المساعدة تكفون, دينالي 2008 سير التيمن

[دينالي 2008]

السلام عليكم ورحمة الله وبركاتة
ارجوا المساعدة يا اخوان لاني خايف من نصب الورش
السيارة: جمس دينالي
الموديل: 2008
الوكيل: الجميح
العداد: 123000 كيلو

وصف العطل: ماشي بسرعة 80 كيلو وفجأة اسمع صوت طقطقة بس ماني متأكد من المكينة او الجير, وطلع في الطبلون اشارة(مثبت العجلات بالارض معطل)
بعد ماجنبت صار في رجة قوية في السيارة وتفتفة وانطفت, بعدها ما اشتغلت.
شلتها بسطحة لورشة قريبة قالوا ان ممكن سير التيمن انقطع ولازم فتح المكينة وبتكلف من 5000 ريال واكثر وممكن نطلب منك مكينة ثانية.

السؤال: هل فعلا هذا بسبب سير التيمن؟ ان كان نعم هل السعر معقول؟
هل ممكن اني احتاج اغير المكينة؟
هل تنصحوا اوديها الوكالة او احد المجمعات المتخصصة بجدة؟
ايش افضل المجمعات النتخصصة لليوكن بجدة؟

اخيرا اشكر جميع القائمين على هذا المنتدي وجزاهم الله الخير

[patrol-fa]

وعليكم السلام ورحمة الله وبركاته ,, هلابك اخوي .

الصراحة انا مالي بالأمريكي

لكن إذا كان على قولته السير انفلت ما يوصل تصليحة لــ 5000

لأن السير ماهوب غالي بالحيل وشغل اليد إن كثر وصار غاشك بيقول لك 2000

وانت لا تستعجل لا تسمع كلام واحد مر لك ع كم ورشة وشف وش يرسون عليه والكلام إلي يجمع عليه

لأن أغلبهم يخمن ولا يدري وش السالفة

لأن ممكن البساتم او الشنابر علقت او قفلت وصار البستم يطق او عامود التيمن مال شوي ..؟



طيب الحرارة قبل لا يفلت كيف كانت ؟ تمام ولا مرتفعة .. إذا كانت مرتفعة فيكون عمود التيمن مال شوي مع الحرارة انعفط بس ما يوضح إلا بالمخرطة

ومثله الشنابر ما تقفل إلا إذا صارت السيارة تشكي من حرارة تقفل بعض المرات

وإن شاء الله يكون امرها هين وأهم شيء لا تستعجل ..


الله يوفقك ويكون بعونك ..

[Magellan]

حياك الله اخوي
اطمئن مشكلتك بسيطة بإذن الله لكن تعرضت للنصب بسرعه
الدينالي لايوجد له سير تايمن ولكن جنزير حديد لايتغير وليس له صيانة دورية
ماحصل معك اتوقع انخفاض ضغط زيت المحرك وبالتالي فإن ماتحتاجه الآن هو تغيير طرمبة الزيت وستكلف بحدود 1300 ريال بجميع ملحقاتها مع شغل اليد
لكن لايمكنني افيدك بحكم اني من سكان الرياض
وعلى العموم ادخل على الرابطة وسيفيدونك اكثر خصوصا في هذا الموضوع

http://mekshat.com/vb/showthread.php?t=264207

[دبا الحصن]

السلام عليكم
مثل ما تفضل الاخ ماجلان سيارتك جنزير وثاني شي لو انقطع التايمن السياره تطفي ما تشتغل ابد

[دينالي 2008]

جزاكم الله خير يا إخوان علي الرد
فعلا ممكن يكون من الطرمبة
ان شاء الله السبت بفحصها بالوكاله والله يبعدنا عن الغش حقهم
الله يبيض وجيهكم ويبعد الأعطال عنكم