سقت انا فنجال غطوي مــنهو منهو يشربه,,,,,,,الحل حرف الكاف ,,,,,حله راعي العجراء

[ابو ماجد 2]

بسم الله الرحمن الرحيم


السلام عليكم ورحمة الله وبركاته


ياخيالي لاتمــــــادى اقضب الارض اقضبه.........
.
..........لاتمادى ياخيالي مانبي غـــــــــــير القريب


كني بين اهل الغطاوي فـوق ارض معشبه..........


..........بيننا طيب الخواطر والســـــوالف به تطيب


دلتي بالغطــــــو فـاحت من ورى بيز اقضبه..........


..........ملهبة والغطو يحلى لاغدى المعنى لهيب


سقت انا فنجال غطوي مــنهو منهو يشربه..........


..........مايشفه كود فارس عادته دك الصــــــعيب


منشدي ابو وورعه واضــــــــــح فيهم شبه..........


..........الولد دايم صـــــــــغير والابو ماهو يشيب


نوب يدني له وريعـــــــــــــه نوب لا لايقربه..........


..........سلم ون اخلف ســـلومه كل ابونا له يعيب


ان غدى خلف الجماعه تلقى ورعه يصحبه..........


..........ون تقدم ياصحيبي ماله بالصـــحبه نصيب


مع تحيات ابو ماجد


منتديات مكشات 0 خيمة الالغاز

[ابوماريا]

صح لسانك يابو ماجد2 وسلم بنانك

أبيات رائعة ولغز شكلة قمة فالروعة ،، وماهي غريبة عليك
عاداتك عزالله

مرور تقدير واحترام ولي عودة

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
والله لايضرك
رمعة طرت علنا نظفر ولو برشفة من فنجال غطوك ياأبوماجد
ولو إنه ماركبت معي بآخر بيت
مايصير
الشايب ...المايكرفون الثابت قدام الإمام وولده المايكرفون الصغير اللي يعلق على الثوب

[راعي العجراء]

صح السانك يازعيم
هذي قصيده ماهي لغز
الهال يدري عن الفنجال يابو ماجد يمكن يشرب الفنجال ويقوطر هو وخيله
مع الجاده ويجيب مطلبك
و ازوجه عمتي منيفه
والله من زين الدبره يالهال
رميعه يابوماجد
حرف الكاف في اول السطر ووسطه كـ
وفي اخر السطر ك
وال همزه ء هوالورع في اخر السطر

[badr2003]

السلام عليكم
رميعة للتحريك

حرف الكاف في الاخير ك الولد الهمزة اللي في بطن ل
واذا تقدم حرف الكاف ووصار اول حرف يكتب كذا زي اول حرف (ماعرفت اسويها بالجوال)

[صقر السديرات]

وعليكم السلام ورحمة الله وبركاته
انشهد انك فارس الالغاز
سبك وحبك وقريحة متدفقة
زادك الله من زوايد فضله
ماشاء الله تبارك الله
حبيت اسلم واشيد بهالعملاق
دمت بخير

[badr2003]

معليش يالربع ماشفت المشاركة اللي قبلي الرمعه مسحوبة

[راعي العجراء]

معليش يالربع ماشفت المشاركة اللي قبلي الرمعه مسحوبة

اجيب الونش ياخوي بدر والا سطحه
الا رمعتك هي السابقه
وعوايدك ذبح الالغاز يالنشمي
الا خلهن كلهن كود يقبلهن ابو ماجد
تحياتي يا بدر الالغاز

[الخامسي1]

السلام عليكم ورحمة الله وبركاته وبعد


التحية والسلام في البداية ماعذبه * لغز متعوبً عليه وابوماجد له يجيب
عادته بدع القوافي راكبه ومركبه * والنعم امحصله من بعيد ومن قريب
راعي العجراء هنا مرحبابه واشنبه * وبالفكر ائيده واعتقد انه رهيب
حل لغزك فكرته مثل شرحه واسببه * وننتظر ردك عليه وبعدها الرمعه تطيب
وبدر بالونش اعتبر وقال لازم اسحبه * وراعي العجراء يخوف ونفزع للطبيب
×

[ابو ماجد 2]

صح لسانك يابو ماجد2 وسلم بنانك



أبيات رائعة ولغز شكلة قمة فالروعة ،، وماهي غريبة عليك
عاداتك عزالله



مرور تقدير واحترام ولي عودة


صح بدنك يابو فايز
ومرورك وكلماتك الطيبه تاج على راسي

[ابو ماجد 2]

وعليكم السلام ورحمة الله وبركاته

سلمت يالغالي
وصح لسانك
والله لايضرك
رمعة طرت علنا نظفر ولو برشفة من فنجال غطوك ياأبوماجد
ولو إنه ماركبت معي بآخر بيت
مايصير

الشايب ...المايكرفون الثابت قدام الإمام وولده المايكرفون الصغير اللي يعلق على الثوب


سلمت وصح بدنك دكتورنا الغالي
مالك لوى يالغالي
تحيتي لك وتقديري

[ابو ماجد 2]

صح السانك يازعيم

هذي قصيده ماهي لغز
الهال يدري عن الفنجال يابو ماجد يمكن يشرب الفنجال ويقوطر هو وخيله
مع الجاده ويجيب مطلبك
و ازوجه عمتي منيفه
والله من زين الدبره يالهال
رميعه يابوماجد
حرف الكاف في اول السطر ووسطه كـ
وفي اخر السطر ك

وال همزه ء هوالورع في اخر السطر


صح بدنك ياولد اخو منيفه
وصح لسانك ملايين
وهاللغز استفدنا معلومته من عميدنا الله يرده للنت والخيمه
نعم
حرف الكاف والكاف المصغر اذا اتى بالنهايه
ك
وكنت اعتقد انه همزه ولكن ابو رافع هو من نوه بانه عباره عن كاف مصغر
لله درك

[ابو ماجد 2]

السلام عليكم
رميعة للتحريك

حرف الكاف في الاخير ك الولد الهمزة اللي في بطن ل
واذا تقدم حرف الكاف ووصار اول حرف يكتب كذا زي اول حرف (ماعرفت اسويها بالجوال)

وعليكم السلام ورحمة الله وبركاته
لله درك انت وراع العجراء وصحت السنتكم جميعا
انا عارف انك لم تطلع على مرماع راع العجراء
وماهو غريب عليك صيد الالغاز

[ابو ماجد 2]

وعليكم السلام ورحمة الله وبركاته

انشهد انك فارس الالغاز
سبك وحبك وقريحة متدفقة
زادك الله من زوايد فضله
ماشاء الله تبارك الله
حبيت اسلم واشيد بهالعملاق

دمت بخير


هلا بك يابو فيصل
صح بدنك
والعملاق انت بحضورك وتفاعلك الراقي

[ابو ماجد 2]

معليش يالربع ماشفت المشاركة اللي قبلي الرمعه مسحوبة

لا لاتسحبها يالغالي
تاييدك بحد ذاته يحسسني بورود اللغز فكيف اذا وافق مرماعك مرماع راع العجراء
مثلك يالغالي نعتد برايه ومرماعه

[ابو ماجد 2]

اجيب الونش ياخوي بدر والا سطحه



الا رمعتك هي السابقه
وعوايدك ذبح الالغاز يالنشمي
الا خلهن كلهن كود يقبلهن ابو ماجد


تحياتي يا بدر الالغاز


شفت هالعجراء اللي معك ودي آخذه منك وتقفاك فيها لو كان لي قدره بس الشيب يهد الحيل
ومن قال لك اني عله ياكود اتقبل المرماع
احيانا لو ينوش معظم اللغز اعتبرته توصل للحل وانت تقول خلهن مرماعين كوووووود يقبلهن ابو ماجد

http://images.aarabladies.com/media/images/eb088bbdf.gif
ههههههههههههه
تراي عارف قصدك ولكن مبطين عن المناوشات

[ابو ماجد 2]

السلام عليكم ورحمة الله وبركاته وبعد




التحية والسلام في البداية ماعذبه * لغز متعوبً عليه وابوماجد له يجيب
عادته بدع القوافي راكبه ومركبه * والنعم امحصله من بعيد ومن قريب
راعي العجراء هنا مرحبابه واشنبه * وبالفكر ائيده واعتقد انه رهيب
حل لغزك فكرته مثل شرحه واسببه * وننتظر ردك عليه وبعدها الرمعه تطيب
وبدر بالونش اعتبر وقال لازم اسحبه * وراعي العجراء يخوف ونفزع للطبيب

×


السلام عليكم ورحمة الله وبركاته
هلا بك يابو نايف
صح لسانك وبنانك وكلك
على التاييد وعلى جزالة الرد

[ابوماريا]

ماشاء الله غبوة في غاية الروعة يابو ماجد2
ورمعة راعي العجراء شافية كافية


بيض الله وجيهكم جميع

[ابو ماجد 2]

ماشاء الله غبوة في غاية الروعة يابو ماجد2

ورمعة راعي العجراء شافية كافية



بيض الله وجيهكم جميع


هلا بك يابو فايزشهادة منك تاج على راسي يالغالي
شفت متصفحك هالصبح وحبينا نداعبك بلغز ولكن عملية اخراج اللغز تسبب بطء وملل وعلى بال ماتم اخراجه الظاهر انك غادرت النت