صيانة السياره وش رايكم ؟

[عنيزاوي تبوكي]

عندي جيب بريمي دخلته صيانة ال 1000ك و 5000ك و 15000ك و 20000ك عند عبداللطيف جميل
بس احس انها مكلفه او بالاصح نصاب ومايغير اشياء واضحه
ف ارغب تفيدوني في بديل له او الدعوه زيت كل خمس الاف ك و بس

خصوصا ان موتري خليجي يعني ماراح يفيدني عبداللطيف جميل

[patrol-fa]

هلابك ..

شف وانا اخوك .

الموتر إلي يبيه صيانة دورية

الزيت زي ما قلت كل 5000 .. مرة مع السيفون ومرة بدون

والسيور لكن مدتها اطول مدري كم بالضبط لكن لو رحت الوكالت اكلك وشفطك شفط فالحل تعرف بعد كم تغير السير وتشتريه وتغيره عند اقرب ورشه لأنه ما ياخذ ولا ربع ساعة

هذي إلي تغير كل فترة ومافيه شيء غيره


والله يكون بعونك .. ولا تحرص ع هالحرامية ولا يوسوس لك الشيطان ويقول لك الوكالة اضمن شرط إن ابو يمن البنشري احسن منهم ومن شغلهم يلعبون ع الأوادم بس انت تعامل لك مع واحدن فاهم بالصناعية

وابشر بسعدك شف لك فلبيني ولا سوداني ولا تشاور ..

[عنيزاوي تبوكي]

يعطيك العافيه يالحبيب وتسلم


محد له راي ثاني

[moooj]

الوكالات كلهم حول(المعدل)
الله يعين

[تناساني]

تبي النصيحه
وكلام مهندس احد شركات السيارات

قلت له: كل صيانه يزود السعر عن الي قبلها وماتسوون شي بس زيت وفلتر
قال: تبي الصراحه.. لا تجي تسوي صيانه ابد
اذا تشتكي من شي بالسياره (عطل) تعال وقل العطل الفلاني.. ونسويه لك وناخذ قيمة الاصلاح والقطع

وبكل الحالتين سواء استمريت بالصيانه او لم تستمر فلن يفرق عندهم شي
لأن بكل الحالتين ماخذين قيمة القطعه و قيمة الاصلاح.

لكن ترددك على الصيانة و الاستمرار بالصيانة, هذي نصب و نصب ونصب
وكل يوم بيزيدون السعر عليك. وماراح يسوون لك شي
حتى لو غيروا اي قطعه راح ياخذون قيمتها منك

عقلك براسك تعرف خلاصك

==

ولد عمي اشترا جيب GX-R
ونصحته لا يروح الصيانه
لكن الرجال من خوفه ع السياره استمر بالصيانة 3 مرات يروح لهم
بالأخير قال ليتني سامع كلامك نصبو علي ما استفدت شي
بس تغيير زيت. ويفك الكفرات يغير مكانها
ويقولون خلاص هههههههههههههه

حتى مره صارت له مشكله بالسياره .. قالوا نصلحها بـ 2.000 ريـال
وراح للصناعيه صلحه بـ 50 ريــال
يعني ودي اقول للشركة (وش تحسون فيه) للدرجة ذي نصب ههههههههههههه

[عشق البر]

اخوي الصيانه تلقاها بكاتلوج السياره يعلمك متى تغير الزيوت والقطع الاستهلاكية وكل شي
انت تعامل مع احد وغيرها حسب الجدول وارتاح

[عبدالله المطيري]

الموتر جديد ماشاء الله

انا اتلكم من تجربة سيارتنا كلها ماعمرها طبت الصيانة لا 1000 ولا 5000

ولله الحمد ما اشتكينا من شي

[الوقيدي]

السلام عليكم : اخي الكريم انت الشخص الوحيد الذي تحدد ماذا تحتاج اليه سيارتك من صيانه . الوكاله يتمنون انك كل يوم تمر عليهم للصيانه المسائله عندهم ربحيه فقط .اغلب فنيين الوكاله عمال فقط . والفنيين المحترفين اقل من اصابع اليد الواحده . الحمدلله لدينا سيارات لاتعرف طريق الوكاله ابدا. الى اللقاء

[فواز الشيباني]

اخوي لاتمر على الوكالة الا اذا وصل 100 الف غير زيت القير عندهم لان فيه برمجة
والباقي انت تغير من فلاتر وبواجي وعكس الكفرات وغيار زيت المكينة وسيور
وانت اولى بفلوسك الله يبارك لك

[عنيزاوي تبوكي]

شكرا لكل اللي مروا على الموضوع
تناساني و عبدالله المطيري و الشيباني كلامكم مقنع جدا وتشكرون

تناساني صادق كلامك وهم نصابين بس حبيت الاستشاره

عشق البر و الوقيدي تسلمون على النصيحه