تكفون شوفو لي حل للفورد ماركيز

[وسم الشما ل]

السلام عليكم ورحمة الله وبركاته
انا عندي مشكله وعقدتني والورش الاجانب يلعبون فيني المشكله فيه صوت عندي عند المكينه صوت طقطقه كل ماادعس عالبنزين يطلع الصوت ولما ارفع عن دعسة البنزين يروح وديته لاحسن ورش الي يقول هاذي الصوت في القير واللي يقول هاذا تنسيم بالقزوز والي يقول عين علما ان السياره ساحبها صاله وجديده وموديلها98 ماودي اطيل عليكم وسلامتكم وارجو الي عنده معلومه يفيدنا فيها لاهنتوا يارجال والله يجزاكو خير

[عناز الحره]

ياوسم الشمال رحت لبودقيقه

[ابوسالم ؟]

السلام عليكم
انشاء الله اني افيدك
1/ شيك علي كراسي المكينه
2/شيك على جلد السحب الاماميه
تحياتي لك
اخوك//
ابوسالم

[qazwsx]

الصوت من دبات التلوث اللتي في الامام
لو حبيت تأكد انزل تحت السيارة في حفرة الزيت تسمع الصوت وهو من احدهما او كليهما
بجوار القير من عند المكينة في الاسفل
http://dc01.arabsh.com/i/00568/r2oejx8nbgmj.jpg

ولا تقوم بتفريغها او التخلص منها احذر



لا تنساني من صالح دعائك بارك الله فيك

[عاشق الكابرس]

افحص طرمبة الزيت وممكن من الصبابات او فحمات الجنزير وسنادته واحيان يكون الصوت من الكنداسه لا تستغرب في احد الفرود طالع فيه صون وزهق من الورش وخر شي طالع في قطع متكسره من الدبه داخاله ومع الدعس يزيد هوا الشكمان ويطقطق

[ماجد22]

رح لم مركز القرعاوي بالصناعية القديمة باخر شارع المنتزة باتجاه الشرق والفحص والتشييك مجاني ولكن عندهم عمالة فلبينية على مستوى
تحياتي

[ابوراكان تبوك]

ياوسم الشمال رحت لبودقيقه

فعلاً ابو دقيقة انا اعتبره كتلوج فوردات معامله من 5 سنوات هو اللي يعطيك العلم

[وسم الشما ل]

الله يعطيكم العافيه وماقصرتو والله يوفق كل من فادنا بكفره

[qazwsx]

اخر الاخبار عن السيارة يا وسم الشمال

[de7my]

كان عندي نفس الصوت من الشكمان...عاد شوفلة حل.

[جارح 123]

ممكن من مساعد الكبوت

[كاشت وحداني]

عزيزي
اذا الصوت كانه حديد يلقلق في بعضه هذي دبات التلوث اللي في الكنداسه
علشان تتأكد شف افادات الاخوان فوق ارفع السياره وحاول تعرف مصدر الصوت
اذا الصوت منها حاول تتناساه
وتعتبره طبيعي ولا تخلي الورش يشيولها لان معدنها غالي ودايم يسرقونها من الناس

[جمس_454_97]

اخوي الغالي هل الصوت في بداية التشغيل وبعدها يروح
او مع المطبات والاهتزازات
او مستمر ؟؟؟

[هواوي الشمال]

اعتقد من الجنزير..< لا تتفلسف ض1
افحص في اكثر من محل اخوي وانتبه من نصب الورش كل واحد يفتي من راسه

[وسم الشما ل]

السلام عليكم يمسيكو بالخير ابشركو رحت لبو دقيقه وفعلا انه معلم طلع الصوت من الكنداسه كشف لي عليها وقال روح لمحلات الكنداسات ورحت وضبطت الحمدلله والشكر لله ثم لكم في مساعدتكو لي وعسى الله يوفق كل من سعى

[ابوراكان تبوك]

الحمد لله انتهت المشكلة وابو دقيقة على قولتهم في دقيقة يطلع لك الخلل

والله اني اجية اشرح له المشكلة على طول يرسل عامل يقول له فك القطعة الفلانية خربانة ولا أناقشة في السعر

ميكانيكي متمكن بمعنى الكلمة