مشكلة في المكيف

[sna-651]

بسم الله الرحم الرحيم

اخواني مشكلتي ان مكيف السيارة وهو طافي تطلع منه رطوبه ورائحه

مثل رائحة ماء الرديتر وهو حار وبصراحه الريح تكتم النفس يعني اذا مشيت لازم افتح الدرايش عشان

ما انكتم وللمعلوميه توي مغير تماتيك المروحه والطبله حقت الرديتر

موتري نافارا2010

[أبوسعد111]

أخوي
هل شيكت على فلتر المكيف ؟
وهل وجود الرائحة في حالة فتح الهواية (دخول الهواء الخارجي)أو بدون ؟
وهل سبق و أن نظفت مواصير المكيف؟

موفق

[ماجد22]

المشكلة عندك ياخوي من ثلاجة المكيف الداخلية يبغالها تنظيف وشكل موترك يمشي بغبار كثير
ولاتنسى تغير فلتر المكيف ان وجد
تحياتي

[كاشت وحداني]

شف فلتر هواء المكيف
تاكد منه اذا من زمان ماغيرته غيره

[sna-651]

الله يعطيكم العافيه الردود السريعه انا موتري مطلعه من الوكاله له الحين حول سنه واربع شهور

ولا عمري شيكت على فلتر المكيف ولا الثلاجه ولا اي شي يتعلق بالمكيف والهوا يدخل علي والهوايه مسكره واذا فتحته زادت الرطوبه والرائحه

بس انا مستغرب ان الما اللي يطلع اخضر مثل حق الرديتر

[ابوسالم ؟]

المشكلة عندك ياخوي من ثلاجة المكيف الداخلية يبغالها تنظيف وشكل موترك يمشي بغبار كثير
ولاتنسى تغير فلتر المكيف ان وجد

انا مع هذا الكلام(يعطيه العافيه)
بس انت تقول مويه خظرا
من فين تطلع المويه
هل هي مويه رديتر والا لا
تحياتي لك
اخوك//
ابوسالم

[أبوسعد111]

أخوي
ما دام إن السالفة فيها موية
فأكيد إنها الثلاجة ومدام إنك بتشيك عليها وبتنظفها فلاتنسى تغير فلتر المكيف ألي بوسط الثلاجة
وإذا أنت بالرياض دليتك على متخصص تكييف

موفق

[sna-651]

الله يعطيكم العافيه تم حل المشكله

لقيت ان ثلاجة المكيف في تسريب فعشان كذا يدخل ماء الرديتر بالغماره

وقالو لازم تغير الثلاجه او تسكر المواسير اللي تجي من الرديتر وتدخل بالثلاجه

فسكرت المواسير وضبطت الامور لكن الحين مافيه مكيف حار بس بارد

قلت احسن الحين الصيف جا

وزان وقت المطاليع هههههه