اماكن صيد الاسماك الكبيرة بالمنطقة الشرقية ؟

[صياد الدمام33]

السلام عليكم ورحمة الله وبركاته

اخواني وين اماكن صيد الاسماك الكبير نسبيا اكبر من حجم الكف وماهو الطعم المستخدم

[حمودي 07]

وعليكم السلام ورحمة الله وبركاته

والله وانا اخوكـ كل الاماكن حلوه في الشرقيه, لاكن اولا واخيرا الارزاق بيد الله

انا من ناحيتي جربت كورنيش الدمام خلف مطعم بسمه وكان فيه سبيطيات على الفجر , وقبل ليالينا صدت سبيطي هناك وبعد ليلينا كمان ظربت معانا لخمه وواحد من الشباب مطلع سبيطيه حوالي 7 كيلو ... (هذا في كرنيش الدمام)


في العزيزية الخبر , بعد sunset beach في مكان كويس مفتوح ع الخليج لاكن المشكله فيه تيارات وصدنا هناك من دويلميات واحجام حلوه , وقبل sunset beach : لما تاخذ الدوار كمل قدام راح تجيك على يدك اليمين صبخه طبعا المنطقه هناك شبه مغلقه لاكن الحمد لله لي تقريبا 4 سنوات ما اصيد الا هناك صحيح ان الصيد قليل لاكن بعض الاوقات يزبط معاك .

من الجهه المقابله sunset beach عند قصر الملك فهد منطقة حلوه سواءً للصيد او السباحه .

ولما تخلي قصر الملك فهد على يسارك كمل قدام راح تجيك لوحه بعد 5 كيلو تقريبا, على ما اعتقد مكتوب فيها سعد الصانع لف معاها وكمل قدام خلك ماشي ع الشارع بين الشجر الى نهاية الطريق بتجيك منطقة مفتوحه على الخليج برضو منطقة حلوه للارساليات <المد او الدريهـ>.
وقبل هالمنطقه في مدخل على يدك اليمين قبل الردميه منطقة سبيطيات صدنا فيها حوالي 13 سبيطيه خلال ثلاث ايام بس المشكله الحين اتوقع انها مقفله <مدخل خاص>.

وبين الشجر على نفس الطريق في دخله على اليسار بعد قصر سعد الصانع طبعا اللفه ما تبين لاكن حاول تدقق وهناك منطقه حلوه .


تقريبا هاذي الاماكن الي اروحها بإستمرار, وان شاء الله اني افدتك بالي عندي, وباقي الاعضاء يفيدونكـ بالي عندهم.

واولا وآخرا تذكر ان (الرزق بيد الله وين ماكنت) انت ارمي وسم بالله, وموشرط تصيد من اول مرره ;) بعض الاحيان نقعد بالاشهر ما نصيد زمرور :D .. والحمد لله ع كل حال , والمعذرهـ على الاطالهـ

[صياد الدمام33]

وعليكم السلام ورحمة الله وبركاته

والله وانا اخوكـ كل الاماكن حلوه في الشرقيه, لاكن اولا واخيرا الارزاق بيد الله

انا من ناحيتي جربت كورنيش الدمام خلف مطعم بسمه وكان فيه سبيطيات على الفجر , وقبل ليالينا صدت سبيطي هناك وبعد ليلينا كمان ظربت معانا لخمه وواحد من الشباب مطلع سبيطيه حوالي 7 كيلو ... (هذا في كرنيش الدمام)


في العزيزية الخبر , بعد sunset beach في مكان كويس مفتوح ع الخليج لاكن المشكله فيه تيارات وصدنا هناك من دويلميات واحجام حلوه , وقبل sunset beach : لما تاخذ الدوار كمل قدام راح تجيك على يدك اليمين صبخه طبعا المنطقه هناك شبه مغلقه لاكن الحمد لله لي تقريبا 4 سنوات ما اصيد الا هناك صحيح ان الصيد قليل لاكن بعض الاوقات يزبط معاك .

من الجهه المقابله sunset beach عند قصر الملك فهد منطقة حلوه سواءً للصيد او السباحه .

ولما تخلي قصر الملك فهد على يسارك كمل قدام راح تجيك لوحه بعد 5 كيلو تقريبا, على ما اعتقد مكتوب فيها سعد الصانع لف معاها وكمل قدام خلك ماشي ع الشارع بين الشجر الى نهاية الطريق بتجيك منطقة مفتوحه على الخليج برضو منطقة حلوه للارساليات <المد او الدريهـ>.
وقبل هالمنطقه في مدخل على يدك اليمين قبل الردميه منطقة سبيطيات صدنا فيها حوالي 13 سبيطيه خلال ثلاث ايام بس المشكله الحين اتوقع انها مقفله <مدخل خاص>.

وبين الشجر على نفس الطريق في دخله على اليسار بعد قصر سعد الصانع طبعا اللفه ما تبين لاكن حاول تدقق وهناك منطقه حلوه .


تقريبا هاذي الاماكن الي اروحها بإستمرار, وان شاء الله اني افدتك بالي عندي, وباقي الاعضاء يفيدونكـ بالي عندهم.

واولا وآخرا تذكر ان (الرزق بيد الله وين ماكنت) انت ارمي وسم بالله, وموشرط تصيد من اول مرره ;) بعض الاحيان نقعد بالاشهر ما نصيد زمرور :D .. والحمد لله ع كل حال , والمعذرهـ على الاطالهـ


يعطيك العافية اخوي على الرد والمجهود الطيب ماتقصر حبيبي

ان شاء الله تشوفني صايد سمكة من ذهب واجي اهايط:cool: بالمنتدى :good2:

[accentkool]

اغلب المحادق اللي بالشرقية المعروفة تطلع اكبر من الكف

[صياد الاحساء]

يعطيك العافيه اخوي
عندك الدمام بجانب الفن تيم تخلي الفن تيم على يمنك يضرب معك اسبيطي الطعم منشوس والتديعه خراري
اما باالخبر العزيزيه الشبيلي تخلي التحليه على يمينك ضرب معاي العام الماضي كنعد الطعم سلس

[xmx202]

جرب كورنيش راس تنوره وقت الثبره

الظعم ربيان حجم كبير او متوسط

يبيله صبر .. بس تتوفق في عريضيات يحبها قلبك

[صايد الحوت]

اخوي اطلع عند قرية الدرفين عند بداية جزيره المرجان والزواية الثانيه الي فيها اجار قوارب الحين مهجوره هناك فيها خير على الفجر بأذن الله يجيك السبيطي او الهامور يعني درية بعيده حق السبيطي وقريبه عند الحصى حق الهامور مكان خطير بس ليشفونك حرس الحدود عشان بطلعونك يعني على حسب المزاج

[صياد الدمام33]

اغلب المحادق اللي بالشرقية المعروفة تطلع اكبر من الكف

مشكور اخوي وافي وماتقصر:good2:

[صياد الدمام33]

جرب كورنيش راس تنوره وقت الثبره

الظعم ربيان حجم كبير او متوسط

يبيله صبر .. بس تتوفق في عريضيات يحبها قلبك



يعطيك العافية اخوي وماتقصر على الافادة:)

ايه قابلني هذا اذا وافق ابوي اروح اصيد باخر الكرة الارضية خل راس تنورة

ههه

الله يهديه

[صياد الدمام33]

اخوي اطلع عند قرية الدرفين عند بداية جزيره المرجان والزواية الثانيه الي فيها اجار قوارب الحين مهجوره هناك فيها خير على الفجر بأذن الله يجيك السبيطي او الهامور يعني درية بعيده حق السبيطي وقريبه عند الحصى حق الهامور مكان خطير بس ليشفونك حرس الحدود عشان بطلعونك يعني على حسب المزاج

مشكور اخوي الغالي على الافادة :)

انا اروح للمرجانا اكثر من مرة

حرس الحدود ليه يطلعوني وضح الزاوية الي تقول

عليها على الطرف بالضبط الي يأجر فيه القوارب؟