ياجماعة ودي ادري وش نوع هالطير.... الفزعة يارجال ياراعين الصقور

[فهد بن مشبب العاصمي]

السلام عليكم يارجال الصراحة هذا طير عند واحد من الشباب وودي اعرف نوعه وهو توه مازال فرخ ..

اذا تفيدوني وتقولون لي وش نوعه .. الله لايهينكم

الصورة

http://3ssom.com/uploader/uploads16/eeeeee.JPG


الله لايهينكم

[راعي القرطى]

ههههههههه

يالغالي هذا اسمه الباشق او كما نسميه بالكويت ( شرياص) وهذا ليس صقرا ولاينفع بشي هذا يصيد الفئران والجرابيع

اذا تبي نصيحتي اطلق صراحه ولك الاجر,,,,,,,,,,,,,,,,

[أخو المري]

اللهم صل على محمد


تراهم يمدحون اجر الاعتاق في سبيل الله

[حر الجنوب]

السلام عليكم ورحمه الله ويركاته

اخوي الشباب ما قصروا وياك بس اعتقد ان هذا الشرياص جني عش حاول تعيده لعشه او كبره شوي واعتقه

وهذي صوره اخوه وهو في شمال الصوره

http://www.mekshat.com/pix/upload/images16/mk15098_copy%20of%20999.jpg

[قناص تميم]

هذا اسمه الشرياس أو الشبوط أو الحميميق له كذا أسم وهذا لا يعد من الصقور وهذا ينفع تدرب عليه العيال الصغار على الصقاره وهو يصيد جرابيع فئران عصيفرات وأرجو أني عطيتك المعلومه الكافيه
وشكراً

[البحارى]

هذا ياخويا احنا نسميه بوشراقه فى ليبيا واحنا نمسكو بيه فى الطيور نعملوله الشبك فيه ريش حمام اواى ريش وانخيط اعيونه ونطلقوه يطير فى السماء بحيت ادا موجود طير فى المنطقه يلى طلقنا فى هدا يجى يمسك فى الشبك وينزل هو والطير بالتالى نجو احنا نخلصه ونمسكو الطير هده اسهل طريقه بس تبى اشويه صبر وخبره مشكووووووووور

[الشـ صقرـــام]

هذا باشق يا

[الشـ صقرـــام]

هذا باشق يستعمل في التنقيل ويستحسن في هذه الايام تركه ليعيش حياته الطبيعية

وشكرا

[رضوان]

السلام عليكم
هذا ياخوى نسموه فى ليبيا ابو شر اقه ونستعملوه لفه كما نقول الليبيين والسلام

[فهد بن مشبب العاصمي]

طيب يااخواني وش يسويبه .. يعني مايصيد العصافير الحمام .. ابد .. لو حمامة منتف ريشة ماتطير هل باستطاعته ذبحها .. الرجال يقول ابي اشوفه يصيد شيء لو عصفور .. فودي اسأله يصيد حمام ولا لا وهل يبقى جسمه على هالحجم مايكبر

[القناص 666]

هذا الله لا يهينك عطني اياه اعطيه اخوي الصغير يلعبه

[فهد بن مشبب العاصمي]

اخوي القناص 666 اتوقع اني اكلم رجال .. وانا ماقلت انه لي عشان تستهبل .. ويااخي العزيز خلك رجل .. وخل كلامك كلام رجال ولاتستهر بالناس .. وشف ولا واحد استهبل او استخف بالصورة او بالموضوع ..

واذا تبي دروس باللباقة ادخل دورة تدريب صغار السن على الكلام ..؟؟؟!! وترا هذا اول موضوع لي في مكشات وتستهبل فكيف بآخر موضوع ..

[فارس العجمي]

اخوي ابو شباب هذا الطير ما ينفع للصيد والخين وقت تبديل الريش كل الجوارح تبدل ريشها
والطير هذا ما يصيد الحمام هذا يصيد عصفير الصغيره والجراد والحشرات
اخذ النصيحه هده لوجه الله واكسب فيه اجر

[آبو غلآ]

هههههههههههههههههههههه يا القناص 666 ذبحني الضحك هههههههههههههههههههههههههههههههههههههههههههههههههه هههههههههههههههه فيه احد يصقر بشبوط هههههههههههههههههههههه

الاخوان علمووك ولا عاد تكثر الاسأله


القناص اذا طفش منه اخوك باخذهـ اعطيه اخواني انا بعد هههههههههه

[فهد بن مشبب العاصمي]

السلام عليكم ياشباب ..

الصراحة ماتوقعت ان فيه بزران بهالمنتدى بهالشكل ..

ماابي احلف اني مااطب هالمنتدى غير ماطبيته .. ويين اللي قالي ولزم علي قال المنتدى رجال .. وهو ماكذب لكن به بزران .. توهم بالابتدائية والابتدائي ارجل بكثيير استح على وجهك ياللي تستهبل .. اذا انت مسوي طير بر (( يفهمونه الرجال )) لاتسوي انك فاهم كل شيء ترا به ناس مايعرف يشب ضو .. لاتضحكون ولاتستهترون بأحد ..

وتوي اقار اسم الطفل ( شارب فينتو ) صراحة اسمك يدل على كبر سكن وتفكيرك .. والفينتو على الأقل للأطفال لكن انت دون سن التمييز لأنك ماتميز بين كلام الرجال أوكلام النساء ..

والله ياشباب ورجال المنتدى منحرج وانا اكتب هالكلام لكن البزران يرفعون الضغط وكيف انتم صابرين عليهم ..

.. إلى اللقاء ياشباب والله اني ندمت اني نزلت الموضوع والله ان خويي اللي قالي نزل الموضوع متفائل بردود طيبة وماقصرواالشباب .. لكن وجود البزران اللي ماتربوا على هرج الرجال .. يعيبه كثيرا والله اني كنت متحمس للمنتدى ويعلم الله اني تحطمت من هذا الموضوع وردود بعض الأعضاء السخيفة الطفولية ..


والسلام خير ختاام

[فهد بن مشبب العاصمي]

ولا انسى اخوي فارس العجمي على الفائدة .. والله يجزاك خير ويدخلك الجنة .. والرجال شرواك يستاهلون التشكر منهم على طيبهم ..

والى اللقاء لعلي لا القاكم بعد موضوعي هذا