استفسار بخصوص الفورد تكفووون يارجال

[((الوافي))]

مشكلة التفتفه في الفورد 2004 مغير الطرمبه والبواجي والكويلاتوالسياره تبدا تفتف اذا جا البنزين على الربع وش المشكله؟

[moooj]

يمكن العداد ما يعطي قرائة صحيحة
او الطرمبة الجديدة ما تركبت صح او فيها ترهيم وما توصل البنزين (يعني عالية شوي عن مستوى البنزين)

[ناصر الزومان]

شيك على سلك الماص حق الفورد نظفه وشده وشيك على أصابع البطارية ونظفها مع أسلاكها وبعدين افتح السويتش وخل اللمبات الحمر تشتغل ورح افصل البطارية وخلها ربع ساعة وبعدين اشبك وشغل وبعدين طفها وشغل الحمر ثانية ورص الفرامل واخرط القير تحت فوق مرتيتن وشغل وشف.
وعب قاز بريالين من المحطه والتانكي على النص وعب فل بعد ذلك وانشاء الله تزين الأمور.
أنا مجرب وزبطت معي

[ملك الفكتوريا]

شيك على الطرمبة وحساس الاكسجين والخاخات


وشيك على وحده وحده وبتلقى الحل لا ترميها لاي واحد بتتعب

[جمس_454_97]

غيرت صفاية البانزين؟
نظفت مجراء الهواء ومنضم الهواء؟
على فكره صفاية البانزين نستهين فيها وهي مهمه

[أبوخااااالد]

شيك ع صفاية البنزين او تاكد من الثلاجه لا يكون ضربت وانت ماتدري

[مجرد بشر]

اول شي تاكد من العداد شغال صح او لا

وطالما انها اذا كان فيها بنزين النص تمام يعني مشكلتك حول التانكي انه لا جا الربع يقل الدفع تاكد منه ومن الطرمبه

لان لو قلنا وصخ بالتانك يبدأ يأثر ع السياره حتى لو كان فل البنزين