عــــاجل هــــــام شباب ............

[صياد الدمام33]

السلام عليكم ورحمة الله وبركاته

اخواني انا شاري سنارة ب 172 ريال من ساكو فرع ابن خلدون بالدمام مشكلة السنارة مشكلة ومواقفي معها مواقف ترفع الضغط ومرة يعقد الخيط عند الرمي والسحب ومرة المكينة تخرب ويعقد الخيط

طلع الخيط سميك رحنا شرينا حجم مناسب وبرضو توني اليوم بجرب اصيد صارتلي مشكلة مع هالغبية نطلتها (السنارة) هي والطعم (كيس روبيان) بالكورنيش ودعست القصبة من الحرة برجلي وكسرت قطعة منها وتركتها ومشيت وانا :f <<مولع

ماالسبب الرئيسي في غباء المواقف الخيط ولا المكينة ولا نوعها معفن ولا حظي كذا ولا كيف؟

وماهي القصبة (السنارة) الزينة وسعرها زين يعني ماتتعدى ال 200 ريال <<

[hunter78]

وعليكم السلام ورحمة الله وبركاته
أخوي صياد الدمام بداية الصيد يبيله صبر وتأني يعني العجلة والتسرع ما ينفع ويخليك تخسر وقتك وجهدك وعدة الصيد
إذا الماكينة اللي معك من النوع الصغير -المتوسط يعني سعة الخيط من قياس 0.50 mm بحدود ال150 متر فهذا القياس ممتاز للصيد القريب من الشاطئ لأنها خفيفة الوزن وتقدر تظلك حاملها بيدك لفترة طويلة وما تتعبك لذلك تاخذ معها قصبة لا تتجاوز 3 متر كربون مجوفة
الأنواع الجيدة كثيرة وسعرها لا يتجاوز ال150 ريال , لا تحضرني الأنواع لكن منها الميتشل قوية ومرنة وخفيفة شفتها بحدود 120 ريال في المحل المقابل لكراج حجز السيارات بالخبر من الجهة الشمالية وعنده أنواع ثانية مرنة وحلوة
الماكينة الصغيرة ما ينفع فيها الخيط السميك وأفضل قياس تستعمله عليها 0.40 mm يريحك بالرمي ويروح لمسافات بعيدة بس احرص على تركيبه بشكل صحيح حتى ما يلتف معك (الطريقة موجودة بالفيديو بموضوع سابق لك)
و الأهم راقب الصيادين من حولك كيف يصطادون ويتعاملون مع أدوات الصيد حتى تتعلم منهم و تعرف كيف تحافظ على أدواتك
وبالنهاية اتمنى لك التوفيق وتصطاد السمكة اللي تسر خاطرك
أخوك hunter78

[صياد الدمام33]

وعليكم السلام ورحمة الله وبركاته
أخوي صياد الدمام بداية الصيد يبيله صبر وتأني يعني العجلة والتسرع ما ينفع ويخليك تخسر وقتك وجهدك وعدة الصيد
إذا الماكينة اللي معك من النوع الصغير -المتوسط يعني سعة الخيط من قياس 0.50 mm بحدود ال150 متر فهذا القياس ممتاز للصيد القريب من الشاطئ لأنها خفيفة الوزن وتقدر تظلك حاملها بيدك لفترة طويلة وما تتعبك لذلك تاخذ معها قصبة لا تتجاوز 3 متر كربون مجوفة
الأنواع الجيدة كثيرة وسعرها لا يتجاوز ال150 ريال , لا تحضرني الأنواع لكن منها الميتشل قوية ومرنة وخفيفة شفتها بحدود 120 ريال في المحل المقابل لكراج حجز السيارات بالخبر من الجهة الشمالية وعنده أنواع ثانية مرنة وحلوة
الماكينة الصغيرة ما ينفع فيها الخيط السميك وأفضل قياس تستعمله عليها 0.40 mm يريحك بالرمي ويروح لمسافات بعيدة بس احرص على تركيبه بشكل صحيح حتى ما يلتف معك (الطريقة موجودة بالفيديو بموضوع سابق لك)
و الأهم راقب الصيادين من حولك كيف يصطادون ويتعاملون مع أدوات الصيد حتى تتعلم منهم و تعرف كيف تحافظ على أدواتك
وبالنهاية اتمنى لك التوفيق وتصطاد السمكة اللي تسر خاطرك
أخوك hunter78


والله وانا اخوك ارتفع ضغطي لين جاني اليأس وفكرت اترك الصيد فترة

الخيط 40 زي المقاس الي كتبته لكن المشكلة اتوقع انها من السنارة او من طريقتي في الصيد والرمي ماتنفع

يعطيك العافية اخوي ردك جابلي التفاؤل وحمسني احاول مرة اخرى بعد فشل اكثر من مرة


مشكور وماتقصر :)

[accentkool]

والله تسرعت وحكمت عليها بالاعدام خخخخخخخ
انا استخدم سنارات ساااكو مافي احلى منها جدا قوية
ومرنة وتستحمل الجور وعندي باقية لها 6 سنوات
ماتغيرت ولا خربت المشكلة عندك وحدة من هذي او مجموعها
1-طريقة الربط والتدخيل مع الحلقات
2-الخيط سماكتة عالية
3-البكرة مليانة خيط فوق الحد
4-تكنيك الرمية مع فتح السيم في الوقت المناسب خاطي

[صياد الدمام33]

والله تسرعت وحكمت عليها بالاعدام خخخخخخخ
انا استخدم سنارات ساااكو مافي احلى منها جدا قوية
ومرنة وتستحمل الجور وعندي باقية لها 6 سنوات
ماتغيرت ولا خربت المشكلة عندك وحدة من هذي او مجموعها
1-طريقة الربط والتدخيل مع الحلقات
2-الخيط سماكتة عالية
3-البكرة مليانة خيط فوق الحد
4-تكنيك الرمية مع فتح السيم في الوقت المناسب خاطي



الي رفع ضغطي من ساكو ادور على عامل او اي احد يشتغل يشرحلي و يشوفلي الافضل
ابد ماعندك احد



الي شريتها انت قصبتها سميكة ؟ وكم سعرها؟

[k.fares]

والله ياشباب غلطه المبتدئين يقولون الصيد لازم سناره ولمن يشتروا بفصلوا!
المبتدئين (بالتجليب) وشوي شوي ينتقلوا للسناره نوع ابو كلب يتعلمون عليه وبعدين سناره اصلي من ابو 200 وكذا
وانا زي كذا والحين الحمدلله الخيط زي الطيبين معاي

[مالك مجال]

وعليكم السلام ورحمــة الله وبركاته
ارجــو ان يتسع صدرك لكلامي وتاخذه على انه نصيحة من محب لك في اللــه
لاحظت عليك من كذا موضوع انت منزلة وكذا استفسار انك متحمس للصيد طبعا شي حلو , لكن من اسلوبك حسيت انك متسرع في بعض امورك وتسأل عن اشياء لازم انت بنفسك تروح وتتعب وتعرفها عشان تستفيد وترى اكل العنب حبة حبة يعني طول باك ووسع صدرك واتعب على نفسك واذا انت تبي رايي خذ لك سنارة طولها ما يزيد عن 4 متر انصحك بالعصا اسمها GMC لينه وزينه وحط ثقل مناسب عليها مقاس 3 حلو
واذا ما عندك احد يعلمك ادخل على اليوتيوب فيها مقاطع واجد لتعليم الرمي بالسنارة او تروح للبحر وشف لك اي احد من الشباب وخلة يعلمك الاساسيات ولا تقول احراج بالعكس ترى أغلبهم شباب كول وعلى الدين ويعجبونك وراح تتعرف على قروب وصحبة تجمعكم الهواية والمحبة في الله





تحيــاتي لك.

[صياد الدمام33]

وعليكم السلام ورحمــة الله وبركاته
ارجــو ان يتسع صدرك لكلامي وتاخذه على انه نصيحة من محب لك في اللــه
لاحظت عليك من كذا موضوع انت منزلة وكذا استفسار انك متحمس للصيد طبعا شي حلو , لكن من اسلوبك حسيت انك متسرع في بعض امورك وتسأل عن اشياء لازم انت بنفسك تروح وتتعب وتعرفها عشان تستفيد وترى اكل العنب حبة حبة يعني طول باك ووسع صدرك واتعب على نفسك واذا انت تبي رايي خذ لك سنارة طولها ما يزيد عن 4 متر انصحك بالعصا اسمها GMC لينه وزينه وحط ثقل مناسب عليها مقاس 3 حلو
واذا ما عندك احد يعلمك ادخل على اليوتيوب فيها مقاطع واجد لتعليم الرمي بالسنارة او تروح للبحر وشف لك اي احد من الشباب وخلة يعلمك الاساسيات ولا تقول احراج بالعكس ترى أغلبهم شباب كول وعلى الدين ويعجبونك وراح تتعرف على قروب وصحبة تجمعكم الهواية والمحبة في الله





تحيــاتي لك.

ما اعرف كيف اشكرك على النصيحة والمعلومات الوافية

يعطيك العافية وجزاك الله الف خير

من ناحية اني متسرع فعلا من حماسي للصيد متسرع وعصبي

ههه

والصيد يبيله صبر ورواقة ومشكور وماتقصر