سؤال ضروري لأهل جدة

[الشريف أحمد]

أولاً هذي أول مشاركة لي صراحة وأنا من أشد المعجبين بهذا المنتدى وأتمنى للجميع دوام التوفيق والإستمرارية لما فيه الفائدة للجميع .

عندي كذا استفتسار

بالنسبة لأهل جدة خاصة والجميع عامة أريد اعرف بعض احدايثيات الصيد لمنطقة جدة سواء شمال جدة أو جنوب

ثانياً والأهم الأن لأني ناوي اطلع الأربعاء هذا القادم أو الخميس إلى منطقة تسمى بكشران بالقرب من مجيرمه خلف الشعيبة وشركة التحلية هناك . إذا احد يعرف الطريق بشكل ممتاز ممكن يدلني يفعل خير لأنه سمعت إنه المنطقة ممتازه وصيدها ممتاز وكذلك إذا احد يعرف وصف مجيرمه أكون له من الشاكرين لأني رحت مره وحصت هناك وما لقيت دخله مع انه كان في وصف بس ليس دقيق ورحت مره اخرى ولكن السيارة لم تجمل لأنه الطريق وعر ويبغالها جيب فهذه المره مستعد ومصمم مع أنه المنطقه بعيده قرابت 150 أو 180 كيلو عشان كذا يا ليت احد يفيدني بالوصف . وتسلمووووووووووووووون .

[ابو الخلود]

السلام عليكم ورحمة الله وبركاته


شوف يا أخي انا عندي لك مكان أقرب وأحسن من قشران الي هو (الشجعة) جنوب مركز السودة بحوالي 10- 15 كيلو
يوجد مركز صغير لسلاح الحدود المكان مقابل هذا المركز يوجد ما نسميه بالعامة (حلق) ممتاز جدا لجميع أنواع السمك

[الشريف أحمد]

تسلم اخوي أبو خلووود الصراحة انا رحت كشران هذا الخميس المنطقة صراحة منطقة تمام بس المشكله نفسها هيا هيا اللي نواجها في المنطقة الغربية إنه الواحد لازم يمشي للكسارة او السيف إلى ان يجد مكان يستطيع الوقوف فيه ويجلب لكن يا أخي والله هذي مشكله نعاني منها كلنا شغلة مسألة الوقفه هذي على الكسارة متعبه وممله نوعاً ما انا صراحه دورة على مناطق فيها سقالة ما لقيات غير البحيرات وأو الغرفة وهذي كمان ممنوع فيها الصيد وما عندك إلى الكم سقالة اللي في الكورنيش وهذي زحمة بشكل لا يطاق فإذا مكان الشجعة هذا متوفرة فيه المواصفات هذي الحقني فيه ترى اخوك طفش من كثر اللف والدوران هنا وهناك صراحة انا رحت منطقة السودة هذي اللي عند التحلية وشفت السقالة اللي هناك بس بغيت اموت فيها مره طاحت علينا الردمية والصبة اللي فيها وبطلت فيها فكيف مكان الشجعة هذا حتى لو مافي سقالة هل التجليب من الشاطي مثلاً ولا إذا كان المكان عميق والتجليب فيه تمام دلني اسف على الإطالة اخوي ولكن والله مليت من اللف هذا وتسلم اخوي في انتظار ردك اخوي أبو خلود أو رد أي شخص ممكن يساعدنا في الموضوع هذا

[ابو الخلود]

السلام عليكم
يا اخوي شوف هذه الأيام الناس تطلع بفلين وتدخل المكان الي يعجبها وتطلع مثل القوارب ما يطلعون
صدقني خذ لك فلين ومكينه 2 حصان دامك عاشق البحر وصدقني ما تندم
انا ذلحين مطبق الطريقة هذه في البحر وأعين من الله خير
ملاحظة
لا تنزل إلا في الليل علشان سلاح الحدود لايمسك
ترى فيها مصادرة للمكينه

[عاشق البحور]

اخوي الشريف احمد ....
حدد طريقه صيدك بالقارب او على الشاطي واذا كنت تريد احداثيات لداخل بحر جده اقدر اساعدك اما على الشاطي لا للاسف وان شاء الله الاخوان بيساعدونك في المنتدى .

[الشريف أحمد]

تسلم اخوي عاشق البحور بالنسبة للقارب سهل أمره والصيد فيه ما فيه مشكله وشكراً على المرور ولكن المقصد كان صيد كسارة أو شاطيء بس يكون ممتاز ليس كمثل الشواطيء وشكراً اخوي وممكن تطرح وتكتب مسألة الإحداثيات تفيدنا برضو وتفيد الجميع وشكراً اخوي

[الصياد النونو]

بسم الله الرحمن الرحيم
بالنسبة للإحداثايات
لما تروح شمال تلاقي الكنعد يرقص
لما تروح الجنوب تلاقي الهامور عنده عزى
لما تروح الشرق تلاقي البياض مسخن
لما تروح الغرب تلاقي الشعور شعره مجعد

[Alhzzen]

اخوي راجع المنتدى في موضوع محطوط فيه 10 مواقع حق الصيد

شوف دورة


شكرا

[Alhzzen]

هاذي مواقع حطها اخوي شارك بوي:
خليج سلمان ( حوش الزهراني ) .
2-خليج سلمان ( الغرفه ).
3- خليج سلمان ( حوش الحواتين ) .
4- خليج سلمان ( مدينة البحيرات ) .
5- جدة( السقالة ابو 3 ) .
6- جدة امام ملاهي الشلال ( السقالة الكورية ) .
7- الشعيبة( قرية القطان الساحلية ) .
8- الشعيبة ( السقالة المهجورة ) .
9- ( الشعيبة التحلية ) .

شكرا

[shark boy]

شكرا اخوي الحزين على إيصال الاماكن لكي يستفيد الكل شكرا مرة اخرى