يا اهل الشرقيه لحقونا

[رحلة عمر]

بسم الله الرحمن الرحيم

يا اخوان ابي انا خلاص الخميس نازل ومعي شباب الي بيجلس يوم ويرجع وبصراحة ودي اعشيهم من الصيد الوفير وين تنصحوني اروح راس تنورة ولا الجبيل ولا وين ابي اروح ارمي واسحب على طول بحجم الكف وطبعا كلنا نعرف ان الارزاق بيد الله ومهب بيدي ولا بيدكم

بس انتم تعرفون ووش احسن طعم اشترية


وهل الشرم القمبري اقشرة وارش عليه ملح ولا لا

والخثاق وش يحتاج احط عليه ولا ما يحتاج وابي شين وفير يا اخوان ولحمة مموز على قولة اخوانا المصرين

وابي تدلوني على محل بضاعة صيد رخيص عشان اشتري قشي كله منه

[ابوسالم ؟]

يفيدونك الشباب

[k.fares]

مني من اهل الشرقيه لكن يلا اللقافة حلوة ....خلينا نفيدك
الطعم:أفضل شي خذ روبيان صغير من حق امريكانا ولو تعرف طريقة تركيبه باللف والخ.... يعني تصيد على كيف كيفك
وأنصحك تروح الجبيل

[رحلة عمر]

امركنا ولا اخذ طازة ازين

[الواهج]

حداق النهار ربيان

والليل خثاق

والملح خله للكبسة

وحدق بمكان مايته قصيره لانه هالايام حمل تيارات سريعه

وموفق

[accentkool]

حداق الربيان ابو كيس ازرق جدا طيب
رش علية ملح لين ينشف ويصير قوي
الاشباك تصلح بالعقير والزبنة اما السنارات راس تنورة والجبيل

[ذوالجناح7]

أخوي الحداق بشكل عـــــام ضعيف جداً من السيف


إذا تدور صيد من الحجم الكبير
أرشح لك رأس بوعلي واللحين التصريح مسموح :good2:


وفي المقام الثاني رأس تنورة إذا انت ناوي جلسه على الكورنيش وشوي :f


وترويقه مع الشباب :cool:


وإذا كانت تدور من حجم الكف
وكميه حتى كورنيش الدمـــام يمشي الحال


والخيار لك :s


وبالتوفيق إن شاء الله:r

[RO MY O o]

السلام عليكم

بنسبة للمواقع بالشرقية: عندك الشبيلي بس يبي لك توقف السياره وتروح مشي من عند الدوار الاخير بتلاقي بوابة يا انها مفتوحه تدخل وتمسك اليمين لين أخر ما تحصل البحر.
وان مسكر نفس الشيء تروح يمين لين الشارع يوديك للبحر والخير هناك وفير بس ما اخفيك يجيك التيار بأخر الليل.

عندك بعد بحر تالا بس دخولها لين قبل المغرب والمغرب يطلعونكم الحرس الحدود والصيد هناك والله مره كويس وانواع ممتازه.

عندك بعد يا طويل العمر في كورنيش الخبر بأخر الكورنيش بتلاقي دخله على البحر ويبيلك بدري قبل الزحمه وهناك والله الصيد يمشي الحال.

وأيضآ عندك جزيرة المرجان في الدمام والله أنا بعض الاحيان أصيد هناك ولا مره رحت ما صدت فيها الحمدلله.

وعندك أيضآ الجبيل كورنيش الفناتير مره كويس وعندك قبل طريق بو علي بتلاقي زي الكورنيش جديد.

عندك العقير أن ناوي الجلسه الطويله والشبك والصيد الوفير تمد شباكك والمد وتقهوى وكل بين فتره وفتره أنزل شيك رزقك وما يمنع تصيد بخيطك أو سنارتك وبتحصل أن شاء الله.

عندك راس الخير دام التصريح مسموح وفي تقرير من قبل قريته لأحد الأخوان في المنتدى يقول خوش صيد بس أنا ما أدري ما عمري رحت ولكن لي روحه بأذن الله.

وهذه الاماكن الي أنا أعرفها وأسف على التقصير....

بنسبة للطعم: عندك الربيان أشتريه أنا من سوق السمك حق الخبر قول لهم ربيان حق صيد وراح يعطونك الكيلو بـــ 12 ريال أذا ما وصل بــ 20 ريال أو 25 ريال لا تاخذ أبو 40 و 35 هذا كله حق أكل وركبه بالميدار كامل بس شيل الراس وأن بغيت قشره بعد ومو ضروري تملحه لان كذا ولا كذا بأذن الله بيضرب.

الخثاق كويس بس أنا ما أتعامل معه الا أن كان موجود وبصراحه لكل نوع من الطعم سمك غير هذا الي لاحظته انا.

وبأختصار أن بغيت تختصر الموضوع أحجز لك قارب وأطلع أنت وربعك ومنها تنبسطون بالطلعه ومنها تصيدون تلاقي الارقام حقت القوارب الاجار في المواضيع ويستحسن تطلع بالجبيل.


تحياتي لك..

[رحلة عمر]

ما قصرتو ويا ليت تدلوني على سوق السمك الي بالخبر ان كانة فيه شي هناك

[رحلة عمر]

يا اخوان انا بطلع من البيت الحين مرح ارجع انشاء الله ويا ليت الي يدل سوق السمك الي بالخبر يدلني

[النامون]

بالنسبه لراس ابو علي اشلون اطلع التصريح لانه دوم اصيد بدون تصريح وتقبلووو مروري بصدر رحب