فزعتكم يالأجواد حاللنا لايغدي

[عبدالهادي حسن]

مساكم الله بالخير يالربع

سعيد بإنضامي لكم وأتشرف باللإنضمام لكم وأخوكم محتاج فزعتكم وسعة صدوركم عندي موضوع شاغلني ومضيق صدري

عندي حلال ابل ومحتاج جهاز لاسلكي نوع ممتاز ومداه بعيد وياليت لو توصفون لي عنوان و مكان بيع الجهاز ومميزاته وعيوبه يمكن الموضوع موجود عندكم لكن بالنسبة لي مهم بحكم عندي حلال وبعضه بينتج قريب وإبل غالية علي جداً بعضها فقدت حيرانه بسبب تورطت بأجهزة جابها لي بعض الاصدقاء لكن ماهم بأهل خبرة وأنا مالي خبرة بالأجهزة ونويت أشتري بنفسي وبصراحة شخص قال لي مالك غير منتدى مكشات عندهم الحل ولو فيه أجهزة يدوية لها مدى جيد لاصار الراعي قريب من حمى المراح اقدر ازهم عليه لاني شفتها بمحلات تبيع مواد بناء يزهمون المحاسبين على عمال المستودع

المهم نوع الجهاز وإسمه ومداه ومميزاته وعيوبه وين ألقاه فزعتكم يالربع والله يكتب أجركم

[راعي سهوه]

الاجهزه اليدويه مداه قريب ماتروح غار 7 كيلو لكن تبي لك اجهزه تجيب لك فوق 30 كيلو عندك

الايكوم 8000
والايكوم 2100
والايكوم 2200
لكن احذر الغش واحرص على الاصلي حتى فالارايل ووالقاعده لاتشري الا اصلي
تلقاها عند اخونا ابو تركي معنا فالمنتدى وهذا رقمه تراه رجال ومحل ثقه ٠٥٦٢٢١٣٣٩٩

[ابو البر]

الاجهزه اليدويه مداه قريب ماتروح غار 7 كيلو لكن تبي لك اجهزه تجيب لك فوق 30 كيلو عندك

الايكوم 8000
والايكوم 2100
والايكوم 2200
لكن احذر الغش واحرص على الاصلي حتى فالارايل ووالقاعده لاتشري الا اصلي
تلقاها عند اخونا ابو تركي معنا فالمنتدى وهذا رقمه تراه رجال ومحل ثقه ٠٥٦٢٢١٣٣٩٩
وفيت وكفيت
بس الرجال هو بيسمع النصيحه ولا

لا.

[ابو البر]

معليش اسمح لي

وش دخل حلالك لا يغدي بجهاز

تراك داخل على موقع اقل واحد فيهم ( يعرف الكفت) .

اطرح موضوعك بصدق واضح.

لاتستهتر بالكمبيوتر.

[يوزر نيم]

ماشاء الله عليك /أبو البــر
أنت ملاحظ .. بعض اللي يطلبون (............) ومنهم هذا
مرة يقول (ومحتاج جهاز لاسلكي نوع ممتاز ومداه بعيد )
ومرة يقول (لاني شفتها بمحلات تبيع مواد بناء يزهمون المحاسبين على عمال المستودع )
تحياتي وتقديــــري ،،،،

[عبدالهادي حسن]

راعي سهوه

بيض الله وجهك ورحم والديك ومشكور يامال السلامه

ابو البر..يوزر نيم

جعلنا وياكم ممن يسمع النصيحة ويعطي النصيحة الطيبة اما من ناحية اني داخل على موقع فيه رجال اذكياء فيشرفني تواجدي معهم أما "يعرف الكفت" والله مانيب اعرف الكفت وش تقصده فيه ولا وش هو


ولو لي قصد ثاني وش له الف وادور مالك عندي طلب ولا لي عندك طلب والله وحده من يعلم خفايا الصدور و حسبينا وحسيبك الله يعطي كل واحد على نيته
بخصوص وش دخل حلالي بالجهاز شيء بسيط طال عمرك حلالنا بالجنوب وقريب من مناطق حدودية وأماكن يضيع بها الناس وبها خطر الهلاك وغير هذالاصار جهازك يزهم ومداه بعيد يمديك تلحق تردحلالك ولا لاصرت مضيع وتلقى من يفزع لك ولاتزهم القريب من جماعتك ييفزع لك ولايرد حلالك ولايذكره له عساس من البدو اللي حولك فالجهاز يخدمك بهالحالة
أما الجهاز اليدوي أنا وصفته وشبهته على اللي شفته بمحلات مواد البنا لوجيت اوصفك طير وقلت لك طير وسكت ماراح تعرف وش اقصدمن الطيور ولكن لا وصفته له وقلت يشبه الحبارى ولايشبه القطا تقدر تعطيني رد لانك عرفت وش شكل الطير
بخصوص لو كان مداه 7كم كماقال راعي سهوه فهذا طيب لاخذ الرجال ولده ولا أخوه الصغير ولا رجال كبير يساعده وينتظره بالمراح لين يرد عليه البل لاقبلت زهمت عليه وجاوبك البل هدفت لمراحها خصوص وانت ماعندك غير موتر واحد ما اخبر الركبي يركبون له جهاز تقدر تزهم راعيك وتوفر دراهمك بدل الثريا وغيرها وينفعك لاصرت تدرب الهجن والراعي اللي يسوق البل بالقليصه ولاصرت معك شيبانك وبعضهم عاجز يقدر يزهمك لاصرت بمدى اليدوي تقضي لزومه خصوص وانت تكون بمكان بها ارسال غير الثريا وهو غالي كان اقدر اكتفي برد الاخ راعي سهوه لو بغيت لكن حبيت اوضح لكم والله يسلمكم

[ابو البر]

راعي سهوه

بيض الله وجهك ورحم والديك ومشكور يامال السلامه

ابو البر..يوزر نيم

جعلنا وياكم ممن يسمع النصيحة ويعطي النصيحة الطيبة اما من ناحية اني داخل على موقع فيه رجال اذكياء فيشرفني تواجدي معهم أما "يعرف الكفت" والله مانيب اعرف الكفت وش تقصده فيه ولا وش هو


ولو لي قصد ثاني وش له الف وادور مالك عندي طلب ولا لي عندك طلب والله وحده من يعلم خفايا الصدور و حسبينا وحسيبك الله يعطي كل واحد على نيته
بخصوص وش دخل حلالي بالجهاز شيء بسيط طال عمرك حلالنا بالجنوب وقريب من مناطق حدودية وأماكن يضيع بها الناس وبها خطر الهلاك وغير هذالاصار جهازك يزهم ومداه بعيد يمديك تلحق تردحلالك ولا لاصرت مضيع وتلقى من يفزع لك ولاتزهم القريب من جماعتك ييفزع لك ولايرد حلالك ولايذكره له عساس من البدو اللي حولك فالجهاز يخدمك بهالحالة
أما الجهاز اليدوي أنا وصفته وشبهته على اللي شفته بمحلات مواد البنا لوجيت اوصفك طير وقلت لك طير وسكت ماراح تعرف وش اقصدمن الطيور ولكن لا وصفته له وقلت يشبه الحبارى ولايشبه القطا تقدر تعطيني رد لانك عرفت وش شكل الطير
بخصوص لو كان مداه 7كم كماقال راعي سهوه فهذا طيب لاخذ الرجال ولده ولا أخوه الصغير ولا رجال كبير يساعده وينتظره بالمراح لين يرد عليه البل لاقبلت زهمت عليه وجاوبك البل هدفت لمراحها خصوص وانت ماعندك غير موتر واحد ما اخبر الركبي يركبون له جهاز تقدر تزهم راعيك وتوفر دراهمك بدل الثريا وغيرها وينفعك لاصرت تدرب الهجن والراعي اللي يسوق البل بالقليصه ولاصرت معك شيبانك وبعضهم عاجز يقدر يزهمك لاصرت بمدى اليدوي تقضي لزومه خصوص وانت تكون بمكان بها ارسال غير الثريا وهو غالي كان اقدر اكتفي برد الاخ راعي سهوه لو بغيت لكن حبيت اوضح لكم والله يسلمكم
اولا اقدم لك اعتذاري لو كان ردي ازعجك (واعترف لك ).

ثانيا يا أخي كان با ستطاعتك انك توضح في موضوعك مثل ما انت وضحت في هاذا الرد ويكون شي اجمل واكمل للصوره .

على العموم طلبك يوجد في المرسلات بالرياض واذا حبيت مدى اطول ومن النوع القديم الآصلي مثل (شتل) اوتوع من انواع تليفونات سيناو اللآسلكيه وموديله (668) وهو يناسب حاجتك.

فاذا انت تعرف احد بالرياض
خله يروح لمحل يبيع الآجهزه اللآسلكيه يوجد بحراج الآجهزه الآلكترونيه بحراج بن قاسم
من جهة الشمال

راعي المحل اسمه ابو فيصل .

وحوله ايضا كم محل .
اشرح له الموضوع وهو بيعطيك الشي المناسب .

ملاحظه : اذا ما حصلت

اكتب في قوقل (طلبك ) وتحصل من يبيع مثل هاذا النوع اللي تحتاجه .


اخيرا : اكرر اعتذاري .

وشكرا .

[اجهزة يدوية]

اخوي عبدالهادي اتصل علي لاهنت او ارسل رقمك
٠٥٦٢٢١٣٣٩٩

[جرح روح]

بيفيدوك الشباااب