يا أصحاب الخبرة في الأبوات محتاج نصيحتكم في أقرب وقت

[حسام أبوجوان]

يا أهل الأبوات أريد مساعدتكم ولكم مني الدعاء
أريد أشتري بوت لكن أنا محتار بين الظاعن و الفارس كلاهما مقاس (7) متر
أتمنى منكم توضيح ميزات وعيوب كل منهما
وما هي أفضل مكائن له
وهل مكائن ياماها العدد 2 كافية لبوت السبعة متر
أتمنى الافادة في أقرب وقت :f وجزاكم الله خير

[الواهج]

ارشحلك الدرازي

افضل منهم

مكينة 200 حصان او 150

[accentkool]

الضاعن ياماها220 مكينتين

[fish_hunter]

صباح الخير ... بس مو كانه 200 زياده على سبعه متر يعني اتوقع لو ركب 2 75 او وحده 90 يكون افضل

[عاشق البحرE]

صباح الخير أخوي حسام ..

راح تلقى الجواب عند م. عبدالله .. بتلقاه في أول موضوع مثبت في الخيمه البحريه .. انسان فاهم و عارف و راح يفيدك كثير بخبرته الطويله .. أطرح ؤال في نفس الموضوع المثبت و راح يرد عليك بسرعه..



من ناحتي اقول لك خذ الظاعن التفصيله القديمه مجربها داخل البحر عند واحد من اخوايي الطراد كان 24 قدم و عليه ماكنتين 85 × 85 ممشاه حلوه كثير و سرعه تقريبا 60 كم/ساعه و شفته بالموج يركب الموجه و ما فيه راش الا أخر الطراد .. من ناحيه التفصيله الجديده ما يمدحونها و الله أعلم .. ما جربتها ..

نصيحه لا تركب مكاين كبيره على طراد 7 متر .. 75×75 او 85×85 و لا أحلى مكاين قويه و خرابتها قليله و تمشي الطراد بسرعه حلوه ..

طرادي تفصيله الروضان 24 قدم طبقتين و ثقيل حيل بالنسبه لتفصيلات الهامور و عليه مكاين 75 × 75 ياماها و ممشاه و لا احلى توصل سرعه الى 52 كم/ساعه .. يعني على الهامور بتكون السرعه حيل حلوه و خفه في الطراد ..

[ابو حسان اسحق]

ماشاء الله تبارك الله ما قصر اخوي عاشق بحر لا تلف يمين ولا شمال شوف كلام عاشق بحر واضح شكرا له بس عاد لا شريت القارب لا تنسانا حبيبي. تحياتي