التجليب........شباب

[صياد الدمام33]

السلام عليكم ورحمة الله وبركاته

شباب انا مبتدئ في الصيد السنارة ماتنفع معي حاليا الاعضاء الطيبين نصحوني تجليب بالاول

ابي شرح عن التجليب والاماكن المناسبة وطريقة التجليب وهل يجيب نتايج؟

[أبو ناصرالدين]

السلام عليكم
نصيحتي لك ابدا بالصنارة أول لكن تعلم الرمي بصورة جيدة و شك الطعم و ابدا بميادير حجم صغير 14 مناسب و خيط 40 مناسب و جرب بالشواطئ القريبة مثلا عندك الدمام هالأيام اسيافها كلها خير
و لكن الصبر ثم الصبر
اذا تدور احجام كبيرة دور أي مكان غزر و خيط 70 و فوق و ميدار ثلاثي مشبوك بقفل ومدور بسيم معدني نص متر على الأقل جرب الميد و الباغة كطعم و سمي بالله و ارمي و اصبر
و ترى مرة تصيد و عشرة لا
الصياد صبور و فالك الهامور ابو 10 كيلو

[k.fares]

وشو سناره يابوناصر انا عن نفسي دماغي شقلبت منها راح تلخبط الادمي يقعد كل شوي تتلخبط عليه خيوط وتنعقد
الادمي اصلن ما يعرف قبل ما يرمي وش يسوي يفك قوسك ولا ساعه ولا الخ..؟
السناره حقت واحد فاضي وممخمخ وطوله بال ويعرفلها وخبره فيها
لكن صياد الدمام مبتدى سناره؟!
لان التجليب وشو ؟؟بس يفك الخيط عن البكره ويركب الحاجات ويلف ويرمي ويسحب بالسمك
لكن السناره شوف كيف ليلها طوويييييييييييييييييييل

[Octopus]

اخوي صياد الدمام ابدأ اول شئ بصيد الجلب وتعلم كيف تصيد السمك واذا جاك
سبيطي ابو ثمانية كيلو تعلم كيف تسايس الخيط وكل نوع من السمك يبغالة طريقة للصيد
وله لعف معين وبعدين لتعلمت الاشياء الاساسية خذلك صنارة وخاوي ناس نواخذة
يعلموك كيف ترمي بالصنارة وكل ماتحتاجه وووو الخ....
وكمان فرفر فالمنتدى وشوف راح تلقى كل الي تبغاه شوف مواضيع مشرفنا (جوان)
راح تستفيد منها كثير
تقبل تحياتي

[صياد الدمام33]

اخوي صياد الدمام ابدأ اول شئ بصيد الجلب وتعلم كيف تصيد السمك واذا جاك
سبيطي ابو ثمانية كيلو تعلم كيف تسايس الخيط وكل نوع من السمك يبغالة طريقة للصيد
وله لعف معين وبعدين لتعلمت الاشياء الاساسية خذلك صنارة وخاوي ناس نواخذة
يعلموك كيف ترمي بالصنارة وكل ماتحتاجه وووو الخ....
وكمان فرفر فالمنتدى وشوف راح تلقى كل الي تبغاه شوف مواضيع مشرفنا (جوان)
راح تستفيد منها كثير
تقبل تحياتي

مشكور اخوي الغالي اتعبناك معانا ماتقصر واجابة وافية حبيب قلبي :good2:

[صياد الدمام33]

السلام عليكم
نصيحتي لك ابدا بالصنارة أول لكن تعلم الرمي بصورة جيدة و شك الطعم و ابدا بميادير حجم صغير 14 مناسب و خيط 40 مناسب و جرب بالشواطئ القريبة مثلا عندك الدمام هالأيام اسيافها كلها خير
و لكن الصبر ثم الصبر
اذا تدور احجام كبيرة دور أي مكان غزر و خيط 70 و فوق و ميدار ثلاثي مشبوك بقفل ومدور بسيم معدني نص متر على الأقل جرب الميد و الباغة كطعم و سمي بالله و ارمي و اصبر
و ترى مرة تصيد و عشرة لا
الصياد صبور و فالك الهامور ابو 10 كيلو

مشكور يالغالي يعطيك العافية على المجهود والافادة


تحياتي لك :)

[صقرالحروب]

ماقصرو الشباب

[accentkool]

والله التجليب جدا مممتع ياغالي
وانصحك تجرب وتتتعلم التكنيك مال الجلب في الرمي

[ابو حسان اسحق]

و عليكم السلام و رحمة الله وبركاته
ماشاء الله ما قصروا الشباب الله يعطيهم الف عافية على فكرة كل يوم تطلع للصيد حتتعلم حاجة جديدة. تحياتي