اللي مضيع وكري حول الجبيل

[مبارك 1]

السلام عليكم ورحمة الله وبركاته

يالربع اللي مضيع له وكري حول الجبيل بالشرقيه تراه موجود

واللي ماهو مضيع ينوه عنه الله يجزاكم خير

تحياتي للجميع

[عواد الشمري2]

الله يعطيك العافيه وماقصرت وكثر من امثالك

[ابوماجد6641]

الله يبيض وجهك أخوي امبارك جعلها في موزين آعمالك. أنا ضيعلي حر مثلوث أرقط فيه حجل وريشه ولون سبقه ابيض واخضر. نوه عنه تكفى وعليه أبشأره

[بوخالد الكعبي]

بيض الله وجهك والله هذه هي اسلوم العرب السنعه

الله يجزاك خير

[استاذ]

بيض الله وجهك والله يكثر من امثالك
تقبل مروري

[مبارك 1]

الله يجزاكم خير جميعا


ابو ماجد الله يعقل طيرك و يامرحبا والطير وكري طال عمرك ماهو مثلوث

ولا عليه حجل ياليت عليه حجل الله يهدي راعيه


والله يعقله على اهله


تحياتي

[ذراع الذيب]

السلام عليكم ورحمة الله وبركاته,,
مسيت بالخير يامبارك,,

الله يبيض وجهك وعسا كل طير ضايع مايطيح الاعند واحد مثلك وشرواك,,
والله يوفقك بالدارين ويسمح عنك وتحياتي لك يالنشمي..

[مبارك 1]

يامرحبا ياذراع الذيب

الله يقدرنا على فعل الطيب

تحياتي لك

[عزااااام-1]

هلا اخوي انا ضايع لي وكرية وافية من شهر 12 على حبارى والى الحين ماعنها علم موسر فيها النايفة وعليها الحجل ورقمي فية والله لا اعلنت عنها الى في المستشفى طيرة هجرة فجحا كورة بينة
انكانها هي والله مادري لكن يوم ذكرت الحجل من شهر 12 مو معقولة ماطرحت وهي عاد ولف على الدس تاتي لكن هنا ناس ماتخاف من الله مقصدي لعل هي سحبوا حجلها وغدة منهم

[ابوتركي1666]

انا ظايعلي وكرية وافية ولون السبق اصفر واخضر ونكانها هي اكمل باقي المواصفات

[ولد السبع]

بيض الله وجهك

والله يكثر من امثاااااالك

[مبارك 1]

يامرحبا بالجميع

الطير ماعليه حجل وياليت عليه حجل

والطير ماهو على وصفكم فيه وصف واضح جدا ولا هو عذروب عشان اصير واضح

والله يعقله على اهله

ولد السبع جزاك الله خير

تحياتي

[أبومحمد عنيزة]

أنا ضايع لي وكري طول 14 ونص على ما اعتقد وفيه سبوق اسود وعلى ظهره فيه مثل الخرص او الصفره لونه أصفر او ذهبي ان كانها هي هذا رقمي
0504796466

[ســـبــار ربــعـــه]

اللهم رب الضاله رد الضاله.

[راعي ندقان]

مرحبابك اخوي الله يكثر من اثالك انا غدا مني وكريه وافيه جنوب الخرج ولها حدود الشهر وزياده يمكن هي ترا فيها قرعه من خلاف راسها منحت الريش من البرقع وريشه من الذنيبه اليسار حذفتها

[مبارك 1]

مرحبا بالجميع

الله يعقل عليكم طيوركم

لكن وصف الطير يختلف والله كثير

تحياتي

[al-ganass]

انا ضايعه لي وكريه بكر ولن السبوق سكري واخضر والجلد اسود . إاذا كانت هي اكمل الباقي