ضرب الشبك وحذف أربع أربع من كل جناح

[فهد الحنيني]

السلام عليكم ورحمة الله وبركاته
مساء الخير جميعا,,
جاب الله كراوين وهديت فرخ ولحق الكروان وزبن شبك غنم,,
دخل الكروان من بين فتحات الشبك وجاء على سرعته وضرب الشبك ضربه قويه :(
المهم دامت المعركه من بين الشبوك لحد ماذبح الكروان وتعشاه,
من بكره دعيت الطير وجناحه مافيه شي لكن الغريب حذف اربع من كل جناح ,, مع العلم ان صنعته ماتغيرت ونفس الوزنه.
سؤالي: هل الضربه لها دخل بحذف الريش ؟؟ ومتى يحذف الثالثه؟
سألت بعض الصقاقير قالو اذا حذف اربع اربع جميع راح يصوم عن حذف الريش وماراح يحذف الثالثه الا بوقت متأخر..
قلت أشوف صقاقير مكشات ان كان أحد منهم مر عليه هالموقف يفيدنا وله منا جزيل الشكر..

[ذراع الذيب]

السلام عليكم ورحمة الله وبركاته,,
مسيت بالخير يافهد..

فيه طيور تحذف ريشتين من كل جناح وماهي غريبه لاكن الغريب عندي هو طيرك..
وان شالله يجي من يفيدنا فيه وتحياتي لك,,

[سنجااار]

سوات طير ماهيب طبيعيه اسأل اهل المرابط هم من يفيدونك اكثر

[فهد الحنيني]

السلام عليكم ورحمة الله وبركاته,,

مسيت بالخير يافهد..

فيه طيور تحذف ريشتين من كل جناح وماهي غريبه لاكن الغريب عندي هو طيرك..

وان شالله يجي من يفيدنا فيه وتحياتي لك,,


وعليكم السلام ورحمة الله وبركاته
الل يمسيك بالخير والعافيه فعلا أخووي كلامك صحيح على ريشتين لكن اربع جميع والله غريب
يعطيك العافيه وماقصرت يالغالي

[فهد الحنيني]

سوات طير ماهيب طبيعيه اسأل اهل المرابط هم من يفيدونك اكثر
حياك الله ياسنجار وماقصرت يالغالي وان شاء الله أهل المرابط مايقصرون

[عواد الشمري2]

حذف اربعه مع بعض مره وحده ولا لا

[فهد الحنيني]

حذف اربعه مع بعض مره وحده ولا لا
هلا بالشيخ عواد. ايه نعم اربع كلهن بيوم واحد والحين باقي فيه الموس والنايفه والثالثه
حاله نادره واول مره تمر علينا..

[عواد الشمري2]

هذي مدري انا عندي طير حذف اربع من كل جناحبس بسبوع مهن بيوم واحد
بس ابي اسالك صحته كويسه الطير ومن صدم الشبك حذف الريش

[فهد الحنيني]

هذي مدري انا عندي طير حذف اربع من كل جناحبس بسبوع مهن بيوم واحد
بس ابي اسالك صحته كويسه الطير ومن صدم الشبك حذف الريش
الطير ولله الحمد صحته زينه ودعيته بعد الضربه واموره تمام والحين بالمربط طلق من شبه الى شبه ولاعنده خلاف وحذفه للريش بعد الصدمه بيوم تقريبا

[اخو رفعه]

السلام عليكم ورحمة الله وبركاته

اول شي جعل ربي يجعل فيه خير
وانشاءالله انها طبيعيه ولا فيها اي شي


لكن ودي اعلمك في شغله حصلت معي

طال عمرك مثل هل حاله صارت مع قرناس عندي
لكن الطير الي عندي مادعم شي كنت رابطه ارضي
وصاام الطير عن قط الريش وكاد الطيور الي معه
قطو السابعه والسادسه والخامسه .. وهو علا وضعه

المهم كلمت راعي المربط وقلت له اطلق الطير في مربط
الطلق وسبحان الله خليته اربع ايام ورجعت شفت الطير
اله هل ثلاث من كل ريش وهذي طبيعيه في القرانيس

لكن الي عندك فرخ وهذا الغريب فيها

نصيحه اذا عندك مستشفي زين افحص دم لئنا
راح يبين عندك كل شي

ويش الي سبب حذف الريش المبكر

[اخو رفعه]

السلام عليكم ورحمة الله وبركاته

اول شي جعل ربي يجعل فيه خير
وانشاءالله انها طبيعيه ولا فيها اي شي


لكن ودي اعلمك في شغله حصلت معي

طال عمرك مثل هل حاله صارت مع قرناس عندي
لكن الطير الي عندي مادعم شي كنت رابطه ارضي
وصاام الطير عن قط الريش وكاد الطيور الي معه
قطو السابعه والسادسه والخامسه .. وهو علا وضعه

المهم كلمت راعي المربط وقلت له اطلق الطير في مربط
الطلق وسبحان الله خليته اربع ايام ورجعت شفت الطير
اله هل ثلاث من كل ريش وهذي طبيعيه في القرانيس

لكن الي عندك فرخ وهذا الغريب فيها

نصيحه اذا عندك مستشفي زين افحص دم لئنا
راح يبين عندك كل شي

ويش الي سبب حذف الريش المبكر

[فهد الحنيني]

السلام عليكم ورحمة الله وبركاته

اول شي جعل ربي يجعل فيه خير
وانشاءالله انها طبيعيه ولا فيها اي شي


لكن ودي اعلمك في شغله حصلت معي

طال عمرك مثل هل حاله صارت مع قرناس عندي
لكن الطير الي عندي مادعم شي كنت رابطه ارضي
وصاام الطير عن قط الريش وكاد الطيور الي معه
قطو السابعه والسادسه والخامسه .. وهو علا وضعه

المهم كلمت راعي المربط وقلت له اطلق الطير في مربط
الطلق وسبحان الله خليته اربع ايام ورجعت شفت الطير
اله هل ثلاث من كل ريش وهذي طبيعيه في القرانيس

لكن الي عندك فرخ وهذا الغريب فيها

نصيحه اذا عندك مستشفي زين افحص دم لئنا
راح يبين عندك كل شي

ويش الي سبب حذف الريش المبكر
وعليكم السلام ورحمة الله وبركاته
ياهلا باخو رفعه وجزاك الله خير على هذا الدعاء ومشكووور وماقصرت وبيض الله وجهك على هالمعلومات,,,
الطير لاصار طلق يرتاح أكثر ويهل الريش مثل ماتكرمت وبالنسبه للمستشفى مامريته ولا حللته .. قلت دامه يطير ماعليه ان شاء الله وعسى الله يوفق ان شاء الله

[عواد الشمري2]

الطير ولله الحمد صحته زينه ودعيته بعد الضربه واموره تمام والحين بالمربط طلق من شبه الى شبه ولاعنده خلاف وحذفه للريش بعد الصدمه بيوم تقريبا






اجل ياشنب مابوه خلاف انشالله مابه بلا

[فهد الحنيني]

يعطيك العافيه أخ عواد ومشكور على مشاركتك يالغالي

[سان جورج]

ممكن الطير كان ضعيف وانت رفعته مرة واحدة وهذي تحصل كثير وهي افضل طريقة لسرعة تغيير الريش

[فهد الحنيني]

ممكن الطير كان ضعيف وانت رفعته مرة واحدة وهذي تحصل كثير وهي افضل طريقة لسرعة تغيير الريش


ياهلا والله وغلا بسان جورج .. الطير صنعته زينه ووزنه ثابت ,,
وكلامك في محله اذا صار الطير ضعيف بعدين رفعته يحذف ريشه .. شاكر لك مشاركتك اخوي