خرط الجنط

[يزيد 999]

بسم الله الرحمن الرحيم
السلام عليكم ورحمه الله وبركاته

اخواني انا معي فورد حوض 2004 وادور له استبنه والحمد لله حصلت نفس المقاس لكن المشكله انه يحتاج توسيع لفتحات المسامير عشان يركب تمام قالي البنشر عند المخرطه يوسعونه قلت تمام شريت الجنط ورحت لم المخرطه وقالي انه الجنط كبير مانقدر ورحت لوحده ثانيهوقالي مستحيل احد يقدر يوسع الفتحات ما ادري كلامه صحيح او لا نتمنى الافاده اذا كان فيه مخرطه تقدر تسوي الشغل طبعا انا بالقصيم ومقاس الجنط 18

[abade12]

والله اشوف انك ترجعه وتاخذ واحد غيره نفس المقاس اللي عندك ونفس الشكل بالضبط
ماتدري الخرط ممكن يسبب خلل في وزنية الكفر أو مشكال لاتحمد عقباها في المستقبل

اذا مالقيت في مدينتك حاول تبحث في تشاليح المدن الآخرى الرياض جدة الدمام وأي شخص يقدر يرسله لك عن طريق زاجل بـ 10 ريال

بالتوفيق

[يزيد 999]

والله يااخوي انا درت الرياض من اوله الى اخره ولا حصلت وعند البنشري جنط مقاس 17 ركبه وركبت المسامير تمام بس عيا يمشي بسبب الكليبر وانا اذ خرطته ماراح استعمله الا وقت الضروره ولمسافه قصيره ما اتوقع الخرط راح ياثر يعطيك العافيه

[بدوي جنوبي]

البنشري نصاب وده يبيع الجنط وما همه سلامة أحد
لو تلاحظ مكان فتحة المسمار تكون أقوي والحديد فيها أمتن
لتحمل الضغط ،،، أذا وسعت الفتحه بيكون ضعيف مكان فتحت المسمار وهذا خطير
لان مع الحراره بيبدأ يتوسع ،،
عموما حاول تبحث عن جنط بديل اى نوع

بالتوفيق

[يزيد 999]

الاخ بدوي جنوبي انا ماراح اوسعه الا توسيع بسيط مااتوقع راح ياثر وبعدين استبنه يعني ماينزل الا وقت الضروره وان مشيت عليه مااتعدى 80

[بدوي جنوبي]

خلاص توكل على الله ووسع الفتحه لكن أذا أضطريت لأستخدامه أنتبه تسرع عليه وفي حال بيع السياره علمّ اللى يشتريها الله يوفقك

[يزيد 999]

هههههههههه هذي المشكله من اللي يقدر يوسعه دلنا عليه وبالنسبه للبيع ما هنا نيه بيع خلاص محكوم عليه يقعد عندنا (دخل القلب)

[يكفيني نظرة]

مالك الا الصناعية القديمه بالرياض واجد ورشات الجنوط يخرطون توسيع فلنجه ويضوقون الفلنجه بوضع ورده المنيوم ويلحمون جنوط مكسورة ...

[يزيد 999]

بس المشكله عنوه الرياض لو يحصل شي بالقصيم ازين ويعطيكم العافيه على الردود

[جمس_454_97]

اخوي الغالي البنشري اهم ماعنده انه يبيعك ماعليه منك
اما بالنسبه لتوسيع فتحات المسامير ما انصحك فيها لانه راح يضعف الجنط وممكن تكون معاك رجه بسبب خربطتهم بالجنط والافضل تشوف لك شي يناسب موترك
وانتبه ترى الجنوط خطيره لا تتلعب فيها ينفك عليك ولا يتكسر عليك وانت على سرعه عاليه
ماتسوى تغامر بنفسك

[كامري2004]

لاتوسعه لاينكسر عليك الجنط

[crazy ربع]

ي عيال الجنط عندي فيه رجه هل المخرطه تعدله ؟