الفرق بين الدبات

[عاشق التوام]

السلام عليكم ورحمة الله بركاته

مساكم صبحكم الله بالخير يالنشاما
البارح دخلت محلات ابن حميد ولقيت عنده نوعين من الدبات اللي هي النوع الصيني والنوع الإيطالي

الحاصل لقيت الصينية 12 رطل أخف من الإيطاليه 7 رطل وأعجبتني :D

ودي أعرف وش الفرق بين الدبّات سؤاءً كانت

الصينية

الإيطالية

السويدية

مع العلم إن اللي نسمعه ألحين أنها صارت مصانعها سواءً تجميع أو صناعة في الصين أو حسب الطلب بعد من الصين والخامات المستخدمة في الصناعة الصينية متشابهه تقريباً

[Hagaanaf]

حسب علمي
الإيطالي يصنع في إيطاليا
بينما البريموس والسفتي يصنع في الهند
والصيني صيني

[سيف وقلم]

الصيني ما أحد ينصح فيه, يوجد الهندي والأيطالي زين أنا شريت دبة هندية 10 رطل ب86 ريال وارد السنيدي (DPT)

[7ابو نواف7]

الايطالي والسويدي يعيش معك أكثر والأمان فيه عالي
وأما الصينية فجودتها سيئة وأمانها ضعيف، والميزة الوحيدة فيها هي السعر المنخفض
انصحك بالإيطالية ايرو كامبنج (الأصلية وليست الصينية)

[الرحال2222]

ان كنت خايف على نفسك واللي معك فالسويدي والايطالي تاخذة مرتاح البال الامان فية عالي

وان كنت بايعها وماتفرق معك نفسك مت والا عشت ومضحي بالعيال فخذ الصيني وجرب حظك ووفر كم ريال

من تجربة لاحد الزملا كانت بالسيارة الدبة الصينية ونسمت وبقت في السيارة وحرقت اجسامهم هو والحرمة والعيال

[عاشق التوام]

الله ينور عليكم يالنشاما

أسعدني مروركم وإفاداتكم

[النمرالتميمي]

السلام عليكم/
الاخ عاشق التوام انصحك بالدبة السويدية (ريموس) والآن فاالاسواق الهندية(بريموس) طلعت بعد السويدية وهي جيدة

[شمالات نجد]

الايطاليه 12 رطل ممتازه بدون راس.. بمعنى تشبك عليها (لي)

والايطاليه 7 رطل ممتازه مع الراس خصوصاً إذا كان عليها ترهيمة محل البريه

البريموس السويدي أصبح من النوادر وسعره لا يقاس على سعر السوق

والصيني إن شاء الله ما تنحد عليه عشان حفنة دراهم

وفقك الله والجميع

[عاشق التوام]

السلام عليكم/
الاخ عاشق التوام انصحك بالدبة السويدية (ريموس) والآن فاالاسواق الهندية(بريموس) طلعت بعد السويدية وهي جيدة


وعليكم السلام ورحمة الله وبركاته

ياهلا وغلا بك يالتميمي

إفادة مأجور عليها بإذنه تعالى والله ينور عليك

لاهنت على المرور يابعدي

[عاشق التوام]

الايطاليه 12 رطل ممتازه بدون راس.. بمعنى تشبك عليها (لي)

والايطاليه 7 رطل ممتازه مع الراس خصوصاً إذا كان عليها ترهيمة محل البريه

البريموس السويدي أصبح من النوادر وسعره لا يقاس على سعر السوق

والصيني إن شاء الله ما تنحد عليه عشان حفنة دراهم

وفقك الله والجميع




ماقصرت أخوي شمالات نجد

وعز الله إنها ماهي بمسألة دراهم يالأمير الله يغنينا ويغنيك ويديم نعمته علينا وعليك ومن يقرأ لكن الملاحظ إن أغلب الصناعات توجهت للصين حتى الشركات العملاقة لزهد الأيدي العاملة وعلى هذا أعتقد بأن الخامات ماتباعد بعضها وصحيح إن هناك إختلاف وإن في صناعات صينية جودتها ماتقدّر بثمن ولكن مثل هالأدوات البسيطة أعتقد أن خاماتها ما تباعد بعضها في الجودة وعلى ذلك طلبت إفادتكم

على العموم علمك غانم وزادك الله من نوره وشرفتني بمروك يالأمير ولايهونون الإخوان

[ابو عزيززز]

اخوي

اشتر ايروكامبنق الايطالي( made in italy)لانه متوفر في السوق بجميع الاحجام وسعره مناسب