هذه الكفرات بين أيديكم بأسعارها فانصحوني وفقكم الله أيها أستخدم ؟

[صفحة تربوية]

هذه الكفرات بين أيديكم بأسعارها فانصحوني وفقكم الله أيها أستخدم ؟

استخدامي لها في

البر مسحيات وحصى بالشهر ثلاث مرات بسبب المزرعة

وفي الأزفلت أسافر كل أسبوع 200 كم

وأنا ساكن بوسط مدينة

نوع السيارة تويوتا

المقاس المطلوب هو 265 / 70 / 17

الانواع المفضلة لي هي :

ميشلان كندي سعره 920 ريال

بريجستون ياباني سعره 750 ريال

هانكوك كوري سعره 720 ريال

جينرال أمريكي سعره 690 ريال

أيها أختار وفقكم الله مع الفلوس عادي عندي مافيه مشكلة أدفع

[أبو كريم 91]

جنرال عندي ماعليهم خلاف الحمد لله
والقود يير بعد جربتهم قبل الجنرال وطيبين بالحيل
المقاس 265 / 70 / 17
كلهم صناعه امريكي
كانت راكبه على تاهو جنط ١٧
وبالتوفيق للجميع

[حامل السيف]

إذا أنت تبي أخ لك مجرب

عليك بالدنلوب الأصلي فهو الوحيد من هذا المقاس المطلوب اللي يجمع بين التحميل والراحة

[patrol vtc]

أخوي ارشح الميشلان اذا كان كندي , ,

أو مثل ما ذكر أخوي حامل السيف الدنلوب الياباني ممتاز , خط برر , نقشته طيييبه , واحرص عالتاريخ الجديد .

:)

[القناص]

دنلوب
الاصلي
من بن زقر
مريح ولين
تحياتي
:)

[على رمشي تمشي]

للجلد خصوصاً الردميات مامثل الياباني ، عندك اليوكاهاما - تويو - دنللوب لينه ومريحه ماهي مثل البرنجستون قاسي شوي بس عز الله انه كفر يشلخ الحصى شلخ - اذا من الانواع الى اخترتها الميشلان والله يطرح بهن البركه

[Bader-M]

وعليكم السلام
دنلوب و الهانكوك

[معكالي]

الهنكوك سعرها630 في الغرابي شرق المسجد الحجر من الوكيل مع التركيب والترصيص موفق باذن الله ترى عليها عرض هذه الايام واترك المحلات الباقيه خذها من الوكيل احسن لك

[hamadah06]

اخى الكريم اشترى دنلوب وسعره 750 ريال وعبى الكفرات فريون وليس هواء
وربنا يسترها معاك فى حلك وترحالك

[بن لوتيه]

دنلوب 265/70/17
نصيجه اشره وما جاك علي
رح للغرابي وسعر عند المحلات الى ان تلقى الارخص
ما اتوقع سعره 750 بتلقى اقل وتاكد من التاريخ
انا مركبه في 4 شهور ب 670اذا ارتفع الله اعلم

[GM_400]

الله يرحمنا برحمتة وش هالأسعار الله يعينا على جشع التجار

كنا نركب افضل طقم بــــــ1500 ريال

[اتجاه السحاب]

دنلوب وارد بن زقر وأحذر وارد الامارات

[راع العراوي]

اخوي ان كانك دروبك مغير حصى وزفلت خذ برجستون لانة قاسي يتحمل الحصى

[فتاح الجواد]

دنلوب 265/70/17
نصيجه اشره وما جاك علي
رح للغرابي وسعر عند المحلات الى ان تلقى الارخص
ما اتوقع سعره 750 بتلقى اقل وتاكد من التاريخ
انا مركبه في 4 شهور ب 670اذا ارتفع الله اعلم

انا مؤيد للدنلوب ومن عدة تجارب

[رفيع المقآم]

رايي لك الدنلوب ولا اليوكوهاما

البرجستون قاسي مره

كانك ملزم ع البرجستون خذ فايرستون اصرف لك قوي بس الين من البرجستون

[عبدالرحمن الحربي]

طيب المشلان هم صحيح إنه سهل جدا إنه ينسطح مع الجوانب لأن جوانبه ضعيفه

[alsamh]

اخوي انا ابحث مثلك لكن الاسعار هذي اغلي من الى وجدت
قودير=== صوت مزعج اهل الحاره يبلغون عنك المرور
الميشلان === ضعيف مع الجوانب
انا بحثت في الرياض في المحلات الى عند مخرج 14 الربوه الخضار افضل من الاسعار الي انت ذاكرها

يبدو اني رسيت علي الجنرال الامريكي لكن لم اجد تاريخ 2012 حديث

[عبدالرحمن الحربي]

اخوي انا ابحث مثلك لكن الاسعار هذي اغلي من الى وجدت
قودير=== صوت مزعج اهل الحاره يبلغون عنك المرور

يبدو اني رسيت علي الجنرال الامريكي لكن لم اجد تاريخ 2012 حديث

صدقت اخوي فوق هذا

القودير كنت مركبه على كابرس معي

والله إن المساعدات ما تعيش مع القودير من شدة قساوته

وإذا أخذت المطب وأنت مهدي تشعر فيه بقوة داخل السياره

القودير يكسر السياره

[مصلح بن بيئي]

من الانواع اللي حددتها انصحك بهانكوك افضل الاربعة اللي ذكرتها بالراحة
ومن غيرهن انصحك بالدنلوب جيدة جدا ولو انها تكون اقسى من الهانكوك

[ديفون]

طيب ياالربع على طاري الصيني ولا يهون صاحب الموضوع . كم مدته وهل هو عملي

[أبو ملاك ك]

دنلوب ياعزوتي

[صفحة تربوية]

شاكرا لكم جميعا طيب ردودكم

بقي معي الخيارات التالية

265/70 /17

دنلوب ياباني بن زقر
أو بريجستون ياباني


سؤالي هل الدنلوب يبنشر ويخرب في الحصى

[اسهيل]

يوكوهما احسن شي

[الكابتن.]

وعليكم السلام عليك بالهانكوك 8 غاط وبس

[الفوازي الحربي]

دنلوب وبس اشهد انه خوي الجيب

[اقدم صقار]

السلام عليكم
تبي النصيحه
ركب ميشلان لك وللزمن بعد ستر الله ما تفك الكفر الا مع التغير بعد كم سنه
مجرب ولا يهمك السعر
انا راعي بر ومدينه واكثر وقتي بالبر وبصراحه كفر مريح ولين ويعيش
تقبل مروري
اخوك ابو منصور

[قمرنا]

الهنكوك سعرها630 في الغرابي شرق المسجد الحجر من الوكيل مع التركيب والترصيص موفق باذن الله ترى عليها عرض هذه الايام واترك المحلات الباقيه خذها من الوكيل احسن لك

+1
من أفضل الكفرات بكل شي

وفقك الله للصواب

[الخلاوي 15]

الدنلوب .. ولاتنشد خبير وانشد مجرب

نفود - وعر - شعبان

يفرش ويكد ويمد وهادي على الخط

واحرص على بن زقر لو زادت قيمته


والهانكوك لين ويتقطع بعد فتره ..

ياأخوان هو كفر اهم شي بالموتر ... يفرق 100 ريال بالكفر الواحد عن الدنلوب ..؟ هالميه احذفها في الضو واشري سلامتي وراحتي

الدنلووب الدنلووب

[gx-low]

اذا وصلت 900 زد 100 وخذ لك برللي

هو افضل كفر مر علي

وان كان الميزانية وسط خذ دانلوب تكده سنتين ومريح

[القبقب]

البرجستون لن تندم خاصة اذا كان يباني أصلي وعليه الحروف H/A

[البناوي 12]

الجوده والعمر الطويل للميشلان ..يدق معاك 3-4 سنوات زي الحلاوه ..وبلتوفيق ..

[mekshaat]

الله يرحمنا برحمتة وش هالأسعار الله يعينا على جشع التجار

كنا نركب افضل طقم بــــــ1500 ريال




والله يا اخوي انك صادق حتى والله اني مركب قبل كم سنه


طقم جنط 16 ياباني الظاهر انها ما كلفت ألف ريال لكن

الكفرات شئ اجباري حتى الصيني يوم سعرته لقيت

أسعاره تغرد مع الياباني صارت حولها حقين البناشر

صاروا يمدحون فيها ويعطونك ضمان الياباني يعني لازم

تقتنع بأسعارها واتذكر قبل فتره فيه مصنع يجدد دعسة

الكفر.

[alsamh]

حسب افادة البنشري بالحاره (اكثر من 10سنوات بالحاره) ان الزبون اذا كفراته دانلوب و بنشر عند البيت يقول يمشي عليه على الجنط مسافه طويله الي مكان البنشر ويعبي هواء ويرقع تيبلوس ويمشي ولا يخرب الكفر === هو يقول وعلى فكرة مايبيع كفرات حتي لانتهم بالتسويق

[لسان الحقيقة]

1. الهانكوك لين ويتقطع ويبلع المسامير وكل ماجاه << عن تجربة

2. الميشلان جربت الصناعة الامريكية على جمس والحقيقة انه ممتاز في الديرة لكن مدري عنه في الحصى .. وترى صناعاته واجدة وكل صناعة يقال انها تختلف عن الأخرى بالجودة .

3. البريجستون جربته على سيارتي جيب جنط 18 وماشفت منه الاكل خير ممتاز طبعا الصناعة يابانية ووكيله الطلائع على طريق خريص حول شارع الستين بالملز ويفتح باتجاه الشمال .

4. الدنلوب ماجربته لكن معروف عند اهل الجيوب انه يتحمل وترى وكيله في شارع الضباب قدام المدينة الطبية ويفتح باتجاه الشرق .

انصحك بالبريجستون أو الدنلوب لكن خذ من الوكيل أو من ثقة وتأكدت من وجود استيكر الوكيل على كل كفر , وتأكد من تاريخ الصنع لكل كفر .

[راعي طفات]

حسب استخدامك : الدنلوب بن زقر واحذر الاماراتي

730 - 740 قبل اسبوع وقبلها باسبوعين أقل بـ 50 ريال

والاسعار بارتفاع للأسف

[عشق البر]

شاكرا لكم جميعا طيب ردودكم

بقي معي الخيارات التالية

265/70 /17

دنلوب ياباني بن زقر
أو بريجستون ياباني


سؤالي هل الدنلوب يبنشر ويخرب في الحصى

الدنلوب
ميزته لين ومريح وممتاز بالرمل
عيوبه يتمسح بسرعه ويتنتف ويتقطع وحده على الكثير ومع المخاطره 3 سنين

البرجستون
ميزته تحمل جبار ماشاء الله ويكد معك ونقشته ماتتغير واجد ومايضره الوعر وانا اضمن لك بأذن الله انه يقعد معك ثلاث سنين زي الحلاوه
عيوبه قاسي جدا ومايصلح للرمل (مايفرش ابد)