طرح لرآي ياصقاره

[باترول هدد]

السلام عليكم ورحمة الله وبركاته

بشرونا عساك بخير

حبيت اسئل عن الكراوين السنه ذي ماهي بمثل السنين الماضيه قليله جدا" .

ياهل ترون إن باقي على عبورهن الكثره أم بدا انقراضهن مثل الحباري .

من يوم طَلعت علينا الاجهزه وحنا ماعينا خير دمرتنا وخربتنا الساعه 9 وانت معود من المقناص هههههه

من أول ماتعود غير المغرب .

حتى أهل السمن يذكرون قلتهن السنه ذي .


الكل يدلوا بدلوه يانشاما

[@السيف@]

لا تقنط من رحمة الله والله منت اخذ الا رزقك ولا احد اخذ رزقك بس ريح بالك
والانقراض اذا انقرض البط والقمري بذاك الوقت قول يمكن تنقرض الكراوين
ياخوي يمكن خير لك ليه زعلان الله يبيك تدعيه وتلح عليه بالدعاء
وابشر بالسعد تهد كل يوم عشر وانت مبسوط
الله يديم عليك السعد

[انس بن سالم]

الله يرزقك الجميع

[عياد حايل]

انا اشوف ان السبب الريسي عدم نزول الا مطار وكثرة سنين المحل اي عدم نبا ت لاعشب لا ان الكراوين طيور ربيع وخضاروكنا اول نجد الكراوين بالفياض والصحون الخضر اما لاان المكان ما يسا عد على وجودهن ودليل تلقاها با ليل عندالولايش تبحث عن الحشرات والخنا فس

[راعي لادن]

السلام عليكم موضوع جميل

[ذراع الذيب]

من يوم طَلعت علينا الاجهزه وحنا ماعينا خير دمرتنا وخربتنا الساعه 9 وانت معود من المقناص هههههه

من أول ماتعود غير المغرب .


السلام عليكم ورحمة الله وبركاته,,
مسيت بالخير ياخوي,,

عزالله انك صادق وراح طعم المقناص وحلاوته والله يجيب الخير,,
واكيد ان الاجهزه سبب في كل شي وهي بلوه على جميع القنوص لاكن وش نسوي مالبيد حيله,,
وتحياتي لك,,

[وزاري]

وعليكم السلام

الخير كثير سواء كان الحباري والسمقان

اما هالسنة سنـــــــة خير الله يعوده علينا بالأمن والأيمان

بس حنا توذينا من كثرة الصقارين الجدد

أوضح أكثر قد هديت على حباري
الحباري أرتفعت قد العمارة 7 أدوار والطير معها . الا ناس مدرين منين طلعوا
لحقوا الطير وحذفوا له حمام وهدوا على حبارتنا
وصار ماصار

والسالفة معروفة على مستوي منطقتنا

أما سالفة األأجهزة الكراوين فيه راعى شاص من أحدي دول الخليج
حاط سماعات على كبر الجنط اذا اشتغل رج الأرض من قوة الصوت
والمدي7كم ويقول لك لاتقرب عندنا

ولله المستعان

[جلاد الحباري]

بختصار شديد وبدون مقدمات ( مقناص الطير بدأ يحتضر)

[البروالطير]

السلام عليكم
معك حق السنة تقدر اتقول انة مافي كراوين
علي العلم بأني لااصطادهن بعد شهر 2 والكراوين يكثرن في شهر 3 افرنجي لكن السنة ما شفت الا طير واحد اول الموسم
ولاتوجد عندنا اجهزة الصوت الا القليل القليل جدا
والربيع ماشاء الله الارض كلها خضرة
لكن وين الكراوين؟؟؟؟؟