القطري :طراد ممتاز بالموج وشكله حلو المكاين المناسبه 200-200 عيبه يزقلب وايد لانه v
________________________________________________
شراع الخليج 26 : طراد خفيف ويتسكرب بسرعه ويدق المكاين المناسبه 115-115 او 140-140

شراع الخليج 32 قصه رافكو : ماسمعنا احد يذمه وجربه واحد من الربع يقول خوش طراد وتقريبا اخو الرافكو القطري
_____________________________________________
العويس 35 : طراد حمي وبالموج ممتاز ومايهزه ريح والمكاين المناسبه من200 الى 250 عيبه ثقيل ويبيله ناس فاهمه تمسك السكان
واذا زورت على المكاين جهز قيرات جدد
_______________________________________________

نكمل باجي الطراريد بالايام القادمه ان شاءالله
واللي عنده استفسار عن بعض الطراريد يتفضل واذا كنا مجربينه نفيدكم ان شاءالله

يالربع في قروف حلوه لاكن بعض الشباب يذمونها ويقولون انها سيئه . هالكلام صحيح لاكن لازم في اسباب
ممكن المكاين موراكبه عدل ممكن الطراد قياده وسط وانت حطيت كبينه وهالشي يغير ميزان الطراد وبالتالي الممشى يتغير
وومكن التانكي وكل الاغراض ورا وفي وايد اسباب تخرب ممشى الطراد ياريت تحطون هالشي بالحسبان

________________________________________________
الضاعن32 و36 ويف بريكر :طراد حلو وممشاه ممتاز بالموج ينفع للنزهه وماعتقد انه ينفع للحداق لانه ضيج ومافيه مكان تاخذ راحتك
لازم تركبله ترم تاب عشان يضبط المكاين 250 الطراد يزقلب وايد بالمطرح

الضاعن 24 : طراد خفيف وسعره معقول ممشاه فاشل بالموج وبالموي الجنب يشط المكاين 85-85 او 90-90 ماننصح فيه

الضاعن27 : خوش طراد على حجمه سعي ممشاه معقول بالموج المكاين من 140 الى 150 بالمطرح زين الطراد ككل حلو
_________________________________________________
قلف ماستر25 و 28 :طراد حلو ممشاه ممتاز بالموج الجوده ممتازه تشطيب ممتاز . ال 28 يزقلب شوي المكاين 200-200 للطرادين
ينفع نزهه وصيد سعره شوي غالي لاكن جوده التصنيع طيبه
_______________________________________________
الختال 27 و 28 : خوش طراد ممتاز بالموج وزنه لاهو خفيف ولا ثقيل المكاين 140-140 شوي يزقلب ورقعته نازله ممتاز للنزهه والصيد
ممشاه يوصل 37 ميل

الختال 32 و 34 : طراد حمي وخفيف بالنسبه لحجمه وممتاز بالموج ودقته ناعمه ينفع للنزهه والصيد المكاين من 200 الى 225 وممشاه
يوصل تقريبا على ال 200 46 ميل
_________________________________________________
سي ماستر 29: خوش طراد راكد بالموج وعلى حجمه ممتاز وينفع للشغل والنزهه المكاين المناسبه 150-150 لانه ال 140 ماتمشيه وعلى ال 140 سرعته
ماتتعدا ال 33 ميل

تحياتي للجميع

[طائر تبوك]

اشكركم ع المرور والرد
والشكر مخصوص لصياد بحر وبر
وعقام

[غوااص رابغ]

والله اخوي مواطير انا انصحك بال40 سوزوكي وياماها و75 ياماها و90 سوزوكي

والقوالب انصحك بالكايلو

[طائر تبوك]

الله يعطيك العافيه ي ياغواص رابغ

[accentkool]

مكاين الياماها مافي غيرها تختار القوة حسب حجم الطراد
القالب الروضان الفردان كايلو والضاعن