دامك ياابوماجد نويت !!!...,,,,,,,,,,,,,,,,,,,.......تاحل شلفا ,,,,,,,,,,,,,,,حله مسير

[الخامسي1]

بسم الله الرحمن الرحيم

السلام عليكم ورحمة الله وبركاته


دامك ياابوماجد نويت
اترجع الماضي وجيت
بانشدك عنها بيت بيت
خذها ولا ترجع بعيد

عند الحضر وعند البدو
معهم من ايام السدو
عز الصديق ضيم العدو
والله يفعل مايريد

اول حروفه ماركه
وامر لفعل مشاركه
وبيدك لابدك فاركه
بتغير حاله او تزيد

واخره عندك بالحروف
قدام عينك له تشوف
اثنين في ضرب الكفوف
فالك وفاء واليوم عيد

طير غبار الذاهبه
والكفووو عندي زاهبه
تستأهله يا لا هبه
الهبه بالرمعه جديد

[ابوماريا]

وعليكم السلام ورحمة الله وبركاته

صح لسانك يالخامسي وسلم بنانك أمتعتنا بالأبيات الرائعة

متعك الله بالصحة والعافية
ويستاهل أبو ماجد الاسناد

مرور تقدير واحترام ولي عودة

[فهد الهلالي]

صح السانك يالخامسي
ابيات تطرب ولغز وافي وابوماجد
يستاهل التوجيه
وانت بعد تستاهل من يتقدم لك بالشكر والعرفان
على ماتقوم به مجهود متواصل في بدع الالغاز بابيات جميله
ومشاركات الاعضاء في الغازهم كذلك الحرص على تقارب النفوس وصفاوتها بين اعضاءهذه الخيمه
بالتوجيه لهم بالغاز لاتقل بمعانيها عن قصيده كامله وهذا من طيبك ووفأك ومن منبع احساسك الراقي نحو زملأك الاعضاء
جزاك الله خير يااخي الفاضل واطال الله في عمرك
وتقبل تحياتي

[ابوماجد-1]

صح لسان فعلاً ابيات تطرب بطرقها المميز

وابوماجد يستاهل وكفووو

تسجيل حضور واعجاب

[ابو ماجد 2]

صح لسانك يابو نايف
لغز جزل من جزل
ويشرفني اسنادك لي رفع الله قدرك
لايحضرني مرماع والتفكير جاري

[الخامسي1]

وعليكم السلام ورحمة الله وبركاته

صح لسانك يالخامسي وسلم بنانك أمتعتنا بالأبيات الرائعة

متعك الله بالصحة والعافية
ويستاهل أبو ماجد الاسناد


مرور تقدير واحترام ولي عودة




ارحب ياابوفائز
اشكرك جزيل الشكر ومرورك شرف لي
وانتظر عودتك

[الخامسي1]

صح السانك يالخامسي
ابيات تطرب ولغز وافي وابوماجد
يستاهل التوجيه
وانت بعد تستاهل من يتقدم لك بالشكر والعرفان
على ماتقوم به مجهود متواصل في بدع الالغاز بابيات جميله
ومشاركات الاعضاء
في الغازهم كذلك الحرص على تقارب النفوس وصفاوتها بين اعضاءهذه الخيمه
بالتوجيه لهم بالغاز لاتقل بمعانيها عن قصيده كامله وهذا من طيبك ووفأك ومن منبع احساسك الراقي نحو زملأك الاعضاء
جزاك الله خير يااخي الفاضل واطال الله في عمرك
وتقبل تحياتي




ارحب اخوي فهد
اشكرك جزيل الشكر
كلامك طيب ولا يستغرب منك
أنا افتخر واتشرف بوجودي معكم في هذا المنتدى المبارك ووجودكم فيه وشرؤاك من
الاعضاء هو سر نجاحه وسبق ان وصفت الخيمة بالمجلس الذي يجمع الرجال ويتبادلون
فيه الشعر والألغاز والسوالف النافعه وكل واحد منهم بدون ذكر اسماء أطيب مني
ويستاهل المدح وكفوو وانا ضيف عندهم واتمنى ان اكون عند حسن الضن .×

[الخامسي1]

صح لسان فعلاً ابيات تطرب بطرقها المميز

وابوماجد يستاهل وكفووو

تسجيل حضور واعجاب



صح بدنك
وتستاهلون الطيب واعذروني على القصور وانا اكتب على الهواء مباشرة
ما اراجع وادقق بعض الأوقات من غلاكم أعطيكم اللي في الخاطر
دمتم بسعادة ومحبة.

[الخامسي1]

صح لسانك يابو نايف
لغز جزل من جزل
ويشرفني اسنادك لي رفع الله قدرك
لايحضرني مرماع والتفكير جاري



ارحب يابوماجد
صح بدنك والجزالة بعض ماعندك
والاسناد تستاهله وافتخر به
وانتظر رمعتك


وجمعه مباركه للجميع & وإجازة ممتعه لأبنائنا وبناتنا الطلاب والطالبات

[ال-رايق]

بسم الله الرحمن الرحيم

السلام عليكم ورحمة الله وبركاته


دامك ياابوماجد نويت
اترجع الماضي وجيت
بانشدك عنها بيت بيت
خذها ولا ترجع بعيد

عند الحضر وعند البدو
معهم من ايام السدو
عز الصديق ضيم العدو
والله يفعل مايريد

اول حروفه ماركه
وامر لفعل مشاركه
وبيدك لابدك فاركه
بتغير حاله او تزيد

واخره عندك بالحروف
قدام عينك له تشوف
اثنين في ضرب الكفوف
فالك وفاء واليوم عيد

طير غبار الذاهبه
والكفووو عندي زاهبه
تستأهله يا لا هبه
الهبه بالرمعه جديد

الشعر هذا عارفه*ماقول ويني شايفه*وهذي البيوت الوارفه
باسبانيا دار الوليد
مثل الذهب في لمعته*مصرف جنيفا طبعته*والخامسي ذي سمعته
يدّا بيد ولّا بريد
وأبو ماجد المنهلي*عسى الدنيا له تمهلي*يستاهل ثم يستاهلي
نعم الصديق نعم العضيد
هذا واذا هرجي قصر*ياسامعي لد النظر*في هرج يسوى له درر
قاله فهد وشلون أزيد
ويابو محمد يافهد*قولك لأبو نايف سعد*ضميري والله الأحد
ونومسني خذ علم وكيد

[الخامسي1]

الشعر هذا عارفه*ماقول ويني شايفه*وهذي البيوت الوارفه
باسبانيا دار الوليد
مثل الذهب في لمعته*مصرف جنيفا طبعته*والخامسي ذي سمعته
يدّا بيد ولّا بريد
وأبو ماجد المنهلي*عسى الدنيا له تمهلي*يستاهل ثم يستاهلي
نعم الصديق نعم العضيد
هذا واذا هرجي قصر*ياسامعي لد النظر*في هرج يسوى له درر
قاله فهد وشلون أزيد
ويابو محمد يافهد*قولك لأبو نايف سعد*ضميري والله الأحد
ونومسني خذ علم وكيد






جاني جوابك ماخفاء
من شاعرً كله وفاء
والقلب مليانً دفاء
بمحبتك قبل القصيد

الحمد لله وش نبي
اسلام ومحمد نبي
با أجي لكم مشي وحبي
تستاهلون والله شهيد

اصحاب منكم وازملاء
ومنطوقكم كلمة هلا
وفي داركم كلاً سلا
ومجلسكم عنه ما نحيد

هذا مثل مع سالفه
والغاز فيه متخالفه
واقلوبنا متوالفه
ونرمع بلا شرطً وقيد

بالمختصر بالمختصر
ماطال من شئيً قصر
ذا مجلسً داخل قصر
ومكشات عرفه يوم عيد

خلاصة الشاعر فقط
وحط الحروف تحت النقط
نحبكم ما هو عبط
في وسط شريان ووريد

وسلامتكم جميعاً وعطونا الرمعات ......

[الخامسي1]

عند الحضر وعند البدو
معهم من ايام السدو
عز الصديق ضيم العدو
والله يفعل مايريد

اول حروفه ماركه
وامر لفعل مشاركه
وبيدك لابدك فاركه
بتغير حاله او تزيد

واخره عندك بالحروف
قدام عينك له تشوف
اثنين في ضرب الكفوف
فالك وفاء واليوم عيد

[الخامسي1]

يرفع ليرمع & يرمع ليرفع
جماد اثري. اوله مثل باقي الألغاز الليله المحلوله شين !!!!!!!!!!!!

[مسيرs]

يسعد مساك ياعقيد الالغاز
محاولة...شلف هناك ناس يقولون لخبز النار شلف ... او شلفا واظنها عصا بلغة بعض الناس

[الخامسي1]

يسعد مساك ياعقيد الالغاز
محاولة...شلف هناك ناس يقولون لخبز النار شلف ... او شلفا واظنها عصا بلغة بعض الناس

الله يرفع قدرك ( عقيد) أتشرف بها ولاكن :

يامسير جيت أنا مكشات باسمي الصريح
.................. دون القاب ولا ارغب بدال اسمي اسم
ابونايف ضيف دائم مر يبغى يستريح
................ بين إخوانه جلس وفي المعاني لي قسم
رافع التكليف سموني و بالنطق الفصيح
............... اخ اصغر للجميع بينكم دون الجسم
حاضرً بالقلب والتفكير وامدح لي مديح
............... كلكم كفوً بقلبي لا طباعه او رسم










كفووووووووووو
شل ماركة
فاء آخره

شلفاء

كفو وبيض الله وجهك ووجه الحاضرين

[ابوماريا]

ماشاء الله تبارك الله
عز الله لغز في قمة الروعة
سلمت ياخامسي

وماشاء الله عليك بامسير
كفوووووووو يالذيب

[ابو ماجد 2]

الله يرفع قدرك ( عقيد) أتشرف بها ولاكن :

يامسير جيت أنا مكشات باسمي الصريح
.................. دون القاب ولا ارغب بدال اسمي اسم
ابونايف ضيف دائم مر يبغى يستريح
................ بين إخوانه جلس وفي المعاني لي قسم
رافع التكليف سموني و بالنطق الفصيح
............... اخ اصغر للجميع بينكم دون الجسم
حاضرً بالقلب والتفكير وامدح لي مديح
............... كلكم كفوً بقلبي لا طباعه او رسم










كفووووووووووو
شل ماركة
فاء آخره


شلفاء



كفو وبيض الله وجهك ووجه الحاضرين


لغز سهل ممتنع
لله درك انت وابو معاذ
وابو معاذ ماشاء الله هذي لعبته